An Gan a Ganow 3:6 - An Bibel Kernewek 20234 (Kernewek Kemmyn)

⁶ Piw yw hemma usi ow tos yn-bann a'n gwylvos, kepar ha kolovenyow a vog, yn mysk ethennow a vyrr ha frankynkys, a bub polter sawrek a'n marchont?

An Gan a Ganow 3:6 ပူးပေါင်းရင်းမြစ်များ

An Gan a Ganow 8:5

Piw yw hemma, ow tos yn-bann dhiworth an gwylvos, ow poesa war hy haradow? Yn-dann an avalenn my a'th wrug dhe dhifuna; ena dha vamm a'th tineythis, ena yth esa hi yn lavur neb a'th omdhuk.

An Gan a Ganow 4:6

Bys pan anello an jydh, ha'n skeusow a fi dhe'n fo, my a dhe'n menydh a vyrr, ha dhe'n vre a frankynkys.

An Gan a Ganow 1:13

Yth yw ow harer dhymm avel yalgh a vyrr, a'y growedh ynter ow diwvronn.

Diskwedhyans 12:14

Ha dhe'n venyn y feu res diwaskell an er bras may halla nija a-bervedh y'n gwylvos, bys yn hy thyller mayth yw megys ena termyn ha termynyow ha hanter termyn, dhiworth fas an sarf.

Diskwedhyans 12:6

Ha'n venyn a fias dhe'n gwylvos, le may ma dhedhi tyller parys gans Duw, ma's makkens hi ena mil dew kans ha tri-ugens a dhydhyow.

Yeremia 31:2

Yndellma y lever an Arloedh: An bobel a veu gesys a'n kledha a gavas favour y'n gwylvos; hwath Ysrael pan hwilas powes,

Yeremia 2:2

Ke ha kria yn skovornow Yerusalem, ow leverel, Yndellma y lever an Arloedh: My a berth kov ahanas, lelder dha yowynkneth, dha gerensa avel benyn bries nowydh, pan ythys war ow lergh y'n gwylvos, yn tir na veu gonedhys.

Ysay 43:19

Otta, y hwrav tra nowydh, lemmyn y hwra ev egina: a ny'n gwelowgh? My a wra hyns y'n difeythtir, avonyow y'n gwylvos.

An Gan a Ganow 5:13

Y dhiwvogh yw kepar ha bleujyowek a spisys gans losow sawrek ow tevi ynni; avel lili yw y dhiwweus, ow tevera gans lin myrr.

An Gan a Ganow 5:5

My a sevis yn-bann dhe igeri dhe'm karadow, hag ow diwleuv a dheveras gans myrr, ha'm bysies gans lin myrr, war ebilyer an florenn.

An Gan a Ganow 1:3

Ethenn dha oylys yw da, dha hanow yw avel oyl dinewys; rakhenna gwyrghesow re'th karas.

Dewteronomi 8:2

Ha ty a berth kov a oll an fordh a wrug an Arloedh dha Dhuw dhis kerdhes ynni an dew-ugens blydhen ma y'n gwylvos, rag ma'th uvelhaho ha'th previ, dhe wodhvos an pyth esa y'th kolonn, mar kwitthes y worhemmynnow po na witthes.

Diskwedhyans 5:8

Ha pan gemmeras an rol, an peswar kreatur bew, ha'n peswar henavek warn ugens a goedhas dhe'n dor a-dherag an Oen, pubonan gans telynn ha fiolyow owrek leun a ynkys, yw pysadow an syns.

Filippianys 4:18

Pup-tra a'm beus hag y palshav; lenwys ov vy ow tegemmeres taklow dhiworthowgh der Epafroditus, sawer plegadow, sakrifis kemmeradow ha plegadow dhe Dhuw.

Matthew 2:11

Ha devedhys y'n chi i a welas an flogh gans Maria y vamm, hag i a goedhas dhe'n dor ha'y wordhya; hag owth igeri aga thresoryow, i a brofyas rohow dhodho, owr ha frankynkys ha myrr.

Eksodus 30:34

Ha'n Arloedh a leveris dhe Moyses, Kemmer spisyow hweg, stakte, hag onygha, ha galbanum, spisyow hweg gans frankynkys pur (a bubonan anedha y fydh rannow par),

Diskwedhyans 18:13

ha sinnamon, ha spisa, hag ethow hag eli, ha frankynkys, ha gwin, hag olew, ha bleus fin, ha gwaneth, ha bestes, ha deves, ha mergh, ha kertys, ha kethwesyon, hag enevow tus.

An Gan a Ganow 3:7

Otta, yth yw gravath-kador Solomon! Yma tri-ugens kasor a-dro dhodho, a gasoryon Ysrael,

Lavarow Koth 7:17

My re velyshas ow gweli gans myrr, aloes ha sinnamon.

Hosea 9:10

My a gavas Ysrael, avel grappys y'n gwylvos; my a welas dha dasow, ev a veu avel an frut a-varr a'n figbrenn, y gynsa frut. Mes i a dheuth dhe Baal-peor, hag omsakra dhe'n imaj methus, hag ethons ha bos mostedhes avel an taklow kasadow a garsons.