An Gan a Ganow 1:2 - An Bibel Kernewek 20234 (Kernewek Kemmyn)

² Re ammo ev dhymm gans ammow y anow – rag gwell yw dha gerensa ages gwin.

An Gan a Ganow 1:2 ပူးပေါင်းရင်းမြစ်များ

Jenesis 29:11

Ena Yakob a ammas dhe Raghel ha drehevel y lev hag oela.

Jenesis 45:15

Hag ev a ammas dhe oll y vreder hag oela warnedha, ha wosa henna yth esa y vreder ow kewsel ganso.

Salmow 2:12

Ymmewgh dhe'n mab, ma na vo serrys, ha na yllowgh dhe goll y'n fordh; rag y sorr a flamm yn skon. Gwynnvys oll an re a hwila skovva ynno ev.

Salmow 36:7

Ass yw drudh dha dregeredh, A Dhuw! Mebyon den a hwila skovva yn-dann skeus dha eskelli.

An Gan a Ganow 1:4

Tenn vy war dha lergh – poenya a wren! An myghtern re'm kyrghas a-bervedh yn y jambouryow, Heudhik on ni ha ni a lowenha ynnos; ni a govha dha gerensa moy ages gwin, yn ewn i re'th karas!

An Gan a Ganow 2:4

Ev re'm kyrghas a-berth y'n gwinji, ha'y vaner a-ughov o kerensa.

An Gan a Ganow 4:10

Ass yw hweg dha gerensa, ow hwoer, ow fries! ass yw gwell dha gerensa ages gwin, ha sawer dha oylys ages oll spisys!

An Gan a Ganow 5:16

Y anow yw a'n hwekka, hag ev yw plegadow yn tien. Hemm yw ow haradow ha hemm yw ow har, A vyrghes Yerusalem.

An Gan a Ganow 7:12

Gas dhyn ni mos a-brys dhe'n gwinlannow, ha gweles mars eus eginyow a vleujyow war an gwinbrennyer, mars yw an bleujennow igor ha mars yw an greunavalow yn aga bleujyow. Ena my a re dhis ow herensa.

An Gan a Ganow 7:6

Ass osta teg ha hegar, A gares, gans dha dhelitys!

An Gan a Ganow 7:9

ha'th stevnik kepar ha'n gwin gwella ow mos smodh yn-nans, ow slynkya dres ow diwweus ha'm dyns.

Ysay 25:6

War an menydh ma Arloedh an luyow a wra rag oll an poblow kevewi a voes rych gans oyl, kevewi a win koth, boes rych sawrys gans mer, gwin koth sidhlys.

Matthew 26:26

Ha pan esens ow tybri, Yesu a gemmeras bara hag a'n bennigas hag a'n torras ha'y ri dhe'n dhyskyblon, ow leverel, ‘Kemmerewgh, dybrewgh, hemm yw ow horf.’

Luk 15:20

Ytho ev a sevis yn-bann ha mos dh'y das. Hag ev hwath y'n pellder, y das a'n gwelas, ha piteth a'n jeva, hag ev a boenyas hag a goedhas war y gonna hag amma dhodho.

Oberow 21:7

Pan gowlwrussen an vyaj dhiworth Tyr, ni a dheuth dhe Ptolemais, may salussyn an vreder ha gortos gansa unn jydh.

1 Peder 5:14

Salusewgh an eyl y gila gans bay kerensa. Kres dhywgh hwi oll usi yn Krist.