An Gan a Ganow 4:3 - An Bibel Kernewek 20234 (Kernewek Kemmyn)

³ Avel neusenn gogh yw dha dhiwweus, ha hweg yw dha anow. Dha eryow yw avel tregh a reunaval a-dryv dha vayl.

An Gan a Ganow 4:3 ပူးပေါင်းရင်းမြစ်များ

Jenesis 32:10

nyns ov wordhi a'n tregeredhow oll ha'n lelder oll re wruss'ta gans dha was; rag gans ow lorgh my a dremenas dres an Yordan ma, ha lemmyn yth ov devedhys ha bos dew gamp.

Ezra 9:6

ha leverel, ‘Ow Duw, meth a'm beus hag ankombrys ov may trehavav ow fas dhis, ow Duw: drefenn bos agan drogoberow ynkressys a-ugh agan penn, ha'gan kammweyth ughelhes bys y'n nevow.

Salmow 119:13

Gans ow diwweus re venegis vy oll breusow dha anow.

Salmow 37:30

Ganow an den gwiryon a lever furneth, ha'y daves a gews a wirvreus.

Salmow 45:2

Tekka osta jy ages mebyon den; leun a ras yw dha dhiwweus, rakhenna Duw re'th vennigas bynitha.

Lavarow Koth 10:13

Yma furneth kevys war dhiwweus neb a'n jeves konvedhes, mes yma gwelenn rag keyn neb na'n jeves skentoleth.

Lavarow Koth 31:26

Hi a iger hy ganow gans furneth, hag yma an dyskans a dregeredh war hy thaves.

An Gan a Ganow 1:5

Du ov vy, ha teg, A vyrghes Yerusalem, kepar ha tyldow Kedar, kepar ha kroglennow Solomon.

An Gan a Ganow 4:11

Dha dhiwweus a dhever mel dell ve dhiworth an gribenn, ow fries; yma mel ha leth yn-dann dha daves, hag ethenn dha dhillas yw avel ethenn Lebanon.

An Gan a Ganow 5:13

Y dhiwvogh yw kepar ha bleujyowek a spisys gans losow sawrek ow tevi ynni; avel lili yw y dhiwweus, ow tevera gans lin myrr.

An Gan a Ganow 5:16

Y anow yw a'n hwekka, hag ev yw plegadow yn tien. Hemm yw ow haradow ha hemm yw ow har, A vyrghes Yerusalem.

An Gan a Ganow 6:7

Dha dhiwvogh yw avel tamm a reunaval a-dryv dha vayl.

An Gan a Ganow 7:9

ha'th stevnik kepar ha'n gwin gwella ow mos smodh yn-nans, ow slynkya dres ow diwweus ha'm dyns.

Ezekiel 16:63

rag may perthi kov ha bos methek, heb igeri dha anow arta drefenn dha dhisenor, pan wrav prenedh dhis rag pup-tra re wrussys, yn-medh an Arloedh Duw.

Levitikus 14:4

an oferyas a ergh may fo dres rag neb a dal bos glanhes diw edhen vew ha glan, prenn keder, pann kogh ha hyssop.

Levitikus 14:6

Hag ev a gemmer an edhen vew ha'n prenn keder ha'n pann kogh ha'n hyssop ha troghya an re ma ha'n edhen vew yn goes an edhen a veu ledhys a-ugh an dowr ow resek.

Niverow 19:6

ha'n oferyas a wra kemmeres prenn keder ha hyssop ha pann kogh, ha'ga thewlel yn mysk losk an lejek.

Niverow 4:8

Ena i a wra lesa dresti pann kogh, ha kudha henna gans kudhans a greghyn morhoghes, ha settya hy gwelynni.

Matthew 12:35

An den da a dhre taklow da yn-mes a'y dresor da, ha'n drog dhen a dhre droktaklow yn-mes a'y dhroktresor.

Luk 4:22

Hag yth esens i oll ow tustunia a-dro dhodho, ha marth a's tevo a'n geryow a ras a dheuth a'y anow, hag yn-medhons, ‘A nyns yw hemma mab Yosep?’

Efesianys 4:29

Na dhes drog-ger vyth yn-mes a'gas ganow, saw pypynag a vo da rag an drehevyans yw res, may rollo gras dhe neb a'n klewvo.

Kolossianys 4:6

Bedhes agas lavar pup-prys grassyes, sawrys gans hoelan, dhe wodhvos fatell goedh dhywgh gorthybi dhe bubonan.

Ebrowyon 9:19

Rag pan veu leverys gans Moyses pub gorhemmynn a'n lagha dhe'n bobel oll, ev a gemmeras goes leughi ha gever, gans dowr ha gwlan kogh ha hyssop, ha skoellya goes ha war an lyver y honan ha war an bobel oll,

Yoshua 2:18

marnas pan dhyffyn dhe'n tir, ty a gelm kordenn an neus kogh ma y'n fenester ma'gan gorrsys yn-nans dredhi, ha ty a guntell dha das ha'th vamm, dha vreder hag oll dhe deylu y'th chi.