Amos 1:1 - An Bibel Kernewek 20234 (Kernewek Kemmyn)

¹ Geryow Amos, neb esa yn mysk bugeledh Tekoa, a welas yn gwelesigeth a-dro dhe Ysrael yn dydhyow Uzzia myghtern Yuda hag yn dydhyow Yeroboam mab Yoash, myghtern Ysrael, diw vlydhen kyns an dorgrys.

Amos 1:1 ပူးပေါင်းရင်းမြစ်များ

2 Samuel 14:2

Ytho Yoab a dhannvonas dhe Tekoa ha kyrghes alena benyn fur, ha leverel dhedhi, ‘My a'th pys, omwra kynores, ha gwisk yn dillas kynvann, ha na wra untya dha honan gans oyl, ha bydh avel benyn re beu ow kyni lies dydh rag den marow:

1 Myghternedh 19:19

Ytho ev a dhibarthas alena, ha kavoes Elisha mab Shafat, esa owth aras. Yth esa dewdhek yew a oghen a-ragdho, hag yth esa ev gans an dewdhegves. Elias a'n tremenas ha tewlel y vantell warnodho.

2 Myghternedh 14:21

Hag oll pobel Yuda a gemmeras Azaria, o hwetek bloedh, ha gul dhodho bos myghtern yn le y das Amasia.

2 Myghternedh 14:23

Y'n pymthegves blydhen a Amasia mab Yoash myghtern Yuda, Yeroboam mab Yoash myghtern Ysrael a dhallathas reynya yn Samaria, ha reynya unn vlydhen ha dew-ugens.

2 Kroniklys 11:6

Ev a geras Bethlehem, Etam, Tekoa,

2 Kroniklys 20:20

I a sevis ternos myttin ha mos yn-mes dhe wylvos Tekoa; hag i ow mos yn-mes, Yehoshafat a sevis ha leverel, ‘Goslowewgh orthiv, A Yuda ha trigoryon Yerusalem! Trestyewgh y'n Arloedh agas Duw ha hwi a vydh fastys; trestewgh yn y brofoesi ha hwi a sewen.’

Eksodus 3:1

Lemmyn yth esa Moyses ow pugelya gre y hwegron, Yethro, oferyas Midyan, hag ev a hembronkas y flokk dhe du an howlsedhes dhe'n gwylvos, ha dos dhe venydh Duw, dhe Horeb.

Ysay 1:1

Gwelesigeth Ysay mab Amos a welas a-dro dhe Yuda ha Yerusalem yn dydhyow Uzzia, Yotham, Ahaz, ha Hezekia, myghternedh Yuda.

Yeremia 1:1

Geryow Yeremia mab Hilkia, onan a'n oferysi esa yn Anathoth yn pow Benyamin,

Yeremia 28:8

An brofoesi hag a dheuth kyns my ha kyns ty a'n termyn koth a brofoesas erbynn lies pow, hag erbynn gwlaskordhow meur, a vresel, divoetter, a drogedh hag a bla.

Yeremia 6:1

Fiewgh rag sawder, A hwi fleghes Benyamin, yn-mes a Yerusalem, ha hwytha an hirgorn yn Tekoa, ha drehevewgh arwoedh-dan yn Beth-hakkerem: rag drogedh a omdhiskwedh yn-mes a'n gogledh, ha distruyans meur.

Yeremia 7:27

Ytho ty a gews oll an geryow ma dhedha; mes ny wrons goslowes orthis: ty a elow dhedha; mes ny worthybons dhis.

Hosea 1:1

Ger an Arloedh hag a dheuth dhe Hosea mab Beeri, yn dydhyow Uzzia, Yotham, Ahaz, Hezekia, myghternedh Yuda, hag yn dydhyow Yeroboam mab Yoash, myghtern Ysrael.

Amos 7:14

Ena Amos a worthybis dhe Amasia, ‘Nyns ov profoes, na mab a brofoes, mes bugel ov, ha dyghtyer frut sykaminwydh,

Mika 1:1

Hemm yw ger an Arloedh a dheuth dhe Mika a Moresheth yn dydhyow Yotham, Ahaz ha Hezekia, myghternedh Yuda, an pyth a welas a-dro dhe Samaria ha Yerusalem.

Zekaria 14:5

Hwi a wra fia dre nans ow menydhyow; rag nans an menydhyow a dhrehedh bys Asal. Hwi a wra fia dhe'n fo kepar dell fisowgh a-rag an dorgrys yn dydhyow Uzzia myghtern Yuda. Ena an Arloedh ow Duw a dheu, hag oll an syns genes.

Matthew 4:18

Hag ev ow kerdhes ryb mor Galile a welas dew vroder, Simon, gelwys Peder hag Androw y vroder, ow tewlel roes y'n mor; rag pyskadoryon ens i.

1 Korinthianys 1:27

mes Duw a dhewisas an traow yw foll y'n bys rag tyli moethow war an dus skentel; Duw a dhewisas an traow yw gwann y'n bys rag gul bismer dhe'n re grev;