Amos 5:4 - An Bibel Kernewek 20234 (Kernewek Kemmyn)

⁴ Rag yndellma y lever an Arloedh dhe ji Ysrael: Hwilewgh vy ha bewa,

Amos 5:4 ပူးပေါင်းရင်းမြစ်များ

2 Myghternedh 20:3

‘Porth kov lemmyn, A Arloedh, my a'th pys, a fatell gerdhis a-dherag dhis yn gwiryonedh hag a leun golonn, hag a wrug an pyth yw da y'th wel.’ Hag ev a oelas yn hwerow.

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

2 Kroniklys 15:2

Ev eth yn-mes rag metya gans Asa, hag a leveris dhodho, ‘Goslow orthiv, Asa hag oll Yuda ha Benyamin. Yma an Arloedh genowgh, ha hwi ganso. Mara's hwilowgh, ev a vydh kevys genowgh, mes mara's gesowgh, ev a'gas gas.

2 Kroniklys 20:3

Yehoshafat a berthi own; ev a erviras hwilas an Arloedh, hag ev a ordenas penys der oll Yuda.

2 Kroniklys 20:4

Yuda a omguntellas rag hwilas gweres gans an Arloedh; dhiworth oll sitys Yuda y teuthons rag hwilas an Arloedh.

2 Kroniklys 34:3

Rag yn ethves blydhen y reyn, hag ev hwath maw, ev a dhallathas hwilas Duw Davydh y das, hag y'n dewdhegves blydhen, ev a dhallathas kartha dhiworth Yuda ha Yerusalem an tylleryow ughel, an Asherim, ha'n imajys gravys ha teudhys.

Salmow 14:2

An Arloedh a viras war-woeles dhiworth nev war vebyon den, dhe weles mars esa neb den fur ow hwilas Duw.

Salmow 22:26

An dus truan a dheber hag a vydh lenwys; an re a hwila an Arloedh a'n gormel; re vewo agas kolonn bynnari.

Salmow 27:8

Ow holonn re leveris ahanas, ‘Hwila y fas.’ Dha fas, A Arloedh, a hwilav vy.

Salmow 69:32

An re hwar a'n gwelas, ha lowen yns i; hwilewgh Duw, ha'gas kolonn a vew.

Salmow 69:33

Rag an Arloedh a glew an re edhommek, ha ny dhispres ev an brisnoryon.

Ysay 31:1

Go-i an re a dhiyskynn dhe Ejyp rag gweres, ha kregi war vergh, ha trestya yn charettow rag aga bos lies, hag yn marghogyon rag aga bos pur nerthek, mes ny virons orth Sans Ysrael, na ny hwilons an Arloedh.

Ysay 55:3

Plegyewgh agas skovarn ha dewgh dhymm; goslowewgh rag may fewo agas enev. My a wra genowgh kevambos bys vykken, ow thregeredhow lel ambosys dhe Davydh.

Yeremia 38:20

Mes Yeremia a leveris, ‘Ny'th telivrons. Goslow, my a'th pys, orth lev an Arloedh a gowsav dhis, hag y fydh da genes, ha'th enev a vew.

Ezekiel 18:9

hag a gerdh y'm ordenansow hag a wayt gul ow breusow yn gwirder – ev yw gwiryon, ev a vew yn sur, yn-medh an Arloedh Duw.

Hosea 10:12

Hesewgh dhywgh agas honan yn ewnder, mysewgh yn tregeredh, hag aras gwrewgh agas gweres anerys; prys yw dhe hwilas an Arloedh, bys may teffo ha gul dhe wiryonedh koedha warnowgh avel glaw.

Amos 5:6

Hwilewgh an Arloedh ha bewa, ma na tartho avel tan yn chi Yosep, dh'y dhevorya, heb denvyth dh'y dhifeudhi yn Bethel.

Sefania 2:3

Hwilewgh an Arloedh, hwi oll, tus uvel an norvys neb re wrug y vreus; hwilewgh ewnder, hwilewgh uvelder: martesen hwi a vydh gwithys yn dydh sorr an Arloedh.

Matthew 7:8

rag peub neb a wovynn a dhegemmer, ha neb a hwila a gyv, ha dhe neb a gnouk y fydh igerys.

Dewteronomi 32:46

ev a leveris dhedha, ‘Settyewgh agas kolonn war oll an geryow esov orth aga desta dhywgh hedhyw, a wredh aga gorhemmynna dh'agas mebyon, ow kwaytyas gul oll geryow an lagha ma.

Dewteronomi 32:47

Rag nyns yw hemma tra drufel ragowgh, mes agas bewnans yw; ha der an dra ma hwi a hirha agas dydhyow war an tir mayth esowgh ow treusi an Yordan di dh'y erita.’

Dewteronomi 4:29

Mes mar hwilydh alena an Arloedh dha Dhuw, ty a'n kyv, mar mynnowgh y gavoes gans oll dha golonn hag oll dha enev.