Amos 5:27 - An Bibel Kernewek 20234 (Kernewek Kemmyn)

²⁷ Ytho my agas deg yn divroedh dres Damaskus, yn-medh an Arloedh, Duw an luyow y hanow.

Amos 5:27 ပူးပေါင်းရင်းမြစ်များ

Oberow 7:43

Hwi a gemmeras yn-bann tylda Molok ha sterenn agas duw Refan, an imajys hag a formsowgh rag aga gordhya; ha my a wra agas divroa dhe'n tu arall dhe Babylon.”

2 Myghternedh 17:6

Y'n nownsegves blydhen a Hoshea, myghtern Assyria a gemmeras Samaria; ev a dhug Ysrael yn divroedh dhe Assyria, ha'ga gorra yn Halagh ha ryb an avon Habor yn Gozan, hag yn sitys an Medys.

Amos 4:13

Rag otta, ev neb a form an menydhyow ha gul an gwyns, neb a dheklar y vrys dhe vab-den; neb a dreyl an myttin dhe dewlder, ha stankya war dylleryow ughel an norvys – an Arloedh, Duw an luyow yw y hanow!

2 Myghternedh 15:29

Yn dydhyow Pekagh myghtern Ysrael, y teuth Tiglath-pileser, myghtern Assyria, ha kemmeres Iyon, Abel-beth-maaka, Yanoagh, Kedesh, Hasor, Gilead, ha Galile, oll pow Naftali, ha'ga hemmeres yn keth dhe Assyria.

Yeremia 38:17

Ena Yeremia a leveris dhe Sedekia, ‘Yndellma y lever an Arloedh, Duw an luyow, Duw Ysrael: Mars edh yn-mes dhe bennsevigyon myghtern Babylon, ena dha enev a vew, ha ny vydh leskys an sita ma gans tan, ha ty ha'th chi a vew.

Amos 5:26

Doen a wrussowgh agas imajys, Sakkuth agas myghtern, ha Kaywan agas duw-sterenn, hag a wrussowgh dh'agas honan.

Amos 6:1

Go-i an re usi attes yn Sion, ha'n re a omsyns saw war venydh Samaria, yw henwys kynsa an gwlasow, ha dhedha y teu chi Ysrael!

1 Myghternedh 14:15

‘An Arloedh a wysk Ysrael, par dell yw broennenn kryghyllys y'n dowr; ev a dhiwreydh Ysrael yn-mes a'n tir da ma a ros dh'aga thasow, ha'ga skattra dres an Ewfrates, drefenn i dhe wul aga Asherim, ow provokya an Arloedh dhe sorr.

2 Myghternedh 17:23

bys pan worras an Arloedh Ysrael mes a'y wel, dell lavarsa ev der oll y wesyon an brofoesi. Yndella y feu Ysrael degys dhe-ves yn divroedh, yn-mes a'ga thiredh aga honan dhe Assyria, bys y'n jydh ma.

Amos 6:7

Ytho lemmyn i a vydh an kynsa ow mos yn divroedh, ha kevewi an re a omystynn yn lows a hedh.