Amos 2:10 - An Bibel Kernewek 20234 (Kernewek Kemmyn)

¹⁰ Ha my a'gas dros yn-mes a bow Ejyp, ha'gas hembronk dew-ugens blydhen y'n difeyth rag perghenna bro an Amorysi;

Amos 2:10 ပူးပေါင်းရင်းမြစ်များ

Nehemia 9:21

Rag dew-ugens blydhen ty a's sostena y'n gwylvos ma na fyllis dhedha travyth; ny gothhas aga dillas warnedha ha ny hwythfis aga threys.

Salmow 95:10

Dewgens blydhen my a dhivlasas an henedh na ha my a leveris, ‘Hemm yw pobel a wander yn sowdhan yn aga holonn, ha ny aswonnons ow fordhow.’

Eksodus 12:51

Ha dhe'n keth jydh na an Arloedh a dhros mebyon Ysrael yn-mes a bow Ejyp herwydh aga luyow.

Eksodus 20:2

My yw an Arloedh dha Dhuw, neb a'th tros yn-mes a bow Ejyp, yn-mes a'n chi a gethneth.

Eksodus 3:8

ha my re dhiyskynnas dh'aga livra yn-mes a leuv an Ejyptianys ha dh'aga dri a'n tir na dhe dir mas ha ledan, dhe dir a dhinwa leth ha mel, dhe dyller an Kananysi, an Hittysi, an Amorysi, an Perizzysi, an Hivysi ha'n Yebusysi.

Yeremia 2:6

Ha ny lavarsons, ‘Ple'ma an Arloedh a'gan dros yn-mes a bow Ejyp, a'gan hembronkas der an gwylvos, dre dir a dhifeythtiryow hag a byttow, dre dir a syghor, hag a skeus ankow dre dir ma na dremenas gour, ha le nag eus trigys den?’

Ezekiel 20:10

Ytho my a's dros yn-mes a bow Ejyp ha'ga dri dhe'n difeythtir.

Amos 3:1

Klewewgh an ger ma a leveris an Arloedh er agas pynn, mebyon Ysrael, erbynn an teylu oll a wrugavy y dhri yn-mes a bow Ejyp, ow leverel:

Amos 9:7

A nyns owgh hwi kepar ha mebyon an Ethiopysi dhymm, A vebyon Ysrael? yn-medh an Arloedh. A ny dhres vy Ysrael yn-mes a bow Ejyp, ha'n Filistysi yn-mes a Kaftor, hag Aram yn-mes a Kir?

Mika 6:4

Pan y'th tres yn-mes a bow Ejyp, ha'th tasprena a ji an gethneth, ha dannvon a-dheragos Moyses, Aron ha Miryam.

Niverow 13:32

Ytho i a dhros dhe vebyon Ysrael drog dherivas a'n tir re aspisens, ow leverel, ‘An tir, dredho mayth ethen dh'y aspia, yw tir a dhevor y drigoryon; hag oll an bobel a welsyn yw gwer meur aga ughelder.

Niverow 21:25

Hag Ysrael a gemmeras oll an sitys ma, hag Ysrael a drevesigas sitys oll an Amorysi, yn Heshbon, hag yn oll y wigow.

Niverow 32:13

Ha sorr an Arloedh a dhewis erbynn Ysrael, hag ev a wrug dhedha gwandra y'n gwylvos dew-ugens blydhen, bys pan veu gorfennys oll an henedh re wrussa drog yn golok an Arloedh.

Oberow 13:18

ha dres neb dew-ugens blydhen ev a's porthas y'n difeythtir,

Oberow 7:42

Mes Duw a dreylyas ha'ga daskorr dhe wordhya lu nev, par dell yw skrifys yn lyver an brofoesi: “A dhresowgh hwi dhymm offrynnow ledhys ha sakrifisow dew-ugens blydhen y'n gwylvos, A ji Ysrael?

Dewteronomi 1:39

Agas fleghigyow neb a leversowgh i dhe vos preydh, ha'gas mebyon na aswonnons hedhyw naneyl da na drog, i a dheu ena. My a'n re dhedha, hag i a'n erit.

Dewteronomi 2:7

Rag an Arloedh dha Dhuw re'th vennigas yn pub ober a'th leuv. Ev a woer dha gerdh dre'n gwylvos bras ma. An dew-ugens blydhen ma an Arloedh dha Dhuw re beu genes, ha ny fyllsys a dravyth.’

Yoshua 13:4

war an barth dhyghow; oll tiredh an Kananysi dhiworth Meara yw dhe'n Sidonysi, bys Afek hag or an Amorysi;

Yoshua 24:8

Ha my a'gas dros dhe bow an Amorysi, esens trigys a'n tu arall dhe'n Yordan; hag i a omladhas er agas pynn, ha my a's ros yn agas leuv, ha hwi a gemmeras aga thir yn perghennogeth, ha my a's distruis a-dheragowgh.