An Gan a Ganow 2:4 - An Bibel Kernewek 20234 (Kernewek Kemmyn)

⁴ Ev re'm kyrghas a-berth y'n gwinji, ha'y vaner a-ughov o kerensa.

An Gan a Ganow 2:4 ပူးပေါင်းရင်းမြစ်များ

Ester 7:7

Ena sevel a wrug an myghtern yn y gonnar dhiworth an kevewi a win ha mos bys yn lowarth an palys, ha Haman a wortas rag hwilas y vewnans orth Ester an vyghternes; rag ev a weli bos drog ervirys er y bynn gans an myghtern.

Job 1:10

A ny worrsys ke a-dro dhodho ha dh'y ji ha dhe bup-tra a'n jeves, orth pub tu? Ty re vennigas ober y dhiwleuv, ha'y jatel re gressyas y'n pow.

Salmow 20:5

Kriyn yn lowen y'th selwyans, hag yn hanow an Arloedh agan Duw ni a dhrehav agan baneryow. Re gowlwrello an Arloedh oll dha wovynnadow.

Salmow 60:4

Ty re ros baner dhe'n re a berth own ahanas, rag may fions dhiworth an warak. Sela.

Salmow 84:10

Rag unn jydh y'th klosyow yw gwell ages mil yn ken le. Gwell via genev bos porther yn chi ow Duw ages annedhi tyldow sherewneth.

An Gan a Ganow 1:1

An Gan a Ganow, dhe Solomon.

An Gan a Ganow 1:4

Tenn vy war dha lergh – poenya a wren! An myghtern re'm kyrghas a-bervedh yn y jambouryow, Heudhik on ni ha ni a lowenha ynnos; ni a govha dha gerensa moy ages gwin, yn ewn i re'th karas!

An Gan a Ganow 5:1

My re dheuth a-berth y'm lowarth, ow hwoer, ow fries, my re guntellas ow myrr gans ow spis, my re dhybris ow kribenn mel gans ow mel, my re evas ow gwin gans ow leth. Dybrewgh, A gowetha, evewgh, ha bedhewgh medhow dre gerensa.

An Gan a Ganow 6:4

Mar deg avel Tirsa osta, ow hares, mar hweg avel Yerusalem, euthyk kepar ha lu gans baneryow.

Ysay 11:10

Y'n jydh na gwreydhenn Yesse a sev avel baner dhe'n poblow; an kenedhlow a'n hwila, ha'y bowesva a vydh gloryus.

Diskwedhyans 3:20

Otta, yth esov ow sevel orth an daras ha knoukya: den mar klew ow lev hag igeri an daras, my a dheu a-ji ganso, ha sopya ganso, hag ev genev vy.