An Gan a Ganow 5:16 - An Bibel Kernewek 20234 (Kernewek Kemmyn)

¹⁶ Y anow yw a'n hwekka, hag ev yw plegadow yn tien. Hemm yw ow haradow ha hemm yw ow har, A vyrghes Yerusalem.

An Gan a Ganow 5:16 ပူးပေါင်းရင်းမြစ်များ

2 Samuel 1:23

Sowl ha Yonathan, yn aga bewnans meurgerys ha jentyl, hag yn mernans nyns ens rynnys; skaffa es eryon ens, kreffa es lewyon ens.

Salmow 119:103

Ass yw hweg dha lavarow dhe'm stevnik, hwekka es mel dhe'm ganow!

Salmow 148:13

Gormelens hanow an Arloedh, rag unnsel y hanow ev yw ughelhes, hag yma y splannder a-ugh nev ha nor.

Salmow 19:10

Moy desirys yns i ages owr, ages meur a owr fin; ha hwekka yns i es mel, ha'n gribenn mel.

Salmow 45:2

Tekka osta jy ages mebyon den; leun a ras yw dha dhiwweus, rakhenna Duw re'th vennigas bynitha.

Salmow 89:6

Rag piw y'n nevow a yll bos kehaval dhe'n Arloedh? Piw yn mysk mebyon an duwow a yll bos haval dhe'n Arloedh?

An Gan a Ganow 1:16

Otta, teg os, ow huv kolonn, hegar yn hwir. Gwyrdh yw agan gweli.

An Gan a Ganow 1:2

Re ammo ev dhymm gans ammow y anow – rag gwell yw dha gerensa ages gwin.

An Gan a Ganow 1:5

Du ov vy, ha teg, A vyrghes Yerusalem, kepar ha tyldow Kedar, kepar ha kroglennow Solomon.

An Gan a Ganow 2:1

Rosenn a Sharon ov vy, lilienn a'n nansow.

An Gan a Ganow 2:16

Ow haradow yw dhymmo vy, ha dhodho ev yth ov vy, ev a besk yn mysk an lili.

An Gan a Ganow 2:3

Avel avalenn yn mysk gwydh an goeswik, yndella yw ow haradow yn mysk an vebyon. Gans meur a dhesir my a esedhas yn y woskes, ha hweg o y frut dhe'm stevnik.

An Gan a Ganow 4:3

Avel neusenn gogh yw dha dhiwweus, ha hweg yw dha anow. Dha eryow yw avel tregh a reunaval a-dryv dha vayl.

An Gan a Ganow 6:3

Dhe'm karadow ov vy ha dhymmo vy yw ow haradow, neb a beur y flokk yn mysk an lili.

An Gan a Ganow 7:9

ha'th stevnik kepar ha'n gwin gwella ow mos smodh yn-nans, ow slynkya dres ow diwweus ha'm dyns.

Yeremia 15:16

Dha eryow a veu kevys, ha my a's dybris: ha'th heryow o lowender dhymm ha heudhder ow holonn: rag dha hanow re beu gelwys warnav, A Arloedh, Duw an luyow.

Yeremia 3:20

Yn sur dell dhiberth gwreg yn traytus a-dhiworth hy gour, yndellma hwi re beu dislel dhymm, A ji Ysrael, yn-medh an Arloedh.

Hosea 3:1

Ena an Arloedh a leveris dhymm arta, ‘Ke, kar benyn yw kares kentrevek, hag avoutres, kepar ha kerensa an Arloedh orth mebyon Ysrael, kyn treylyons dhe dhuwow erell, ha kara tesennow-grappys.’

Galatianys 2:20

bew ov, mes na fella my ow honan, mes Krist a vew ynnov; an bewnans a'm beus y'n eur ma y'n kig my a vew yn fydh Mab Duw neb a'm karas hag omri y honan ragov.

Filippianys 3:8

Moy es henna, my a syns bos pup-tra koll rag an pris dres eghenn a aswonnvos Krist Yesu ow Arloedh, rag neb my a gollas pup-tra, ha my a syns y vos skoellyon may kyffiv Krist,

Jamys 2:23

Ha kollenwys veu an skryptor ow leverel, ‘Abraham a fydhyas yn Duw hag akontys veu hemma dhodho avel ewnder’, hag y'n gelwys, ‘Koweth Duw.’

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.