An Gan a Ganow 5:6 - An Bibel Kernewek 20234 (Kernewek Kemmyn)

⁶ My a igoras dhe'm karadow, mes ow haradow a dreylyas, ha gyllys o dhe-ves. Ow enev a fyllis pan gewsis ev. My a'n hwilas, mes ny wrug vy y gavoes; my a'n gelwis, mes ny worthybis dhymm.

An Gan a Ganow 5:6 ပူးပေါင်းရင်းမြစ်များ

An Gan a Ganow 5:2

Yth esov vy ow koska, mes ow holonn yw difun. Son ow haradow ow knoukya: ‘Igor dhymmo vy, ow hwoer, ow hares, ow holommenn, ow benyn berfydh; rag bos ow fenn glyb dre luth, ow hudynnow dre lybor an nos.’

Diskwedhyans 3:19

Myns a garav, a geredhav ha keski. Bydh diwysyk, ytho, ha kemmer edrek.

Mark 14:72

Hag a-dhesempis an kulyek a ganas an nessa gweyth. Ha Peder a borthas kov a'n ger a leveris Yesu dhodho, ‘Kyns es an kulyek dhe gana diwweyth, ty a'm denagh teyrgweyth.’ Hag ev a dhallathas oela.

Matthew 26:75

Ha Peder a borthas kov a eryow Yesu, kewsys dhodho, ‘Kyns es an kulyek dhe gana ty a'm denagh teyrgweyth.’ Hag ev eth dhe-ves hag a oelas yn hwerow.

Zekaria 7:13

Pan elwis ev, ny woslowsons i. Ytho pan alwsons, ny woslewis vy, yn-medh Arloedh an luyow.

Hosea 5:15

My a wra mos ha dehweles dhe'm tyller, bys mayth aswonnons aga offens, ha hwilas ow fas; yn aga ahwer i a'm hwila dihwans.

Hosea 5:6

I a wra mos gans aga flokkys ha'ga gwarthek dhe hwilas an Arloedh, mes ny'n kevons; ev re gildennas anedha.

Kynvannow 3:8

Ynwedh pan griav ‘Harow!’ ev a dhege yn-mes ow fysadow.

Ysay 58:2

I a'm hwila pub dydh, ha hwansa godhvos ow fordhow, kepar dell vens kenedhel a wrug ewnder ha na forsakyas ordenans aga Duw. I a wovynn dhiworthiv breusow a ewnder hag i a gemmer delit ow tos nes dhe Dhuw.

Ysay 57:16

Rag ny wrav vy kuhudha bys vykken, na vos serrys bynitha, rag ena spyrys den a wannsa a-ragov, ha'n anall a wrug vy.

Ysay 50:2

Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Ysay 12:1

Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

Ysay 8:17

My a worta an Arloedh neb a gudh y fas dhiworth chi Yakob, hag ynno y fydh ow govenek.

An Gan a Ganow 6:1

Ple hwrug dha garadow mos, A dekka yn mysk benynes? Ple hwrug dha garadow treylya, may hwren ni y hwilas genes?

An Gan a Ganow 5:4

Ow haradow a worras y leuv dre doll an klykket, ha'm torr a veu movyes ganso.

Lavarow Koth 1:28

Ena i a elow warnav, mes ny wrav vy gorthybi, i a wra ow hwilas dihwans, mes ny'm kevons.

Salmow 80:4

A Arloedh Duw an luyow, pygemmys prys y serrydh orth pysadow dha bobel?

Salmow 77:3

My a berth kov a Dhuw, ha moredhek ov vy; my a breder yn town, ha'm enev a glamder. Sela.

Salmow 69:3

Skwith ov vy ow karma; ronk yw ow bryansenn. Ow dewlagas a fyll, ha my ow kortos ow Duw.

Salmow 30:7

Y'th tader, A Arloedh, ty a wrussa dhymm sevel avel menydh krev; mes ty a gudhas dha fas, ha dyegrys veuv.

Salmow 28:1

Warnas jy y halwav, A Arloedh; ow harrek, na vydh bodhar orthiv vy, ma na viv, mar tewydh, kepar ha'n re a dhiyskynn dhe'n pytt.

2 Samuel 16:10

Mes yn-medh an myghtern, ‘Pyth eus yntra my ha hwi, hwi vebyon Seruya? Mar kwra ev mollethi rag an Arloedh dhe leverel dhodho, “Molleth Davydh”, piw a lever ena, “Prag y hwruss'ta yndella?” ’

1 Samuel 28:6

Ha pan wovynnas Sowl orth an Arloedh, ny worthybis an Arloedh dhodho, na der hunrosow, na der Urim, na dre brofoesi.

Jenesis 42:28

Yn-medh ev dh'y vreder, ‘Ow mona re beu daskorrys dhymm. Ottava y'm sagh.’ Aga holonn a fyllis, hag i a grenas, ow leverel an eyl dh'y gila, ‘Pyth yw hemma re wrug Duw dhyn ni?’