An Gan a Ganow 1:3 - An Bibel Kernewek 20234 (Kernewek Kemmyn)

³ Ethenn dha oylys yw da, dha hanow yw avel oyl dinewys; rakhenna gwyrghesow re'th karas.

An Gan a Ganow 1:3 ပူးပေါင်းရင်းမြစ်များ

Salmow 133:2

Kehaval yw dhe'n olew drudh war an penn, a dheveras war an varv, war varv Aron, ha mos yn-nans dhe vond y bows;

Salmow 45:14

Hi a vydh dres dhe'n myghtern yn dillas brosys; an maghtethyon hy howethesow neb a's hol a's hembronk dhis.

Eksodus 33:12

Moyses a leveris dhe'n Arloedh, ‘Mir, ty a lever dhymm, “Doro an bobel ma yn-bann”; mes ny'm gessys dhe wodhvos piw a dhannvonydh genev. Hwath re leversys, “My a'th aswonn dre hanow, ha ty re gavas gras y'm golok.”

Eksodus 33:19

Hag ev a leveris, ‘My a wra oll ow dader dhe dremena a-ragos, ha my a elow ow hanow, an Arloedh, a-ragos; ha grassyes vydhav dhe neb a vydhav grassyes dhodho, ha bos truedhek dhodho dhe neb yth ov truedhek.’

Lavarow Koth 27:9

Melyseth ha frankynkys a wra an golonn lowen, mes an enev yw terrys dhe demmyn gans govisyon.

Ekklesiastes 7:1

Hanow da yw gwell es unyent da, ha dydh mernans yw gwell es dydh genesigeth.

An Gan a Ganow 3:6

Piw yw hemma usi ow tos yn-bann a'n gwylvos, kepar ha kolovenyow a vog, yn mysk ethennow a vyrr ha frankynkys, a bub polter sawrek a'n marchont?

An Gan a Ganow 4:10

Ass yw hweg dha gerensa, ow hwoer, ow fries! ass yw gwell dha gerensa ages gwin, ha sawer dha oylys ages oll spisys!

An Gan a Ganow 5:13

Y dhiwvogh yw kepar ha bleujyowek a spisys gans losow sawrek ow tevi ynni; avel lili yw y dhiwweus, ow tevera gans lin myrr.

An Gan a Ganow 5:5

My a sevis yn-bann dhe igeri dhe'm karadow, hag ow diwleuv a dheveras gans myrr, ha'm bysies gans lin myrr, war ebilyer an florenn.

An Gan a Ganow 6:8

Yma tri-ugens myghternes ha peswar-ugens iswreg, ha gwyrghesow heb niver.

Ysay 61:3

dhe brovia rag an re a gyn yn Sion ha dhe ri dhedha tulyfant teg yn le lusu, oyl lowena yn le kynvann, ha mantell gormola yn le spyrys digolonnek; may fons gelwys derow gwiryonedh, plansva an Arloedh, may fo y glori diskwedhys.

Matthew 25:1

‘Ena y fydh gwlaskor nev hevelebys dhe dheg gwyrghes neb a gemmeras aga lugern ha mos mes dhe dhyerbynna an gour pries.

Yowann 12:3

Ena Maria a gemmeras peuns a unyent, nard pur, meur y bris, hag untya treys Yesu, ha sygha y dreys gans hy gols; ha'n chi a veu lenwys a ethenn an unyent.

2 Korinthianys 11:2

Avi a'm beus ragowgh, gans avi Duw, drefenn my dh'agas dedhewi dhe unn gour, rag agas profya avel gwyrghes pur dhe Grist,

Filippianys 4:18

Pup-tra a'm beus hag y palshav; lenwys ov vy ow tegemmeres taklow dhiworthowgh der Epafroditus, sawer plegadow, sakrifis kemmeradow ha plegadow dhe Dhuw.

Diskwedhyans 14:4

An re ma yw neb na veu mostys gans benynes, rag aga bos chast. An re ma yw neb a hol an Oen py le pynag yth ello. An re ma a veu prenys dhiworth mab-den, kynsa frut dhe Dhuw ha dhe'n Oen.