2 Thessalonianys 2:8 - An Bibel Kernewek 20234 (Kernewek Kemmyn)

⁸ Hag ena an den dilagha a vydh diskudhys, neb a wra an Arloedh Yesu y dhistrui gans anall y anow, ha'y dhiswul dre diskwedhyans y dhevedhyans,

2 Thessalonianys 2:8 ပူးပေါင်းရင်းမြစ်များ

2 Samuel 23:7

ha'n gour a's toch a arv y honan gans horn po sheft guw; hag y'n tan i a vydh leskys glan y'n keth tyller na.

Job 4:9

Gans anall Duw yth ons dhe goll, ha gans hwyth y sorr yth yns devorys.

Salmow 18:15

Ena yth omdhiskwedhas goverow dowr, ha selyow an norvys a veu diskudhys, orth dha geredh, A Arloedh, orth hwyth anall dha dhewfrik.

Ysay 11:4

mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.

Ysay 30:28

Y hwyth yw avel avon ow fenna ow trehedhes bys an konna, dhe groedra an kenedhlow gans kroeder a dhistruyans, ha gorra fronn war dhiwen an bobel a wra dhedha mos yn stray.

Daniel 11:36

‘Ha'n myghtern a wra herwydh y vodh; ev a omughelha hag omvostya a-ugh pub duw, ha leverel taklow euthyk erbynn Duw an duwow. Ev a sewen bys may fydh kowlwrys an sorr, rag an pyth apoyntys a vydh gwrys.

Daniel 7:25

Ev a lever geryow erbynn an Ughella ha tormentya syns an Ughella, ha gwaytyas chanjya an sesonyow ha'n lagha. Hag i a vydh res yn y dhorn bys termyn, ha termynyow, ha hanter termyn.

Daniel 7:26

An vreuslys a wra esedha, ha'y vestrynses a vydh kemmerys dhe-ves, rag bos treghys ha distruys bys y'n diwedh.

Daniel 8:25

Der y felder ev a wra dhe doell seweni der y dhorn; balgh vydh yn y golonn. Heb gwarnyans y hwra distrui meur a dus; erbynn Pryns an brynsys y sev; y fydh terrys, mes ny vydh dre leuv den.

Hosea 6:5

Ytho my a's nadhas dre'n brofoesi, my a's ladhas dre eryow ow ganow; ow breusow eth war-ves avel golow.

Matthew 13:19

Pan glew nebonan ger an wlaskor heb y gonvedhes, an tebel el a dheu ha doen dhe-ves an dra yw hesys yn y golonn; hemm yw an dra hesys ryb an fordh.

Matthew 13:38

ha'n gwel yw an bys, ha'n has da yw mebyon an wlaskor; mes an ivra yw mebyon an tebel el,

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Matthew 16:28

Yn hwir y lavarav dhywgh, yma re ow sevel omma na wra tastya mernans kyns i dhe weles Mab an den ow tos yn y wlaskor.’

1 Korinthianys 1:28

Duw a dhewisas an traow isel ha dispresys y'n bys, an re nag yw travyth, may tefentya taklow hag yw neppyth,

2 Thessalonianys 2:3

Na wres denvyth agas toella yn fordh vytholl; rag ny yll an jydh na dos mar ny dheu an nagh kyns oll, ha'n den dilagha yw diskwedhys, mab an diswrians,

1 Timothi 6:14

may hwitthi an gorhemmynn heb namm, heb keredh, bys yn omdhiskwedhyans agan Arloedh Yesu Krist.

2 Timothi 1:10

mes diskwedhys lemmyn der omdhiskwedhyans agan Selwador Krist Yesu a wrug diswul ankow ha dri dhe wolow bewnans hag anvarwoleth der an aweyl,

2 Timothi 4:1

A-dherag Duw ha Krist Yesu neb a wra breusi an re yw bew ha'n re yw marow, my a re charj dhis, ha der y omdhiskwedhyans ha'y wlaskor:

2 Timothi 4:8

Alemma rag, ragov vy parys yw an gurun a ewnder a re an Arloedh, an breusydh ewn, dhymmo vy y'n jydh na, ha nyns yw ragov vy yn unnsel, mes rag pubonan re garas y omdhiskwedhyans.

Titus 2:13

ow kortos an govenek gwynnvys ha'n omdhiskwedhyans a'n splannder a'n Duw meur ha'gan Selwador Krist Yesu,

Ebrowyon 10:27

mes neb gwaytyans ownek a vreus, ha konnar an tan a wra lenki an eskerens.

1 Yowann 2:13

My a skrif dhywgh hwi, tasow, drefenn hwi dh'y aswonn neb usi a-dhia'n dalleth. My a skrif dhywgh, gwer yowynk, drefenn hwi dhe fetha an tebel el. My a skrif dhywgh hwi, fleghigyow, drefenn hwi dhe aswonn an Tas.

1 Yowann 3:12

Nyns yw avel Kayn, esa a'n tebel el, hag a voldras y vroder. Ha prag y'n moldras? Drefenn bos y oberow y honan drog, ha bos re y vroder da.

1 Yowann 5:18

Ni a woer na begh piwpynag a vo genys a Dhuw, mes Neb a veu genys a Dhuw a'n gwith, ha na'n toch an tebel el.

Diskwedhyans 1:16

Ha ganso yn y dhorn dhyghow yth esa seyth sterenn, ha kledha lymm dewvinyek ow tos yn-mes a'y anow, ha'y fas kepar ha'n howl ow splanna yn y nerth.

Diskwedhyans 13:5

Ha ganow a veu res dhodho, ow leverel taklow meur ha blasfemiow; ha galloes a veu res dhodho dhe weytha dew vis ha dew-ugens.

Diskwedhyans 19:15

Ha kledha lymm a yn-mes a'y anow, may hwasko an kenedhlow ganso, hag ev a wra aga rewlya gans gwelenn horn, hag ev a drett gwinwask konnar sorr Duw Ollgalloesek.

Diskwedhyans 2:16

Kemmer edrek; poken dos dhiso yn skon a vynnav hag omladh er aga fynn gans kledha ow ganow.

Diskwedhyans 20:10

Ha'n jowl neb a's toellas a veu tewlys yn lynn tan ha loskven, le may ma an best ha'n fals profoes, hag ev a vydh tormentys dydh ha nos, trank heb worfenn.