2 Thessalonianys 2:2 - An Bibel Kernewek 20234 (Kernewek Kemmyn)

² na vewgh kryghyllys skav yn-mes a'gas brys nag amovys dre spyrys, na dre lavar, na dre lyther kepar ha pan ve dhiworthyn ni, ow terivas bos devedhys dydh an Arloedh.

2 Thessalonianys 2:2 ပူးပေါင်းရင်းမြစ်များ

Ysay 26:3

Ty a with yn kres perfydh an den yw fyrv y vrys, rag ev a drest ynnos.

Ysay 7:2

Y feu derivys dhe ji Davydh, ow leverel, ‘Aram yw keffrysyas Efraym’; ha'y golonn ha kolonn y bobel a grenas kepar dell gren gwydh an koes a-rag an gwyns.

Mika 2:11

Mar kertha gour a-dro ow kowleverel gans gwyns ha gowegneth, ‘My a brofoes dhis a win hag a gorev’, ev a via an profoes rag an bobel ma!

Matthew 24:24

Rag fals Kristow ha fals profoesi a sev ow kul toknys bras ha marthusyon, rag toella, mara kyllir, an re dhewisys.

Mark 13:7

Mes pan glewowgh a vreselyow ha son a vreselyow, na gemmerewgh own; henna a res, mes an diwedh ny vydh hwath.

Luk 21:19

Der agas perthyans hwi a wayn agas enev.

Luk 21:9

Pan glewowgh a vreselyow ha deray, na gemmerewgh own; rag res yw an taklow ma dhe hwarvos kyns oll. Mes ny vydh an diwedh a-dhesempis.’

Yowann 14:1

‘Na vedhes troblys agas kolonn; hwi a grys yn Duw, krysewgh ynwedh ynnov vy.

Yowann 14:27

Kres a asav dhywgh, ow kres a rov dhywgh; ny rov dhywgh kepar dell re an bys. Na vedhes dha golonn troblys, ha na berthes own.

1 Korinthianys 1:8

Ynwedh ev a wra agas krevhe bys y'n diwedh, may fowgh hwi divlam yn dydh agan Arloedh Yesu Krist.

1 Korinthianys 14:32

ha spyrysyon profoesi yw rewlys gans profoesi.

1 Korinthianys 7:26

Dell dybav, drefenn an poenvotter y'n jydh hedhyw, da yw dhe dhen gortos dell ywa.

Efesianys 5:6

Na wres denvyth agas toella dre lavarow gwag; rag drefenn an taklow ma y teu sorr Duw war vebyon diwostytter.

1 Thessalonianys 3:3

ma na vo denvyth troblys y'n galarow ma, rag hwi a woer bos hemma agan rann,

1 Thessalonianys 4:15

Hemma a leveryn dhywgh dre er an Arloedh: ni, neb a vew ha neb yw gesys bys yn devedhyans an Arloedh, ny wren mos mann kyns an re re goskas.

1 Thessalonianys 5:2

rag hwi agas honan a woer yn kewar dydh an Arloedh dhe vos kepar ha lader yn nos.

2 Thessalonianys 2:15

Ytho, a vreder, sevewgh fast ha synsewgh an hengovyow a dhys'sowgh genen dre lavar po dre lyther.

2 Thessalonianys 3:17

An dynnargh der ow dorn vy, Powl. Hemm yw an tokyn yn pub lyther; yndella y skrifav.

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.