An Gan a Ganow 4:6 - An Bibel Kernewek 20234 (Kernewek Kemmyn)

⁶ Bys pan anello an jydh, ha'n skeusow a fi dhe'n fo, my a dhe'n menydh a vyrr, ha dhe'n vre a frankynkys.

An Gan a Ganow 4:6 ပူးပေါင်းရင်းမြစ်များ

Salmow 66:15

My a brof dhis offrynnow leskys a enyvales peskys, gans ynkys hordhes; my a offrynn lodhnow gans gever. Sela.

Eksodus 20:24

Alter a dhor ty a wra dhymm ha sakrifia warnedhi dha offrynnow leskys hag offrynnow kres, dha dheves ha'th oghen; yn pub le may hwrylliv ow hanow dhe vos kovhes, my a wra dos dhis ha'th venniga.

Eksodus 30:8

Ha pan bareus Aron an lugern gorthugherweyth, ev a'n lesk, an ynkys pub-dydhyek a-rag an Arloedh der agas henedhow.

Eksodus 37:29

Ev a wrug an oyl sans ynwedh, ha'n ynkys hweg pur, kemmyskys par dell ve gans perfumyer.

An Gan a Ganow 2:17

Bys pan anello an jydh, ha'n skeusow a vo fiys dhe'n fo, treyl, ow haradow, bydh kepar hag ewik, po karow yowynk, war an menydhyow a spisys.

An Gan a Ganow 3:6

Piw yw hemma usi ow tos yn-bann a'n gwylvos, kepar ha kolovenyow a vog, yn mysk ethennow a vyrr ha frankynkys, a bub polter sawrek a'n marchont?

An Gan a Ganow 4:14

spiknard ha safron, kalamus ha sinnamon, gans pub gwydhenn frankynkys, myrr hag aloes, gans oll an gwella spisys.

An Gan a Ganow 8:14

Fisten dhe-ves, ow haradow, ha bydh kepar hag ewik po karow yowynk war an menydhyow a spisys.

Ysay 2:2

Y'n dydhyow diwettha menydh chi an Arloedh a vydh fastys avel penn an menydhyow; hag y fydh drehevys yn-bann dres an breow, hag oll an kenedhlow a dheu dhodho yn fros.

Malaki 1:11

Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Malaki 4:2

An howl a ewnder a wra drehevel gans yeghes yn y eskelli ragowgh hwi neb a berth own a'm hanow. Ha hwi a wra mos yn-mes ha terlemmel avel leughi peskys livrys a'n stall.

Luk 1:78

dre druedh medhel agan Duw, may teu dh'agan visitya an jydh-tardh a'n ughelder,

2 Peder 1:19

Ha ni a'gan beus an ger profoesek moy sur. Hwi a wra yn ta ow kul vri anodho, kepar ha lugarn ow kolowi yn tyller tewl erna dartho an jydh hag erna dhrehaffo Borlowenn yn agas kolonnow.

1 Yowann 2:8

Arta, gorhemmynnow nowydh a skrifav dhywgh, an pyth yw gwir ynno ev hag ynnowgh hwi: rag tremenys yw an tewlder ha'n gwir wolow lemmyn a splann.

Diskwedhyans 22:16

‘My, Yesu, re dhannvonas ow el dhe dhustunia dhywgh an taklow ma rag an eglosyow. My yw gwreydhenn hag agh Davydh, an Vorlowenn splann.’

Diskwedhyans 5:8

Ha pan gemmeras an rol, an peswar kreatur bew, ha'n peswar henavek warn ugens a goedhas dhe'n dor a-dherag an Oen, pubonan gans telynn ha fiolyow owrek leun a ynkys, yw pysadow an syns.