An Gan a Ganow 5:2 - An Bibel Kernewek 20234 (Kernewek Kemmyn)

² Yth esov vy ow koska, mes ow holonn yw difun. Son ow haradow ow knoukya: ‘Igor dhymmo vy, ow hwoer, ow hares, ow holommenn, ow benyn berfydh; rag bos ow fenn glyb dre luth, ow hudynnow dre lybor an nos.’

An Gan a Ganow 5:2 ပူးပေါင်းရင်းမြစ်များ

Jenesis 29:20

Ytho Yakob a servyas Laban seyth blydhen rag Raghel, mes yth heveli kepar ha nebes dydhyow drefenn y gerensa rygdhi hi.

Salmow 119:1

Gwynnvys an re yw heb namm y'n fordh, hag a gerdh yn lagha an Arloedh.

Salmow 81:10

My yw an Arloedh dha Dhuw, a'th tug jy yn-mes a bow Ejyp. Igor dha anow a-les, ha my a'n lenow.

Lavarow Koth 23:26

Ow mab, ro dhymmo vy dha golonn, ha gwithes dha dhewlagas ow fordhow.

An Gan a Ganow 1:16

Otta, teg os, ow huv kolonn, hegar yn hwir. Gwyrdh yw agan gweli.

An Gan a Ganow 2:10

Ow haradow a gews ha leverel dhymm, ‘Sav ow hares, ow hwegoll, ha deus dhe-ves,

An Gan a Ganow 2:14

Ow holommenn, yn folsyow an garrek, yn goskes an kleger, diskwedh dhymm dha fas, gas vy dhe glewes dha lev, rag hweg yw dha lev, ha teg yw dha fas

An Gan a Ganow 2:8

Lev ow haradow! otta, ev a dheu, ow lamma war an menydhyow, ow terlemmel war an breow.

An Gan a Ganow 3:1

War ow gweli, dhiworth an nos, my a hwilas karadow ow enev; my a'n hwilas, mes ny'n kevis.

An Gan a Ganow 4:7

Teg osta, ow hares; nyns eus namm ynnos.

An Gan a Ganow 4:9

Ty re ladras ow holonn, ow hwoer, ow fries, ty re ladras ow holonn der unn mir uskis a'th tewlagas, der unn degenn a'th torgh.

An Gan a Ganow 5:11

Y benn yw owr, owr fin; y gudynnow yw krullys, mar dhu avel marghvran.

An Gan a Ganow 5:6

My a igoras dhe'm karadow, mes ow haradow a dreylyas, ha gyllys o dhe-ves. Ow enev a fyllis pan gewsis ev. My a'n hwilas, mes ny wrug vy y gavoes; my a'n gelwis, mes ny worthybis dhymm.

An Gan a Ganow 6:9

Onan yw ow holommenn, ow benyn berfydh; an unn vyrgh yw hi dh'y mamm, heb namm dhe neb a's omdhuk. Myrghes a's gwelas ha keslowenhe gensi, myghternesow hag iswragedh a's gormolas.

An Gan a Ganow 7:9

ha'th stevnik kepar ha'n gwin gwella ow mos smodh yn-nans, ow slynkya dres ow diwweus ha'm dyns.

An Gan a Ganow 8:7

Ny yll dowrow lower difeudhi kerensa, byth moy ny yll livow hy beudhi. Mar profsa den rag kerensa oll rychys y ji, skornys yn tien via henna.

Ysay 50:6

My a ros ow heyn dhe'n re a'm gweskis, ha'm diwvogh dhe'n re a dennas an varv yn-mes; ny gudhis ow fas dhiworth despit ha trew.

Ysay 52:14

Par dell o lies hag a gemmeras skruth a'y wovis – mar dhifasys dell o y semlans, dres semlans gour, ha'y furv dres furv mebyon den –

Daniel 8:18

Hag ev ow kewsel orthiv, my a goedhas yn klamder, gans ow fas troha'n dor. Mes ev a'm tochyas, ha'm settya a'm sav.

Zekaria 4:1

Ena an el esa ow kewsel orthiv a dhehwelis hag a wrug dhymm difuna, avel den yw difunys dhiworth y gosk.

Matthew 7:8

rag peub neb a wovynn a dhegemmer, ha neb a hwila a gyv, ha dhe neb a gnouk y fydh igerys.

Matthew 8:17

may fe kollenwys an dra kewsys der Ysay an profoes ow leverel, ‘Ev y honan a gemmeras agan gwannegredh hag a borthas agan klevesow.’

Mark 1:35

Ha myttin a-varr, hag ev ow sevel fest pell kyns hy bos dydh, ev eth yn-mes hag omdenna bys yn tyller difeyth, hag ena yth esa ow pysi.

Luk 22:44

Ha devedhys yn angoes ev a bysi moy ter; ha'y hwys a dheuth ha bos kepar ha bannaghow a woes ow troppya war an dor.

Luk 6:12

Hag y'n dydhyow na, ev eth yn-kerdh dhe'n menydh dhe bysi, hag ev a spenas an nos yn pysadow dhe Dhuw.

Luk 9:32

Mes Peder ha'n re ganso o poes gans kosk; ha pan ens i difun i a welas y wolewder ha'n dhew wour ow sevel ganso.

Yowann 10:4

Ha pan worr ev y dheves y honan yn-mes, ev a gerdh a-dheragdha, ha'n deves a'n siw, rag i dhe aswonn y lev.

Galatianys 2:20

bew ov, mes na fella my ow honan, mes Krist a vew ynnov; an bewnans a'm beus y'n eur ma y'n kig my a vew yn fydh Mab Duw neb a'm karas hag omri y honan ragov.

Efesianys 5:14

rag pup-tra a veu diskwedhys yw golow. Rakhenna, leverys yw, ‘Sav, ty neb a gosk, ha sav yn-bann mes a'n re varow, ha Krist a re dhis golow.’

Diskwedhyans 14:4

An re ma yw neb na veu mostys gans benynes, rag aga bos chast. An re ma yw neb a hol an Oen py le pynag yth ello. An re ma a veu prenys dhiworth mab-den, kynsa frut dhe Dhuw ha dhe'n Oen.

Diskwedhyans 3:20

Otta, yth esov ow sevel orth an daras ha knoukya: den mar klew ow lev hag igeri an daras, my a dheu a-ji ganso, ha sopya ganso, hag ev genev vy.

Diskwedhyans 3:4

Byttegyns yma genes nebes henwyn yn Sardis na wrug mostya aga dillas; hag i a wra kerdhes genev, gwynn aga dillas, rag gwiw yns i.