Ewgh yn-mes ha mirewgh, a vyrghes Sion, orth myghtern Solomon gans an gurun may hwrug y vamm y guruna gensi yn dydh y dhemmedhyans, ha'n jydh mayth o lowen y golonn.
Ena my a dremenas dresos ha mires, hag otta, drehedhys veus dhe'n oes a gerensa. Ytho my a lesas ow lostenn warnas ha kudha dha noethedh, ha my a dos ti dhis, hag entra yn kevambos genes, yn-medh an Arloedh Duw, ha ty a dheuth ha bos dhymm.
An myghtern a armas yn ughel rag dri an worhenysi, an Kaldeanys, ha'n goelyogyon. Ev a leveris dhe'n dus fur a Babylon, ‘Seul a rettyo an skrif ma, hag a dhiskwettho dhymm y styr, a vydh gwiskys yn purpur, gans kadon owr a-dro dh'y gonna, hag a vydh an tressa rewler y'n ruvaneth.’
An Arloedh, dha Dhuw a-berth ynnos, galloesek yw, ev a saw; fest heudhik yw warnas gans lowena; ev a vydh tawesek yn y gerensa, ev a lowenha warnas gans kana,
Ev neb a gyv an briesvyrgh yw an gour pries; mes koweth an gour pries neb a sev ha goslowes orto a lowenha yn feur drefenn lev an gour pries. Ytho an lowena ma usi dhymmo vy yw kollenwys.