2 Thessalonianys 3:5 - An Bibel Kernewek 20234 (Kernewek Kemmyn)

⁵ Re wrello an Arloedh gidya agas kolonn dhe gerensa Duw ha dhe berthyans Krist.

2 Thessalonianys 3:5 ပူးပေါင်းရင်းမြစ်များ

1 Myghternedh 8:58

mes treylya agan kolonn dhodho, dhe gerdhes yn y fordhow, ha gwitha y worhemmynnow, y ordenansow, ha'y vreusow, a worhemmynnis dh'agan tasow.

1 Kroniklys 29:18

A Arloedh Duw Abraham, Ysak hag Ysrael agan tasow, gwith hemma bys vykken yn brys ha prederow kolonn dha bobel, ha kevarwoedh aga holonn troha dhis.

Salmow 119:36

Pleg ow holonn troha'th tustuniow, ha na wra hy flegya troha krefni.

Salmow 119:5

Unnweyth mar pe ow fordhow mar fast may hwrellen vy synsi dha ordenansow!

Salmow 40:1

My a wortas an Arloedh gans perthyans; hag ev a blegyas dhymm ha klewes ow kri.

Lavarow Koth 3:6

Yn oll dha fordhow gwra y aswonn, hag ev a wra dhe'th hynsyow bos kompes.

Yeremia 10:23

A Arloedh, my a woer nag yw fordh den yn-dann y rewl y honan: ny yll gour marwel, dell gerdh, gidya y gammow.

Yeremia 31:33

Mes hemma a vydh an kevambos a wrav gans chi Ysrael wosa an dydhyow na, yn-medh an Arloedh: My a worr ow lagha a-ji dhedha ha'y skrifa war aga holonn; ha my a vydh aga Duw, hag i a vydh ow fobel.

Kynvannow 3:26

Da yw, pan wortir yn tawesek selwyans an Arloedh.

Romanyon 5:5

ha ny fyll govenek dhyn, rag kerensa Duw dhe vos dinewys yn agan kolonn der an Spyrys Sans re beu res dhyn.

Romanyon 8:25

Mes mar kwaytir an pyth na welir, gans mall y'n gwaytir.

Romanyon 8:28

Ni a woer pup-tra dhe oberi war-barth rag dader rag an re a gar Duw, an re yw gelwys herwydh y borpos.

1 Korinthianys 8:3

mes nebonan mar kar Duw, aswonnys ganso yth ywa.

Galatianys 5:22

Mes frut an Spyrys yw kerensa, lowena, kres, perthyans, kuvder, dader, lenduri,

Dewteronomi 30:6

An Arloedh dha Dhuw a drodregh dha golonn ha kolonn dha has dhe gara an Arloedh dha Dhuw gans oll dha golonn ha gans oll dha enev, rag may fewi.

1 Thessalonianys 1:10

ha dhe wortos y Vab dhiworth an nevow a dhrehevis dhiworth an re varow, Yesu, neb a'gan delivras dhiworth an sorr ow tos.

1 Thessalonianys 1:3

ow perthi kov a'gas ober a fydh ha'gas lavur a gerensa ha'gas perthyans a wovenek yn agan Arloedh Yesu Krist a-dherag Duw agan Tas,

1 Thessalonianys 3:11

Lemmyn agan Duw ha Tas y honan, ha'gan Arloedh Yesu re'gan gittyo yn agan fordh dhywgh hwi,

2 Timothi 4:8

Alemma rag, ragov vy parys yw an gurun a ewnder a re an Arloedh, an breusydh ewn, dhymmo vy y'n jydh na, ha nyns yw ragov vy yn unnsel, mes rag pubonan re garas y omdhiskwedhyans.

Titus 2:13

ow kortos an govenek gwynnvys ha'n omdhiskwedhyans a'n splannder a'n Duw meur ha'gan Selwador Krist Yesu,

Ebrowyon 9:28

yndellma Krist, wosa bos offrynnys unnweyth dhe berthi peghosow lies huni, a wra omdhiskwedhes rag nessa gweyth, na vydh rag dilea pegh, mes rag selwyans dhe'n re a wra y waytyas gans mall.

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

1 Peder 4:1

Ytho, a-ban wrug Krist godhevel y'n kig, omarvewgh hwi ynwedh gans an keth brys, rag neb re wodhevis y'n kig re asas peghadow,

2 Peder 3:12

ow kortos ha spedya devedhyans dydh Duw, dredho may fydh nevow diswrys gans tan, ha'n elvennow ow leski a wra teudhi?

1 Yowann 4:19

Ni a gar drefenn ev dh'agan kara kynsa.

Diskwedhyans 1:9

My Yowann, agas broder, ha'gas kevrenner yn anken hag y'n wlaskor, hag yn perthyans yn Yesu, esa y'n ynys gelwys Patmos, rag ger Duw ha dustuni Yesu.

Diskwedhyans 13:10

Neb a ello yn kethneth, yn kethneth yth a: neb a vo ledhys gans kledha, gans kledha y fydh ledhys. Ottomma perthyans ha fydh an syns.