2 Thessalonianys 1:3 - An Bibel Kernewek 20234 (Kernewek Kemmyn)

³ Y koedh dhyn grassa dhe Dhuw pup-prys yn agas kever, a vreder, dell yw gwiw, rag agas fydh a wra tevi yn fras ha'gas kerensa pubonan dh'y gila a wra palshe,

2 Thessalonianys 1:3 ပူးပေါင်းရင်းမြစ်များ

Job 17:9

An den gwiryon a bes war y fordh, ha'n den glan y dhiwleuv yw krevhes moy ha moy.

Salmow 84:7

Yth ons a nerth dhe nerth; pubonan a vydh gwelys a-rag Duw yn Sion.

Salmow 92:13

An re yw plynsys yn chi an Arloedh, a las yn klosyow agan Duw.

Lavarow Koth 4:18

Mes hyns an re wiryon yw haval dhe wolow dydh-tardh, hag a splann dhe splanna ha dhe splanna bys yn hanter-dydh.

Luk 15:32

Mes lemmyn res yw ni dhe vos lowen ha heudhik; rag dha vroder ma a veu marow ha re vewas arta; kellys o, ha trovys yw.” ’

Luk 17:5

Ha'n abesteli a leveris dhe'n Arloedh, ‘Gwra kressya agan fydh.’

Yowann 15:2

Pub skorrenn ynnov ha na dheg frut, ev a's kemmer dhe-ves, ha pubonan hag a dheg frut, ev a's skether, may tokko frut moy.

Romanyon 1:8

Kyns oll, yth aswonnav gras dhe'm Duw dre Yesu Krist ahanowgh hwi oll, drefenn agas fydh dhe vos dyllys y'n norvys oll.

1 Korinthianys 1:4

Dhe Dhuw y grassav pup-prys ragowgh, drefenn bos gras Duw res dhywgh yn Krist Yesu,

2 Korinthianys 10:15

heb bostya dres musur yn lavur re erell, mes govenek a'gan beus, dell wra agas fydh tevi, agan gwrians dhe gressya yn feur, herwydh an rewl res dhyn,

Efesianys 5:20

prest ow krassa pup-tra yn hanow agan Arloedh Yesu Krist dhe Dhuw an Tas.

Filippianys 1:7

dell yw gwiw ragov dhe brederi ahanowgh hwi oll, rag ottahwi genev y'n golonn; rag hwi oll yw kevrennoryon genev a ras, hag y'm kolmow hag yn mentons ha kompoesans a'n aweyl.

Filippianys 1:9

Ha hemma my a bys, may hwrello agas kerensa palshe moy ha moy yn godhvos ha pub konvedhes,

1 Thessalonianys 3:12

ha'n Arloedh re wrello dhywgh ynkressya ha palshe yn kerensa an eyl dh'y gila, ha dhe bub den kepar dell wren ni ynwedh dhywgh hwi,

1 Thessalonianys 3:6

Mes Timothi re dheuth nammnygen dhyn ni dhiworthowgh, ha derivas dhyn nowodhow da a'gas fydh ha'gas kerensa, ha hwi dhe berthi kov da ahanan pup-prys, ha hwi hwansek dh'agan gweles, kepar dell on ni dh'agas gweles hwi;

1 Thessalonianys 3:9

Py gras ytho a yllyn ni daskorr dhe Dhuw ahanowgh hwi oll, hag a'n lowena may lowenhyn ragowgh a-dherag agan Duw,

1 Thessalonianys 4:1

Wor'tiwedh ytho, a vreder, ni a'gas pys ha keski y'n Arloedh Yesu, kepar dell dhegemmersowgh dhiworthyn ni fatell goedh dhywgh kerdhes ha plegya dhe Dhuw, kepar dell gerdhowgh dhe wir, may palshahowgh dhe voy.

2 Thessalonianys 2:1

Ni a'gas pys a vreder, a-dro dhe dhevedhyans agan Arloedh Yesu Krist ha'gan kuntellyans war-barth dhodho,

2 Thessalonianys 2:13

Mes y koedh dhyn grassa dhe Dhuw pup-prys yn agas kever, a vreder meurgerys gans an Arloedh, rag Duw a'gas dewisas y'n dalleth rag selwyans dre sansheans an spyrys ha kryjyans y'n gwir.

1 Peder 1:22

Wosa glanhe agas enev der wostytter dhe'n gwir, dhe gerensa broder heb fayntys, kerewgh an eyl y gila yn tiwysyk, yn-mes a golonn lan.

2 Peder 1:13

My a dyb y vos gwiw, hedre viv y'n tylda ma, gul dhywgh difuna, orth agas kovhe,

2 Peder 3:18

Mes tevewgh yn gras ha godhvos agan Arloedh ha Selwyas Yesu Krist. Dhodho ev re bo gordhyans hag y'n eur ma, ha bys y'n jydh heb worfenn. Amen.