Amos 9:14 - An Bibel Kernewek 20234 (Kernewek Kemmyn)

¹⁴ Ha my a dreyl kethneth ow fobel Ysrael, hag i a dhastrehav an sitys dhibobel ha triga ynna; i a blans gwinlannow hag eva aga gwin, hag i a wra lowarthyow ha dybri aga frut.

Amos 9:14 ပူးပေါင်းရင်းမြစ်များ

Salmow 107:37

ha gonis has yn parkow, ha plansa gwinlannow, hag a re frut ha trevas.

Salmow 53:6

A teffa selwyans Ysrael yn-mes a Sion! Pan dreyl Duw kethneth y bobel, Yakob a vydh lowen, ha heudhik vydh Ysrael.

Ysay 60:4

Drehav dha dhewlagas a-derdro ha gwel: i oll a guntell ha dos dhis; dha vebyon a dheu a bellder, ha dha vyrghes war glun aga magoresow.

Ysay 61:4

I a dhastrehav an magoryow koth ha dri yn-bann an tylleryow diboblys kyns; i a nowydhha trevow diswrys, re beu gwastys henedh wosa henedh.

Ysay 65:21

I a dhrehav chiow, ha triga ynna; i a blans gwinlannow, ha dybri aga frut.

Yeremia 12:15

Mes wosa aga fesya yn-mes, my a dhehwel ha kemmeres truedh anedha, ha'ga dri arta, peub dh'y eretons, peub dh'y dir.

Yeremia 16:15

Mes, ‘An Arloedh a vew, a dhros mebyon Ysrael a dir an gogledh, hag a diryow oll ma's fesyas’; ha my a's dre arta dhe'n tir a res dh'aga thasow.

Yeremia 23:8

mes ‘Dell vew an Arloedh neb a dhros ha hembronk has chi Ysrael yn-mes a dir an gogledh hag yn-mes a oll an powyow ma's fesis.’ Ena triga a wrons yn aga thir aga honan.

Yeremia 24:6

Rag my a sett ow golok warnedha rag da, ha my a's dre arta dhe'n tir ma. My a's drehav, ha ny's tennav dhe'n dor; my a'ga flans, ha ny's diwreydhyav.

Yeremia 29:14

Ha my a'gas gas dhe'm kavoes, yn-medh an Arloedh, ha treylya agas kethneth, ha my a'gas kuntell a-dhiworth oll an kenedhlow hag oll an tylleryow ma'gas fesis, yn-medh an Arloedh, ha my a'gas dre arta dhe'n tyller ma'gas dannvenis dhiworto yn divroedh.

Yeremia 30:18

Yndellma y lever an Arloedh: Otta, my a dreyl kethneth tyldow Yakob, ha kemmeres tregeredh war y annedhow; ha'n sita a vydh drehevys war y grug, ha'n palys a sev yn y le ewn.

Yeremia 30:3

Rag, otta, an dydhyow a dheu, yn-medh an Arloedh may treylav kethneth ow fobel Ysrael ha Yuda, yn-medh an Arloedh, ha my a's dre arta dhe'n tir a res dh'aga thasow, hag i a's pew.

Yeremia 31:23

Yndellma y lever Arloedh an luyow, Duw Ysrael: I a wra devnydh a'n geryow ma arta yn pow Yuda ha'y threvow, pan y's trov arta dhiworth kethneth: ‘Re'th vennikko an Arloedh, A drigva ewnder, menydh gwiryonedh!’

Yeremia 31:28

Ha kepar dell withis warnedha dhe dhiwreydhya, ha dhe dewlel dhe'n dor, yndella y hwithav warnedha, dhe dhrehevel, ha dhe blansa, yn-medh an Arloedh.

Yeremia 31:5

Arta ty a blans gwinlannow war venydhyow Samaria; an blansoryon a blans ha dybri an frut.

Yeremia 32:15

Rag yndellma y lever Arloedh an luyow, Duw Ysrael: Chiow ha parkow ha gwinlannow a vydh prenys arta y'n tir ma.

Yeremia 32:37

Otta, my a's kuntell yn-mes a'n tiryow oll ma's fesyas yn ow sorr hag yn ow honnar hag yn sorrvann meur; ha my a's dre arta dhe'n tyller ma ha my a wra dhedha triga yn sawder.

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Yeremia 33:7

Ha my a dreyl kethneth Yuda ha kethneth Ysrael ha my a's dastrehav par dell ens wor'talleth.

Ezekiel 16:53

My a wra restorita dhedha, restorya Sodom ha'y myrghes, ha restorya Samaria ha'y myrghes, ha my a wra restorita dhiso jy war-barth gansa,

Ezekiel 28:26

I a drig ynno yn sawder, ha drehevel chiow, ha plansa gwinlannow; i a drig yn sawder pan wrav breusow war oll aga hentrevogyon a's dispres. Ena i a woer my dhe vos an Arloedh aga Duw.

Ezekiel 37:21

Lavar dhedha, Yndellma y lever an Arloedh Duw: Ottavy ow kemmeres mebyon Ysrael yn-mes a'n kenedhlow mayth ethons, ha my a's kuntell a bub tu, ha'ga dri dh'aga thiredh aga honan.

Ezekiel 39:25

Rakhenna yndellma y lever an Arloedh Duw: Lemmyn my a dreyl kethneth Yakob ha kemmeres truedh war oll chi Ysrael; ha my a vydh avius rag ow hanow sans.

Amos 5:11

Rakhenna, drefenn hwi dhe stankya war an boghosek ha kemmeres dhiworto trubyt a ys, kyn trehevsowgh chiow a ven treghys, ny wrewgh triga ynna; hwi re blansas gwinlannow teg, mes ny evowgh aga gwin.

Sefania 1:13

Aga rychys a dheu ha bos preydh, ha'ga chiow forsakys: i a dhrehav chiow heb triga ynna, hag i a blans gwinlannow heb eva aga gwin.

Sefania 2:7

Ha'n arvor a vydh rag remenant chi Yuda; i a wra aga greow dhe beuri warnodho: yn chiow Ashkelon i a wrowedh gorthugherweyth; rag an Arloedh, aga Duw, a wra aga visitya, ha treylya aga hethneth.