2 Thessalonianys 1:9 - An Bibel Kernewek 20234 (Kernewek Kemmyn)

⁹ I a wra godhevel kessydhyans diswrians heb worfenn dhiworth fas an Arloedh ha dhiworth splannder y nerth,

2 Thessalonianys 1:9 ပူးပေါင်းရင်းမြစ်များ

Jenesis 3:8

Hag i a glewas lev an Arloedh Duw ow kerdhes y'n lowarth yn awel glor an jydh, hag Adam ha'y wreg a omgudhas dhiworth golok an Arloedh Duw, yn mysk gwydh an lowarth.

Jenesis 4:16

Ha Kayn eth yn-mes dhiworth golok an Arloedh ha triga yn pow Nod, est dhe Eden.

Job 21:14

I a lever dhe Dhuw, “Diberth dhiworthyn! Nyns eus hwans dhyn a wodhvos a'th fordhow.

Job 22:17

I a leveris dhe Dhuw, “Gas ni yn kres!” ha “Pandr'a yll an Ollgalloesek gul dhyn?”

Salmow 16:11

Ty a dhiskwa dhymm an fordh a vewnans; y'th wolok jy yma lanwes lowena, y'th leuv dhyghow yma joy nevra a bes.

Salmow 51:11

Na dowl vy dhe-ves a'th fas ha na gemmer a-dhiworthiv dha Spyrys sans.

Ysay 1:28

An re a rebell ha'n beghadoryon a vydh distruys war-barth, ha'n re a forsak an Arloedh a dhe goll.

Ysay 2:10

Deus y'n garrek, omgel y'n doust dhiworth fas euth an Arloedh ha splannder y veuredh!

Ysay 2:19

I a dheu yn fowys y'n kerrek, hag yn pansow y'n dor, dhiworth fas euth an Arloedh ha splannder y veuredh, pan sev dhe ownekhe an norvys.

Ysay 2:21

dhe vones yn fowys y'n kerrek hag yn folsyow an kleger dhiworth fas euth an Arloedh ha splannder y veuredh, pan sev dhe ownekhe an norvys.

Ysay 33:14

An beghadoryon yn Sion a berth own; kren a dhalghenn an re dhidhuw: ‘Piw ahanan a yll triga gans an tan a dhevor? Piw ahanan a yll triga gans flammow a dhur bys vykken?’

Ysay 66:24

Hag i a wra mos yn-mes ha mires orth korfow an dus a rebellyas er ow fynn, rag ny verow aga fryv ha'ga than ny vydh difeudhys, hag y fydhons kasadow dhe bub kig oll.

Daniel 12:2

Ha tus pals usi ow koska yn doust an dor a dhifun, re dhe vewnans heb diwedh, ha re dhe veth ha dhe vismer bys vykken.

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Matthew 22:13

Ena yn-medh an myghtern dhe'n servysi, “Kelmewgh y dhewdroes ha'y dhiwla ha tewlewgh ev y'n tewolgow pella. Ena y fydh oelva ha skrinva dyns”

Matthew 24:30

Hag ena yth omdhiskwa tokyn Mab an den yn nev, hag ena pub loeth a'n bys a wra kyni, hag i a wel “Mab an den ow tos war gommol an nev” gans galloes ha golewder meur;

Matthew 25:41

‘Ena y hwra ev leverel ynwedh dhe'n re a'n barth kledh, “Kewgh a-dhiworthiv, hwi dus villiges, dhe'n tan heb diwedh yw darbarys dhe'n jowl ha'y eledh.

Matthew 25:46

Hag yth a an re ma yn-kerdh dhe gessydhyans bys vykken, mes an re wiryon dhe vewnans heb diwedh.’

Matthew 26:24

Yma Mab an den ow mos kepar dell yw skrifys anodho, mes go-ev an den na may ma Mab an den traytys ganso; da via dhodho, byth na ve genys an den na.’

Matthew 7:23

Hag ena my a dheklar dhedha, “Bythkweth ny'gas aswonnis; diberthewgh dhiworthiv, hwi dhrogoberoryon!”

Luk 13:27

Hag ev a lever dhywgh, “Ny'gas aswonnav, a-ble owgh; diberthewgh dhiworthiv, hwi dhrogoberoryon oll!”

Yowann 5:14

Wosa hemma, Yesu a'n kavas y'n tempel, hag a leveris dhodho, ‘Otta, ty yw yaghhes; na wra begha namoy, ma na hwarvo dhis neppyth gweth.’

Dewteronomi 33:2

Ev a leveris: An Arloedh a dheuth dhiworth Sinay, ha tardha warnedha dhiworth Seir; ev a splannas dhiworth menydh Paran, hag ev a dheuth gans degow a vilyow a syns; ha tan a flammyas dhiworth y leuv dhyghow.

Filippianys 3:19

Aga diwedh yw diswrians, aga duw yw an dorr, hag yma aga glori yn aga meth, gorrys aga brys war daklow an dor.

1 Thessalonianys 5:3

Tus pan leverons, ‘Yma kres ha diogeledh’, ena diswrians tromm a dheu warnedha kepar ha gloes dineythyans dhe venyn gans flogh, ha ny wrons diank mann.

2 Thessalonianys 2:8

Hag ena an den dilagha a vydh diskudhys, neb a wra an Arloedh Yesu y dhistrui gans anall y anow, ha'y dhiswul dre diskwedhyans y dhevedhyans,

Titus 2:13

ow kortos an govenek gwynnvys ha'n omdhiskwedhyans a'n splannder a'n Duw meur ha'gan Selwador Krist Yesu,

Ebrowyon 10:29

Pygemmys gweth an kessydhyans, tybi a wrewgh, a vydh breusys gwiw dhe neb a stank war Vab Duw ha synsi dhe vos avlan goes an kevambos dredho may feu sanshes, hag arvedh an Spyrys a ras?

2 Peder 2:17

An re ma yw fentynyow heb dowr, ha niwlow herdhys yn-rag dre hager-awel; ha tewolgow tewlder re beu gwithys ragdha i.

2 Peder 3:7

Mes an nevow ha'n nor a'n termyn ma re beu gwithys der an keth ger rag tan, synsys bys dydh breus, ha diswrians an re dhidhuw.

Lyther Yud 1:13

mordonnow gwyls owth ewyni gans aga bismer aga honan, sterennow ow kwandra may feu dhedha gwithys an tewlder bys vykken.

Diskwedhyans 20:11

Ha my a welas tron gwynn meur, ha neb esa owth esedha warnodho, ha nor ha nev a fias dhiworth y fas, ha nyns o tyller kevys ragdha.

Diskwedhyans 20:14

Hag ankow hag ifarn a veu tewlys y'n lynn a dan. Hemm yw an nessa mernans, an lynn a dan.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’

Diskwedhyans 22:15

A-ves yma an keun, ha'n bystrioryon, ha'n re a wra fornikasyon ha denladh, ha'n re a wordh idolys, ha pubonan a gar ha gul falsuri.