An Gan a Ganow 1:7 - An Bibel Kernewek 20234 (Kernewek Kemmyn)

⁷ Deriv dhymm, ty garadow ow enev, ple hwre'ta peski an deves, ple hwre'ta gul dhedha growedha y'n hanter-dydh, rag prag yth ov vy avel benyn kudhys gans vayl, ryb greow dha gowetha?

An Gan a Ganow 1:7 ပူးပေါင်းရင်းမြစ်များ

Jenesis 37:16

Yn-medh ev, ‘Yth esov ow hwilas ow breder. Lavar dhymm, my a'th pys, ple'mons i ow peuri?’

Salmow 116:1

My a gar an Arloedh, rag ev re glewas lev ow govynnadow.

Salmow 18:1

My a'th kar, A Arloedh, ow nerth;

Salmow 28:1

Warnas jy y halwav, A Arloedh; ow harrek, na vydh bodhar orthiv vy, ma na viv, mar tewydh, kepar ha'n re a dhiyskynn dhe'n pytt.

Salmow 80:1

Goslow, A vugel Ysrael, ty neb a hembronk Yosep avel flokk; omdhiskwa, ty neb a drig ynter an cherubim.

An Gan a Ganow 2:16

Ow haradow yw dhymmo vy, ha dhodho ev yth ov vy, ev a besk yn mysk an lili.

An Gan a Ganow 2:3

Avel avalenn yn mysk gwydh an goeswik, yndella yw ow haradow yn mysk an vebyon. Gans meur a dhesir my a esedhas yn y woskes, ha hweg o y frut dhe'm stevnik.

An Gan a Ganow 5:10

Ow haradow yw splann ha rudhik y liw, heb par yn mysk deg mil.

An Gan a Ganow 5:16

Y anow yw a'n hwekka, hag ev yw plegadow yn tien. Hemm yw ow haradow ha hemm yw ow har, A vyrghes Yerusalem.

An Gan a Ganow 5:8

My a'gas konjor, A vyrghes Yerusalem, mar kevowgh ow haradow, leverewgh orto ow bos klav dre gerensa.

An Gan a Ganow 6:2

Y hwrug ow haradow mos yn-nans dh'y lowarth, dhe vleujyowegi an spisys, rag peuri y flokk y'n lowarthyow, ha kuntell lili.

An Gan a Ganow 6:3

Dhe'm karadow ov vy ha dhymmo vy yw ow haradow, neb a beur y flokk yn mysk an lili.

An Gan a Ganow 8:13

Ty neb usi trigys y'n lowarthyow, yma'n gowetha ow koslowes orth dha lev; gas vy dh'y glewes.

Ysay 13:20

Ny vydh annedhys nevra, ha ny drig denvyth ynni a henedh dhe henedh; ny sett Arabyon aga thyldow ena, ha ny wra bugeledh greow dhe bowes ena.

Ysay 26:9

Ow enev a yeun war dha lergh y'n nos; ow spyrys ynnov a'th hwila. Rag pan vydh dha vreusow y'n wlas, annedhysi an bys a dhysk ewnder.

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Ysay 5:1

My a gan lemmyn dhe'm karadow kan kerensa a-dro dh'y winlann: Ow haradow a'n jeves gwinlann war vronn pur feyth.

Yeremia 33:12

Yndellma y lever Arloedh an luyow: Arta y'n tyller ma hag yw ynyal, heb den na best, hag yn oll y sitys, y fydh peurva rag bugeledh dhe ri powes dh'aga flokkys.

Mika 5:4

Hag ev a sev, ha bugelya yn nerth an Arloedh, yn braster hanow an Arloedh y Dhuw. Hag i a drig yn sawder, rag lemmyn ev a vydh meur bys yn finweth an norvys.

Matthew 10:37

Neb a gar tas po mamm moy agesov vy nyns yw gwiw dhymm, ha neb a gar mab po myrgh moy agesov vy nyns yw gwiw dhymm;

Yowann 10:11

‘My yw an bugel da. An bugel da a dhaskorr y vewnans rag y dheves.

Yowann 21:17

Y'n tressa treveth yn-medh ev dhodho, ‘Simon mab Yowann, es'ta jy orth ow hara vy?’ Peder a gemmeras duwon, rag ev dhe leverel dhodho y'n tressa treveth, ‘Es'ta jy orth ow hara vy?’ Yn-medh ev dhodho, ‘Arloedh, ty a woer pup-tra, ty a woer my dhe'th kara.’ Yn-medh ev dhodho, ‘Mag ow deves.

1 Peder 1:8

neb a gerowgh heb y weles, ha heb y weles hwath mes ow krysi ynno, hwi a lowenha ynno gans joy dres lavar ha gloryus,

1 Peder 2:7

Ytho an enor ma yw dhywgh hwi neb a grys; mes dhe'n re na grys, ‘An men a skonyas an weythoryon res eth ha bos penn an korn’,

1 Yowann 2:19

I eth yn-mes a-dhiworthyn, mes ahanan nyns esens; rag mar pens i ahanan, y pessens genen; mes i eth yn-mes, rag may fo diskwedhys nag esens i oll dhiworthyn ni.

Diskwedhyans 7:17

Rag an Oen usi yn kres an tron a wra aga maga ha'ga hembronk bys yn fentynyow dowrow bewnans, ha Duw a wra sygha pub dagrenn a'ga dewlagas.’

Ruth 2:21

Hag yn-medh Ruth, an venyn a Moab, ‘Yn sur ev a leveris dhymm, “Y koedh dhis glena ogas dhe'm gwesyon bys may hwrellons i gorfenna kuntell oll an drevas yw dhymm.” ’