Amos 3:12 - An Bibel Kernewek 20234 (Kernewek Kemmyn)

¹² Yndellma y lever an Arloedh: Dell dhelirv an bugel mes a anow an lew diw arr po tamm skovarn, yn kettella delivrys vydh mebyon Ysrael eus trigys yn Samaria, gans tamm a weli ha gans gweli-dydh a dhamask.

Amos 3:12 ပူးပေါင်းရင်းမြစ်များ

1 Myghternedh 20:30

An remenant a fias dhe Afek, dhe'n tour; ha'n fos a goedhas war an seyth mil warn ugens o gesys. Ben-hadad a fias ynwedh, ha dos a-berth y'n tour hag omgudha a stevell dhe stevell.

1 Myghternedh 20:34

Ben-hadad a leveris dhodho, ‘My a dhaswra an trevow a gemmeras ow thas a-dhiworth dha das; ha ty a yll fondya marghasow ragos dha honan yn Damaskus, par dell wrug ow thas yn Samaria.’ Myghtern Ysrael a worthybis, ‘My a'th tannvon dhe-ves gans an kevambos ma.’ Ytho ev a wrug kevambos ganso ha'y asa dhe vos.

1 Myghternedh 22:25

Mikaya a worthybis, ‘Ty a wodhvydh y'n jydh na pan edh dhe omgudha a stevell dhe stevell.’

2 Myghternedh 16:9

Myghtern Assyria a woslowas orto; myghtern Assyria a geskerdhas erbynn Damaskus, ha'y hemmeres, ow toen hy fobel yn keth dhe Kir; hag ev a ladhas Resin.

Ester 1:6

Yth esa kroglennow a goton wynn ha pann glasrudh, kelmys gans kerdyn a lien fin ha purpur orth kylghyow a arghans ha kolovenyow a varbel. Yth esa growedhvaow a owr hag arghans war leur a veyn gwyrdh, marbel, askell ha meyn glaswyrdh.

Ester 7:8

Hware an myghtern a dhehwelis dhiworth lowarth an palys bys yn hel an kevewi; hag yth esa Haman ow koedha war an gweli-dydh le mayth esa Ester. Ytho yn-medh an myghtern, ‘A vynn ev hwath defola an vyghternes, ha hi genev y'm chi ow honan?’ Kettell asas an ger ganow an myghtern, i a gudhas fas Haman.

Salmow 132:3

‘Nyns av a-bervedh yn skovva ow chi na yskynna yn tyller ow gweli

Ysay 17:7

Y'n jydh na den a vir orth y Wrier, ha'y dhewlagas a dreyl dhe Sans Ysrael.

Ysay 31:4

Rag yndellma y leveris an Arloedh dhymm: Kepar dell romm lew po lew yowynk erbynn y breydh, pan vo routh a vugeledh gelwys er y bynn, ny berth own a'ga lev na ny'n jeves euth aga thros, yn kettella Arloedh an luyow a dhiyskynn dhe vatalyas war venydh Sion, ha war hy bronn.

Ysay 8:4

rag kyns an flogh dhe wodhvos gelwel ‘Ow thas’ hag ‘Ow mamm’, rychys Damaskus ha preydh Samaria a vydh degys dhe-ves a-rag myghtern Assyria.

Amos 6:4

An re usi a'ga growedh war weliow a dhans olifans hag owth omystynna yn lows war aga gweliow-dydh; ow tybri hordhes yowynk dhiworth an flokk, ha leughi yn-mes a'n stall;

Amos 9:8

Otta, yma dewlagas an Arloedh Duw war wlaskor an peghes, ha my a's distru dhiwar enep an nor. Mes ny gowldhistruav chi Yakob, yn-medh an Arloedh.