Amos 3:8 - An Bibel Kernewek 20234 (Kernewek Kemmyn)

⁸ An lew re usas: piw ny'n jevydh own? An Arloedh Duw re gewsis: piw ny brofoes?

Amos 3:8 ပူးပေါင်းရင်းမြစ်များ

Ysay 21:10

Ow fobel, drushys ha noethys, an pyth a glewis dhiworth Arloedh an luyow, Duw Ysrael, my re dherivas orthowgh.

Ysay 31:4

Rag yndellma y leveris an Arloedh dhymm: Kepar dell romm lew po lew yowynk erbynn y breydh, pan vo routh a vugeledh gelwys er y bynn, ny berth own a'ga lev na ny'n jeves euth aga thros, yn kettella Arloedh an luyow a dhiyskynn dhe vatalyas war venydh Sion, ha war hy bronn.

Yeremia 20:9

Ena my a leveris, ‘Ny'n kampoellav, na kewsel namoy yn y hanow.’ Mes ynnov yma neppyth haval dhe dan ow leski deges y'm eskern, ha skwith ov owth omfronna, ha ny allav y berthi.

Yeremia 26:12

Ena Yeremia a gewsis dhe'n bennsevigyon oll ha dhe'n bobel oll, ow leverel, ‘An Arloedh a'm dannvonas dhe brofoesa erbynn an chi ma ha'n sita ma oll an geryow re glewsowgh.

Ezekiel 29:21

Y'n jydh na y hwrav dhe gorn skylla rag Ysrael, ha my a re dhis ganow igor yn aga mysk. Ena i a woer my dhe vos an Arloedh.

Amos 1:2

Hag y leveris: An Arloedh a us dhiworth Sion ha dhiworth Yerusalem ev a re y lev; peurvaow an vugeledh a dhesygh, ha gwedhrys yw gwartha menydh Karmel.

Amos 2:12

Mes hwi a wrug dhe'n nazirysi eva gwin, ha gorhemmynna a wrussowgh dhe'n brofoesi, ow leverel, ‘Na brofoesewgh!’

Amos 3:4

A wra lew usa y'n koes, pan nag eus preydh vyth ganso? A wra lew yowynk kria dhiworth y fow mar ny gemmeras ev travyth?

Oberow 4:20

rag ny yllyn ni omwitha rag kewsel a-dro dhe'n taklow re welsyn ha klewes.’

Oberow 5:20

‘Kewgh, sevewgh y'n tempel ha kewsewgh dhe'n bobel oll an geryow a'n bewnans ma.’

Oberow 5:29

Mes Peder ha'n abesteli a worthybis ha leverel, ‘Y koedh dhyn obaya dhe Dhuw, a-der dhe dus.

1 Korinthianys 9:16

Rag mar pregowthav an aweyl, ny'm beus skila dhe vostya, rag dever yw gorrys warnav: go-vy mar ny bregowthav an aweyl!

Diskwedhyans 5:5

Hag onan a'n henavogyon a leveris dhymm, ‘Na wra oela. Otta, lew loeth Yuda, Gwreydhenn Davydh, re fethas dhe igeri an rol ha'y seyth sel.’