2 Thessalonianys 2:9 - An Bibel Kernewek 20234 (Kernewek Kemmyn)

⁹ ha'y dhevedhyans a vydh herwydh oberyans Satnas, gans oll galloes ha toknys ha marthusyon fals,

2 Thessalonianys 2:9 ပူးပေါင်းရင်းမြစ်များ

2 Kroniklys 18:20

bys pan dheuth spyrys yn-rag hag a sevis a-rag an Arloedh, ow leverel, “My a wra y dhynya.” Ha'n Arloedh a wovynnas orto, “Fatla?”

Eksodus 7:22

Mes hudoryon Ejyp a wrug an keth tra der aga husow; ytho kolonn Faro a besyas bos kaleshes, ha ny vynna ev goslowes orta; dell lavarsa an Arloedh.

Eksodus 8:18

An hudoryon a assayas der aga husow dhe dhri gwibes yn-rag, mes ny allsons. Ytho yth esa gwibes war dhen ha best.

Eksodus 8:7

Mes an hudoryon a wrug an keth tra der aga husow ha dri kwilkynyow war bow Ejyp.

Ysay 29:10

An Arloedh re dhinewis warnowgh spyrys a hun down: Ev re dhegeas agas dhewlagas, hwi brofoesi; ha kudha agas pennow, hwi welesydhyon.

Ezekiel 14:5

rag may taskyffiv kolonnow chi Ysrael, rag i oll re dreylyas dhiworthiv der aga idolys.

Matthew 12:22

Ena y feu dres dhodho sagh dyowl, dall hag avlavar, hag ev a'n sawyas par may hylli an avlavar kewsel ha gweles.

Matthew 24:24

Rag fals Kristow ha fals profoesi a sev ow kul toknys bras ha marthusyon, rag toella, mara kyllir, an re dhewisys.

Matthew 4:10

Ena yn-medh Yesu dhodho, ‘Voyd alemma, Satnas; rag skrifys yw, “Ty a wra gordhya an Arloedh dha Dhuw hag ev yn unnsel ty a wra servya.” ’

Mark 13:22

Rag fals Kristow ha fals profoesi a sev, hag a dhiskwa toknys ha marthusyon, rag toella, mara kyllir, an re dhewisys.

Luk 11:25

Ha pan yw devedhys, ev a'n kyv skubys ha tekhes.

Yowann 4:48

Ytho yn-medh Yesu dhodho, ‘Marnas hwi a wel toknys ha marthusyon, ny grysowgh.’

Yowann 8:41

Hwi a wra oberow agas tas.’ Ena i a leveris dhodho, ‘Nyns on ni dineythys dre fornikasyon. Yma dhyn unn Tas, Duw.’

Yowann 8:44

Hwi yw dhiworth agas tas an jowl, ha hwi a vynn gul hwansow agas tas. Ev a veu denledhyas a'n dalleth ha ny sevis y'n gwir, rag nyns eus gwiryonedh ynno. Pan lever gow, ev a lever a'y gnas y honan, rag gowleveryas yw ev, ha tas gowyow.

Oberow 13:10

‘A, lenwys a bub toell hag a bub frows, mab an jowl, eskar pub ewnder, a ny vynn'ta hedhi, kamma fordhow ewn an Arloedh?

2 Korinthianys 11:14

Nyns yw marth: rag Satnas y honan a dreusfurv y honan dhe el a wolow.

2 Korinthianys 11:3

Mes yma own dhymm, par dell doellas an sarf Eva der y felder, yma own dhymm bos agas brysyow dynys yn neb fordh dhiworth an sempledh ha'n lenduri usi yn Krist.

2 Korinthianys 4:4

An duw a'n oes ma re dhallas brysyow an dhiskryjygyon ma na welsons i golow aweyl golewder Krist, neb yw imaj Duw.

Efesianys 2:2

may kerdhsowgh ynna war-lergh gis an bys ma, war-lergh penntern galloes an ayr, an spyrys a ober lemmyn yn mebyon diwostytter;

2 Timothi 3:8

Kepar dell settyas Yannes ha Yambres orth Moyses, y'n keth vaner an re ma a sett orth an gwir, shyndys aga brys, anwiw a-dro dhe'n fydh.

Jamys 3:15

Nyns yw hemma furneth a dhiyskynn a-wartha, mes a'n bys, anspyrysel, dyowlek yw.

Diskwedhyans 12:17

Ha'n dhragon a sorras orth an venyn, hag yth eth dhe werrya gans remenant hy has neb a with gorhemmynnow Duw, ha dustuni Yesu yma gansa i.

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 18:23

ha golow kantol ny splann ynnos namoy; ha lev an gour pries ha'n venyn bries ny vydh klewys ynnos namoy, rag dha wikoryon a veu tus meur aga bri y'n norvys, rag oll kenedhlow a veu toellys gans dha bystri.

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.

Diskwedhyans 20:10

Ha'n jowl neb a's toellas a veu tewlys yn lynn tan ha loskven, le may ma an best ha'n fals profoes, hag ev a vydh tormentys dydh ha nos, trank heb worfenn.

Diskwedhyans 9:11

Yma myghtern a-ughta i, yw el an pytt diwoeles, yn Ebrow Abaddon y hanow, hag yn Greka Apollyon.