2 Thessalonianys 3:16 - An Bibel Kernewek 20234 (Kernewek Kemmyn)

¹⁶ Ha'n Arloedh a gres y honan roy dhywgh kres pup-prys yn pub maner. Re bo an Arloedh genowgh hwi oll.

2 Thessalonianys 3:16 ပူးပေါင်းရင်းမြစ်များ

Salmow 29:11

An Arloedh a re nerth dh'y bobel; an Arloedh a vennik y bobel gans kres.

Salmow 46:11

Yma Arloedh an luyow genen ni; Duw Yakob yw agan skovva. Sela.

Salmow 46:7

Yma Arloedh an luyow genen ni; Duw Yakob yw agan skovva. Sela.

Salmow 72:3

Re dhrollo an menydhyow kres dhe'n bobel, ha'n brennow dri ewnder.

Salmow 72:7

Re vleujyowo gwiryonedh yn y dhydhyow, ha palster kres, erna hettho an loer.

Ysay 26:12

A Arloedh, ty a orden kres ragon, rag pup-tra a wrussyn, ty a'n gwrug ragon.

Ysay 45:7

My a form golow ha kreatya tewlder, my a wra kres ha kreatya galar, my yw an Arloedh neb a wra oll an taklow ma.

Ysay 54:10

Rag kyn fo an menydhyow removyes, ha'n breow kemmerys dhe-ves, ny vydh ow thregeredh removyes dhiworthis, na ny vydh ow hevambos a gres kemmerys dhe-ves, yn-medh an Arloedh, neb a gemmer truedh ahanas.

Ysay 66:12

Rag yndellma y lever an Arloedh: Awottavy owth ystynn kres dhedha avel avon, ha glori an kenedhlow avel avon ow fenna; ha ty a dhen ha bos degys war hy klun, ha leskys war hy dewlin.

Ysay 8:10

Omgusulyewgh war-barth, ha'n gusul a vydh lestys; leverewgh ger, ha ny sev, rag bos Duw genen.

Haggay 2:9

Brassa vydh golewder diwettha an chi ma es an kynsa y'n termyn a dheu, yn-medh Arloedh an luyow. Hag y'n tyller ma y rov kres, yn-medh Arloedh an luyow.

Zekaria 6:13

Ev a wra drehevel tempel an Arloedh, hag ev a dheg an meuredh hag esedha ha governa war y se. Ev a vydh oferyas war y se, hag y fydh kusul kres ynter an dhew.

Niverow 6:26

An Arloedh re dhrehaffo y fas warnas, ha ri dhis kres.

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Luk 2:14

‘Gordhyans y'n ughelder dhe Dhuw hag y'n bys kres dhe dus y volonjedh da.’

Yowann 14:27

Kres a asav dhywgh, ow kres a rov dhywgh; ny rov dhywgh kepar dell re an bys. Na vedhes dha golonn troblys, ha na berthes own.

Yowann 16:33

My re leveris hemma dhywgh, rag ma'gas bo kres ynnov. Y'n bys hwi a'gas bydh govisyon; mes bedhewgh a gonfort da! My re fethas an bys.’

Romanyon 1:7

Dhe'n re oll usi yn Rom, kerys gans Duw, gelwys dhe vos syns: Gras dhywgh hwi ha kres a Dhuw agan Tas ha'n Arloedh Yesu Krist.

Romanyon 15:33

Ha'n Duw a gres re bo genowgh hwi oll. Amen.

Romanyon 16:20

Ena an Duw a gres a vrew Satnas yn-dann agas treys hware. Gras agan Arloedh Yesu Krist re bo genowgh.

1 Korinthianys 14:33

Rag Duw nyns yw Duw a dheray mes a gres. Kepar hag yn oll eglosyow an syns,

2 Korinthianys 13:11

Gordhiwedh, breder, lowenhewgh; gwrewgh agas honan perfydh, kennerthewgh an eyl y gila, bedhewgh unnverhes, bedhewgh yn kres; ha'n Duw a gerensa hag a gres a vydh genowgh.

Efesianys 6:23

Kres dhe'n vreder ha kerensa gans fydh dhiworth Duw an Tas ha'n Arloedh Yesu Krist.

1 Thessalonianys 3:11

Lemmyn agan Duw ha Tas y honan, ha'gan Arloedh Yesu re'gan gittyo yn agan fordh dhywgh hwi,

1 Thessalonianys 5:23

Ha'n Dew a gres y honan re'gas sakkro yn tien; ha'gas spyrys ha'gas enev ha'gas korf kowal re bo gwithys divlam orth devedhyans agan Arloedh Yesu Krist.

2 Thessalonianys 3:18

Gras agan Arloedh Yesu Krist re bo genowgh hwi oll.

2 Timothi 4:22

An Arloedh re bo gans dha spyrys. Gras genowgh hwi.

Filemon 1:25

Gras an Arloedh Yesu Krist re bo gans agas spyrys.

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,

Ebrowyon 7:2

ha dhodho Abraham a gevrennas ‘degves rann a bup-tra.’ Ev yw kynsa, dre dreylyans y hanow, ‘myghtern ewnder’, hag ena ynwedh, myghtern Salem, henn yw ‘myghtern kres.’

Breusysi 6:24

Ytho Gideon a dhrehevis alter dhe'n Arloedh ena, ha'y henwel, An Arloedh yw kres. Bys y'n jydh hedhyw y sev yn Ofra an Abiezrysi.

Ruth 2:4

Hag otta, y teuth Boaz a-dhiworth Bethlehem, ha leverel dhe'n vysoryon, ‘An Arloedh genowgh’, hag yn-medhons i dhodho, ‘Re'th vennikko an Arloedh.’

1 Samuel 17:37

Yn-medh Davydh, ‘An Arloedh neb a'm delivras dhiworth paw an lew ha dhiworth paw an ors, ev a'm delirv dhiworth dorn an Filistyas ma.’ Ha Sowl a leveris dhe Davydh, ‘Ke, ha re bo an Arloedh genes.’

1 Samuel 20:13

Mes mar mynn ev gul drog dhis, re wrello an Arloedh yndella dhe Yonathan, ha moy ynwedh, mar ny'n deriv dhis, ha dha dhannvon dhe-ves, may hyllydh mones yn sawder. Re bo an Arloedh genes, kepar dell re beu gans ow thas.