An Gan a Ganow 5:15 - An Bibel Kernewek 20234 (Kernewek Kemmyn)

¹⁵ Y dhiwarr yw kolovenyow a varbel, desedhys war grawyow a owr; y semlans yw kepar ha Lebanon, bryntin avel an kederwydh.

An Gan a Ganow 5:15 ပူးပေါင်းရင်းမြစ်များ

1 Myghternedh 4:33

Ev a gewsi a wydh, dhiworth an keder usi yn Lebanon bys y'n hyssop a dyv y'n fos; ev a gewsi a enyvales, hag ydhyn, ha kramviles, ha puskes.

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

Oberow 2:28

Ty re dhiskwedhas dhymm an fordhow a vewnans; ty a'm lenow a heudhder gans dha wolok.”

Matthew 28:3

Y semlans o avel lughes, ha'y wisk gwynn avel an ergh.

Matthew 17:2

Hag ev a veu treusfigurys a-ragdha, ha'y fas a derlentris avel an howl, ha'y dhillas o mar wynn avel an golow.

Zekaria 9:17

Ass yw meur y dhader, hag ass yw meur y dekter! Greun a wra dhe'n wer yowynk seweni, ha gwin nowydh an myrghes.

Hosea 14:7

Arta y trigons yn y skeus. I a wra ys dhe devi. I a wra bleujyowa avel an gwinbrenn; y vri a vydh avel gwin Lebanon.

An Gan a Ganow 7:4

Kepar ha tour gwrys a dhans-olifans yw dha gonna, dha dhewlagas avel pollow yn Heshbon, ryb yet Bath-rabbim. Dha droen yw kepar ha tour Lebanon, ow mires war-tu ha Damaskus.

An Gan a Ganow 4:11

Dha dhiwweus a dhever mel dell ve dhiworth an gribenn, ow fries; yma mel ha leth yn-dann dha daves, hag ethenn dha dhillas yw avel ethenn Lebanon.

An Gan a Ganow 2:14

Ow holommenn, yn folsyow an garrek, yn goskes an kleger, diskwedh dhymm dha fas, gas vy dhe glewes dha lev, rag hweg yw dha lev, ha teg yw dha fas

Salmow 92:12

An den gwiryon a las avel an balmwydhenn, hag ev a dyv avel kederwydhenn yn Lebanon.

Breusysi 13:6

Ena an venyn a dheuth hag a leveris dh'y gour, ‘Gour Duw a dheuth dhymm, ha'y semlans o haval dhe semlans el Duw, pur euthyk; ny wovynnis vy orto a-ble teuth ha ny dherivas dhymm y hanow,

Eksodus 26:19

ha dew-ugens sel arghans ty a wra yn-dann an ugens fram, diw sel yn-dann unn fram rag y dhew denon, ha diw sel yn-dann fram arall rag y dhew denon;

Salmow 80:10

An menydhyow o kudhys gans y skeus, ha kederwydh Duw gans y skorrennow.

Ezekiel 17:23

Yn ughella menydh Ysrael my a'n plans, may hallo dri yn-mes skorrennow ha doen frut, ha dos ha bos kederwydhenn vryntin, ha pub par edhen a drig yn-danno, ha pub par kreatur askellek a drig yn skeus y skorrennow.

Ezekiel 31:8

An kederwydh yn lowarth Duw nyns ens hy far, nyns o sybwydh haval dh'y skorrennow; nyns o meryw kepar ha'y barrennow; nyns o gwydhenn vytholl y'n lowarth Duw haval dhedhi yn hy thekter.

Salmow 92:13

An re yw plynsys yn chi an Arloedh, a las yn klosyow agan Duw.

Kynvannow 4:7

Glanna o hy nazirysi ages an ergh, kanna ages leth, ruttha aga horf ages koral, aga fisment kepar ha saffir.