Amos 3:7 - An Bibel Kernewek 20234 (Kernewek Kemmyn)

⁷ Yredi ny wra an Arloedh Duw travyth heb diskudha y dowl kudh dh'y servysi an brofoesi.

Amos 3:7 ပူးပေါင်းရင်းမြစ်များ

Jenesis 18:17

Hag yn-medh an Arloedh, ‘A wrav vy keles dhiworth Abraham an pyth a wrav,

Jenesis 6:13

Hag yn-medh Duw dhe Noy, ‘Yma diwedh dhe bub kig devedhys a-ragov, rag lenwys dredha gans garowder yw an nor, hag awotta, my a vynn aga distrui gans an nor.

2 Myghternedh 22:13

‘Kewgh ha hwilewgh dhiworth an Arloedh ragov, rag an bobel, ha rag oll Yuda, a-dro dhe eryow an lyver ma re beu kevys; rag bras yw sorr an Arloedh re beu enowys er agan pynn, drefenn na woslowas agan tasow orth geryow an lyver ma, dhe wul pup-tra herwydh an pyth yw skrifys a-dro dhyn.’

2 Myghternedh 22:20

Otta, ytho, my a'th kuntell dhe'th tasow, ha ty a vydh kuntellys a-berth y'th vedh yn kres; ny wra dha dhewlagas gweles oll an drog a dhrov war an tyller ma.’ I a dhros an messaj dhe'n myghtern arta.

2 Myghternedh 6:12

Hag onan a'y wesyon a leveris, ‘Denvyth, ow arloedh, a vyghtern. Mes Elisha, an profoes usi yn Ysrael, a lever dhe vyghtern Ysrael an geryow a gewsydh y'th chambour.’

Salmow 25:14

Yma kevrin an Arloedh gans an re a berth own anodho, hag ev a dhiskwa dhedha y gevambos.

Ysay 18:4

Yndellma y lever an Arloedh dhymm: My a vydh kosel ha mires dhiworth ow thrigva avel toemmder kler y'n howlsplann, avel kommolenn gluth yn toemmder an drevas.

Yeremia 23:22

Mes mar saffens y'm kusul, ha gul dhe'n bobel klewes ow geryow, ena i a'n dreylsa dhiworth aga drog fordh, hag a dhrogedh aga gwriansow.

Ezekiel 29:21

Y'n jydh na y hwrav dhe gorn skylla rag Ysrael, ha my a re dhis ganow igor yn aga mysk. Ena i a woer my dhe vos an Arloedh.

Daniel 10:21

Mes my dhisplet dhis an pyth yw skrifys yn lyver an gwiryonedh. Nyns eus nagonan a sev yn krev genev erbynn an re na, marnas Mighal agas pryns.

Daniel 11:2

‘Ha lemmyn y tispletyav dhis an gwiryonedh. Otta, y hwra tri myghtern moy sevel yn Persia, hag y fydh an peswora moy rych yn feur agessa i oll; ha pan vydh ev galloesek der y rychys, y hwra ev dhe beub difuna erbynn an ruvaneth Grek.

Daniel 2:47

Yn-medh an myghtern dhe Daniel, ‘Yn hwir yth yw dha Dhuw Duw a dhuwow, hag Arloedh a vyghternedh, ha diskudher a gevrinyow, rag ty re allas diskudha an kevrin ma.’

Yowann 15:15

Ny wrav agas henwel gwesyon na fella, rag ny woer an gwas pandr'a wra y vester; mes my re'gas henwis kowetha, rag pup-tra a wrug vy klewes a'w Thas my a wrug y dheklarya dhy'hwi.

Diskwedhyans 1:1

Diskwedhyans Yesu Krist, a ros Duw dhodho rag diskwedhes dh'y wesyon an taklow a goedh hwarvos yn skon; ow tannvon derivadow der y el dh'y was Yowann,

Diskwedhyans 1:19

Ytho skrif an pyth a welsys, ha'n pyth yw, ha'n pyth a hwyrvydh wosa an taklow ma.

Diskwedhyans 10:7

mes yn dydhyow lev an seythves el, pan ombareus dhe hwytha an hirgorn, kevrin Duw a vydh kowlwrys kepar dell dherivas ev dh'y wesyon an brofoesi.’

Diskwedhyans 4:1

Wosa hemma my a viras, hag otta daras igerys y'n nev, ha'n kynsa lev a glewis kepar ha hirgorn ow kewsel genev, ow leverel, ‘Deus yn-bann omma, ha my a vynn diskwedhes dhis an taklow a res hwarvos wosa hemma.’

1 Samuel 9:15

Lemmyn an jydh kyns Samuel dhe dhos, an Arloedh re dhiskudhsa dhe Samuel: