An Gan a Ganow 5:1 - An Bibel Kernewek 20234 (Kernewek Kemmyn)

¹ My re dheuth a-berth y'm lowarth, ow hwoer, ow fries, my re guntellas ow myrr gans ow spis, my re dhybris ow kribenn mel gans ow mel, my re evas ow gwin gans ow leth. Dybrewgh, A gowetha, evewgh, ha bedhewgh medhow dre gerensa.

An Gan a Ganow 5:1 ပူးပေါင်းရင်းမြစ်များ

Jenesis 37:25

Hag i a esedhas dhe dhybri bara, hag i a dhrehevis aga lagasow ha mires, hag awotta, karavan a Yshmaelysi ow tos dhiworth Gilead. Yth esa aga howrvergh ow toen spisys, balsam ha myrr, ow vyajya dh'aga doen yn-nans dhe Ejyp.

Salmow 147:11

Mes an Arloedh a gemmer plesour y'n re a'n own, y'n re a fydh yn y dregeredh.

Salmow 16:3

A-barth an syns usi y'n vro, ha'n re vryntin, yma oll ow lowena ynna i.

Lavarow Koth 24:13

Ow mab, deber mel, rag da yw; mel dhiworth an gribenn yw hweg dhe'th stevnik.

Lavarow Koth 9:5

‘Dewgh, dybrewgh a'm bara hag evewgh a'n gwin re vyskis.

Ekklesiastes 2:5

My a wrug ragov vy ow honan lowarthyow ha lies paradhis, ha plansa ynna pub eghenn a frutwydh.

An Gan a Ganow 1:13

Yth yw ow harer dhymm avel yalgh a vyrr, a'y growedh ynter ow diwvronn.

An Gan a Ganow 4:16

Difun, A wyns an gogledh, ha deus, A wyns an dyghow! hwyth war ow lowarth, dhe lesa y spisys. Des ow haradow dh'y lowarth, ha dybri y frut dentethyel.

An Gan a Ganow 4:8

Deus a-dhiworth Lebanon, ow fries, deus a-dhiworth Lebanon. Diyskynn a-dhiwar dopp Amana, a-dhiwar benn Senir ha Hermon, a-dhiworth fowys lewyon, a-dhiworth menydhyow lewpardes.

An Gan a Ganow 6:11

My eth yn-nans dhe lowarth an know rag hwithra an eginyow y'n nans, dhe weles mar kwrug an gwinbrennyer glasa, mar kwrug an greunavalow bleujyowa.

An Gan a Ganow 6:2

Y hwrug ow haradow mos yn-nans dh'y lowarth, dhe vleujyowegi an spisys, rag peuri y flokk y'n lowarthyow, ha kuntell lili.

An Gan a Ganow 8:1

A pes avel broder dhymmo vy, neb a sugna diwvronn ow mamm! Ena, pan y'th welen vy y'n stret, my a ammsa dhis, ha ny vien vy dispresys

An Gan a Ganow 8:13

Ty neb usi trigys y'n lowarthyow, yma'n gowetha ow koslowes orth dha lev; gas vy dh'y glewes.

Ysay 23:18

Hy gwayn ha'y gober a vydh sans dhe'n Arloedh; ny vydh kuntellys na gwithys, mes hy gwayn a vydh rag an re a drig a-rag an Arloedh, rag lanwes boes ha dillas splann.

Ysay 5:1

My a gan lemmyn dhe'm karadow kan kerensa a-dro dh'y winlann: Ow haradow a'n jeves gwinlann war vronn pur feyth.

Ysay 51:3

Rag an Arloedh a vynn konfortya Sion, ev a vynn konfortya oll hy magoryow, ha gul hy gwylvos avel Eden, hy difeyth avel lowarth an Arloedh. Joy ha lowender a vydh kevys ynni, grasyans ha lev kana.

Ysay 53:11

Wosa godhevyans y enev, ev a wel golow, ha kontentys vydh; der y wodhvos ow gwas gwiryon a ewnha lies, hag ev a dheg aga hammweythresow.

Ysay 58:11

An Arloedh a'th hembronk prest, ha sostena dha enev yn tylleryow sygh ha krevhe dha eskern. Ty a vydh avel lowarth dowrhes, hag avel fenten dowr ma na fyll hy dowrow.

Ysay 61:11

Ha kepar dell wra an dor dri yn-mes y eginyow, ha lowarth a wra dhe'n pyth yw hesys skylla, yndella an Arloedh Duw a wra dhe ewnder ha gormola skylla a-rag oll an kenedhlow.

Ysay 65:13

Rakhenna yndellma y lever an Arloedh Duw, Otta, ow servysi a dheber mes hwi a'gas bydh nown; otta, ow servysi a yv mes hwi a'gas bydh syghes; otta, ow servysi a lowenha mes hwi a gemmer meth.

Ysay 66:14

Hwi a wel henna, ha'gas kolonn a lowenha; ha glasa a wra agas eskern avel gwels; leuv an Arloedh a vydh aswonnys dh'y servysi, ha'y sorr orth y eskerens.

Matthew 25:40

Hag y hwra an Myghtern gorthybi ow leverel dhedha, “Yn hwir y lavarav dhywgh, par dell y'n gwrussowgh dhe onan a'n lyha a'm breder ma, dhymmo vy y'n gwrussowgh.”

Luk 12:4

‘My a lever dhywgh, ow howetha, na berthewgh own a'n re a ladh an korf ha wosa henna ny yllons gul travyth moy.

Yowann 3:29

Ev neb a gyv an briesvyrgh yw an gour pries; mes koweth an gour pries neb a sev ha goslowes orto a lowenha yn feur drefenn lev an gour pries. Ytho an lowena ma usi dhymmo vy yw kollenwys.

Oberow 11:29

Rakhenna an dhyskyblon a erviras, pub huni herwydh y bygans, dannvon sokor dhe'n vreder trigys yn Yudi.

Efesianys 5:18

Ha na vedhewgh medhow dre win, mayth eus fowt rewl, mes bedhewgh lenwys a'n Spyrys,

Diskwedhyans 22:17

Hag yn-medh an Spyrys ha'n venyn bries, ‘Deus’, ha leveres neb a glewvo, ‘Deus’, ha des neb a'n jeffo syghes; neb a vynno, kemmeres ev a'n dowr a vewnans heb kost.

Breusysi 14:11

Pan y'n gwelas an dus i a dhros deg koweth warn ugens dhe vos ganso.

Breusysi 14:20

Ha gwreg Samson a veu res dh'y goweth re bia y gar y'n demmedhyans.