An Gan a Ganow 4:16 - An Bibel Kernewek 20234 (Kernewek Kemmyn)

¹⁶ Difun, A wyns an gogledh, ha deus, A wyns an dyghow! hwyth war ow lowarth, dhe lesa y spisys. Des ow haradow dh'y lowarth, ha dybri y frut dentethyel.

An Gan a Ganow 4:16 ပူးပေါင်းရင်းမြစ်များ

Ekklesiastes 1:6

Dhe'n dhyghowbarth y hwyth an gwyns, hag a dreyl dhe'n gledhbarth; a-dro hag a-dro y treyl, ha dehweles, ow mos a-dro arta yn y hynsyow.

Ekklesiastes 2:5

My a wrug ragov vy ow honan lowarthyow ha lies paradhis, ha plansa ynna pub eghenn a frutwydh.

An Gan a Ganow 1:13

Yth yw ow harer dhymm avel yalgh a vyrr, a'y growedh ynter ow diwvronn.

An Gan a Ganow 1:4

Tenn vy war dha lergh – poenya a wren! An myghtern re'm kyrghas a-bervedh yn y jambouryow, Heudhik on ni ha ni a lowenha ynnos; ni a govha dha gerensa moy ages gwin, yn ewn i re'th karas!

An Gan a Ganow 2:3

Avel avalenn yn mysk gwydh an goeswik, yndella yw ow haradow yn mysk an vebyon. Gans meur a dhesir my a esedhas yn y woskes, ha hweg o y frut dhe'm stevnik.

An Gan a Ganow 2:8

Lev ow haradow! otta, ev a dheu, ow lamma war an menydhyow, ow terlemmel war an breow.

An Gan a Ganow 5:1

My re dheuth a-berth y'm lowarth, ow hwoer, ow fries, my re guntellas ow myrr gans ow spis, my re dhybris ow kribenn mel gans ow mel, my re evas ow gwin gans ow leth. Dybrewgh, A gowetha, evewgh, ha bedhewgh medhow dre gerensa.

An Gan a Ganow 6:2

Y hwrug ow haradow mos yn-nans dh'y lowarth, dhe vleujyowegi an spisys, rag peuri y flokk y'n lowarthyow, ha kuntell lili.

An Gan a Ganow 8:12

Ow gwinlann, ow honan, yw dhymmo vy, ha Solomon, ty a bew an mil, ha gwithysi an frutys a bew dew kans.

Ysay 64:1

Unnweyth a kwrelles skwardya an nevow ha dos yn-nans, ha'n menydhyow ow krysya a-ragos!

Ezekiel 37:9

Ev a leveris dhymm, ‘Profoes dhe'n anall, gwra profoesa, A vab den, ha lavar dhe'n anall: Yndellma y lever an Arloedh Duw: Deus dhiworth an peswar gwyns, A anall, hag anella war an dus ledhys ma, may fons bew.’

Matthew 26:10

Yesu a gonvedhas henna, hag yn-medh ev, ‘Prag y hwrewgh hwi trobla an venyn? Rag hi re wrug ober da ragov.

Matthew 26:12

Rag pan dhiveris hi an eli ma war ow horf hi a'n gwrug rag ow ynkleudhyans.

Yowann 3:8

An gwyns a hwyth le may fynno ha ty a glew y son, mes ny wodhes a-ble teu na ple'th a; yndella yw peub neb yw genys dhiworth an Spyrys.’

Yowann 5:8

Yn-medh Yesu dhodho, ‘Sav, kemmer dha weli yn-bann, ha kerdh.’

Oberow 4:31

Hag i ow pysi, an tyller mayth ens i kuntellys a veu kryghyllys, hag i oll a veu lenwys a'n Spyrys Sans, hag i a gewsis ger Duw gans kolonnekter.

Romanyon 15:16

rag may fiv vy menyster Yesu Krist dhe'n kenedhlow, avel oferyas dhe aweyl Yesu Krist rag may fo offrynn an kenedhlow kemmeradow, sanshes gans an Spyrys.

Romanyon 15:28

War-lergh gorfenna hemma ytho ha war-lergh selya dhedha an frut ma, yth av dredhowgh dhe Spayn;

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.

2 Peder 3:18

Mes tevewgh yn gras ha godhvos agan Arloedh ha Selwyas Yesu Krist. Dhodho ev re bo gordhyans hag y'n eur ma, ha bys y'n jydh heb worfenn. Amen.