An Gan a Ganow 2:16 - An Bibel Kernewek 20234 (Kernewek Kemmyn)

¹⁶ Ow haradow yw dhymmo vy, ha dhodho ev yth ov vy, ev a besk yn mysk an lili.

An Gan a Ganow 2:16 ပူးပေါင်းရင်းမြစ်များ

Salmow 48:14

Rag an Duw ma yw agan Duw ni bys vykken ha bynnari. Ev a'gan hembronk bynitha.

Salmow 63:1

A Dhuw, ty yw ow Duw, my a'th hwither dihwans. Yma syghes dhe'm enev war dha lergh, ow hig a'n jeves hireth ragos, yn tir kras ha sygh ma nag eus dowr.

An Gan a Ganow 1:7

Deriv dhymm, ty garadow ow enev, ple hwre'ta peski an deves, ple hwre'ta gul dhedha growedha y'n hanter-dydh, rag prag yth ov vy avel benyn kudhys gans vayl, ryb greow dha gowetha?

An Gan a Ganow 2:1

Rosenn a Sharon ov vy, lilienn a'n nansow.

An Gan a Ganow 4:5

Dha dhiwvronn yw avel diw elen, gevellyon a ewik, neb a beur yn mysk an lili.

An Gan a Ganow 6:2

Y hwrug ow haradow mos yn-nans dh'y lowarth, dhe vleujyowegi an spisys, rag peuri y flokk y'n lowarthyow, ha kuntell lili.

An Gan a Ganow 6:3

Dhe'm karadow ov vy ha dhymmo vy yw ow haradow, neb a beur y flokk yn mysk an lili.

An Gan a Ganow 7:10

My yw dhe'm karadow, ha warnav yw y dhesir.

An Gan a Ganow 7:11

Deus, ow haradow, gas dhyn ni mos yn-mes dhe'n mesyow, ha growedha dres an nos yn mysk an prysk henna:

An Gan a Ganow 7:13

An mandragorow a re ethenn, hag orth agan darasow yma frutys an moyha hweg, nowydh hag ynwedh koth, gwithys genev ragos, ow haradow.

Yeremia 31:33

Mes hemma a vydh an kevambos a wrav gans chi Ysrael wosa an dydhyow na, yn-medh an Arloedh: My a worr ow lagha a-ji dhedha ha'y skrifa war aga holonn; ha my a vydh aga Duw, hag i a vydh ow fobel.

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Galatianys 2:20

bew ov, mes na fella my ow honan, mes Krist a vew ynnov; an bewnans a'm beus y'n eur ma y'n kig my a vew yn fydh Mab Duw neb a'm karas hag omri y honan ragov.