Amos 9:1 - An Bibel Kernewek 20234 (Kernewek Kemmyn)

¹ My a welas an Arloedh ow sevel ryb an alter, hag ev a leveris: Gwask pennow an pilars erna grenno an treudhow, ha'ga brewi war benn an bobel oll! An rann yw gesys a ladhav gans an kledha; denvyth ny fi dhe-ves, denvyth ny skap.

Amos 9:1 ပူးပေါင်းရင်းမြစ်များ

2 Kroniklys 18:18

Ena Mikaya a leveris, ‘Ytho klewewgh ger an Arloedh: My a welas an Arloedh esedhys war y dron gans oll lu nev a'ga sav a'n barth dhyghow dhodho hag a'n barth kledh dhodho.

Salmow 68:21

Mes Duw a vrew penn y eskerens, klopenn blewek an den a bes hwath yn y gammweyth.

Salmow 68:22

An Arloedh a leveris, ‘My a dhre arta dhiworth Bashan, my a dhre ow fobel arta dhiworth downderyow an mor,

Ysay 30:16

Hwi a leveris, ‘Na, drefenn ni a fi war vargh’ – rakhenna hwi a fi! ha ‘Ni a varghok war vargh skav’ – rakhenna agas helghysi a vydh skav!

Ysay 6:1

Y'n vlydhen may ferwis myghtern Uzzia, my a welas an Arloedh esedhys yn se, ughel ha drehevys, ha lostennow y bows a lenwis an tempel.

Yeremia 11:11

Rakhenna yndellma y lever an Arloedh, Otta, my a dhre drogedh warnedha, ma na yllons diank anodho; ha kyn krions warnav, ny woslowav orta.

Yeremia 42:16

ena an kledha may perthowgh own anodho a wra agas pursiwya bys yn pow Ejyp; ha'n divoetter esowgh ow perthi own anodho a wra agas pursiwya bys yn Ejyp; hag ena hwi a verow.

Yeremia 48:44

Seul a fi a'n browagh a goedh y'n pytt, ha seul a glamber yn-mes a'n pytt a vydh kechys y'n vaglenn. Rag my a dhre an traow ma war Moab yn blydhen aga hessydhyans, yn-medh an Arloedh.

Ezekiel 1:28

Haval dhe semlans kammneves y'n kommol yn dydh glaw, yndella o an golowyjyon a-dro dhodho. Hemm o semlans kepar ha glori an Arloedh. Pan y'n welis, my a goedhas war ow fas, ha klewes lev ow kewsel.

Ezekiel 10:4

Ha glori Duw Ysrael a yskynnas a-dhiwar an cherub bys yn treudhow an chi, ha'n chi o lenwys a'n gommolenn, ha'n klos o leun a splannder glori an Arloedh.

Ezekiel 15:7

My a sett ow fas er aga fynn. Kyn skapyons dhe-ves dhiworth an tan, an tan a's deber; ha hwi a woer my dhe vos an Arloedh, pan settyav ow fas er aga fynn.

Ezekiel 9:2

Hag otta, hwegh gour ow tos dhiworth fordh an yet wartha, a vir troha'n gledhbarth, peub gans arv a dhistruyans yn y leuv. Unn gour yn aga mysk o gwiskys yn lien gans daffar skrifyas war y glun. I a dheuth a-ji, ha sevel ryb an alter a vrons.

Amos 3:14

rag y'n jydh may kessydhyav Ysrael drefenn y gammweythresow, my a gessydh alteryow Bethel, ha treghys vydh kern an alter ha koedha a wrons dhe'n leur.

Amos 7:17

Rakhenna an Arloedh a lever hemma: Hora vydh dha wreg y'n sita ha'th vebyon ha'th vyrghes a goedh gans an kledha; ha'th tir a vydh rynnys der an gordenn; ty dha honan a verow yn tir avlan, ha divres vydh Ysrael yn sur a-dhiwar y dhor.’

Amos 7:9

Tylleryow ughel Ysak a vydh forsakys, ha sentris Ysrael a vydh difeythys ha my a sev erbynn chi Yeroboam gans an kledha.

Habakkuk 3:13

Ty a gerdh yn-mes rag selwyans dha bobel, rag selwyans dha untys; ty a wysk an penn a ji an tebelwas, ow lommhe an selyow bys y'n konna. Sela.

Sefania 1:12

Hag y hwyrvydh y'n termyn na y hwithrav Yerusalem gans lugern, ha kessydhya an dus neb yw attes, kowlys avel gwin gesys war an godhes: neb a lever yn aga holonn, ‘Ny wra an Arloedh dader, na ny wra drog.’

Sefania 2:14

Ha greow a wrowedh y'n kres anedhi, oll bestes an kenedhlow: an oula kornek ha'n klabytter a annedh yn pennow hy filars; aga lev a gan y'n fenestri; diswrians a vydh y'n treudhowyow: rag ev a lommha an parosweyth keder.

Yowann 1:18

Denvyth ny welas Duw bythkweth; an unn Vab dineythys, neb usi yn askra an Tas, ev re'n diskudhas.

Yowann 1:32

Ha Yowann a dhustunias ow leverel, ‘My a welas an Spyrys ow tos yn-nans dhiworth nev kepar ha kolomm, hag ev a wortas warnodho.

Oberow 26:13

a-dro dhe hanter-dydh y'n hyns, A vyghtern, my a welas golow dhiworth nev, splanna ages an howl, ow kolowi a-dro dhymm hag a-dro dhe'n re esa ow vyajya genev.

Yoshua 10:18

Yn-medh Yoshua, ‘Rolyewgh meyn bras erbynn ganow an kav, ha settya gwer warnodho rag aga gwitha;

Diskwedhyans 1:17

Ha pan y'n gwelis, my a goedhas orth y dreys kepar ha pan ven marow. Hag ev a worras y dhorn dhyghow warnav, ow leverel, ‘Na borth own. My yw an kynsa ha'n diwettha,

Diskwedhyans 8:3

Ha ken el a dheuth ha sevel orth an alter, hag ynkyslester owrek ganso, ha meur a ynkys a veu res dhodho ma'n proffya gans pysadow an syns oll war an alter owrek esa a-dherag an tron.