2 Thessalonianys 1:10 - An Bibel Kernewek 20234 (Kernewek Kemmyn)

¹⁰ pan dheffo y'n jydh na dhe vos glorifiys yn y syns ha ri marth dhe oll an re a grys, rag bos krysys agan dustuni dhywgh hwi.

2 Thessalonianys 1:10 ပူးပေါင်းရင်းမြစ်များ

Salmow 68:35

A Dhuw, euthyk osta y'th tylleryow sans, Duw Ysrael; neb a re nerth ha galloes dh'y bobel. Benniges re bo Duw.

Salmow 89:7

Ownys yw Duw yn kuntelles an syns; pur euthyk a-ugh oll an re usi yn y gyrghynn.

Ysay 2:11

Dewlagas balghder den a vydh uvelhes, ha goeth tus a vydh iselhes, ha'n Arloedh unnsel a vydh ughelhes y'n jydh na.

Ysay 43:21

an bobel a formis ragov ow honan, rag may teriffens ow gormola.

Ysay 44:23

Kenewgh, A nevow, rag an Arloedh re'n gwrug, germewgh, A dhownderyow an norvys; germewgh gans joy, A venydhyow, An goeswik ha pub gwydhenn eus ynno! Rag an Arloedh re dhasprenas Yakob, hag ev a vydh glorifiys yn Ysrael.

Ysay 49:3

Hag y leveris dhymm, ‘Ow gwas yth os, Ysrael, may fydhav glorifiys ynno.’

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Yeremia 33:9

Ha homma a vydh hanow a lowena dhymm, gormel hag enor a-dherag oll kenedhlow an nor, pan glewons oll an da a wrav ragdha; i a's tevydh own ha krena drefenn oll an da ha rag oll an sewena a broviav dhedhi.

Malaki 3:17

I a vydh dhymmo vy, yn-medh Arloedh an luyow, ow thresor arbennik y'n jydh may hwrav vy oberi. My a gemmer truedh anedha par dell gemmer den truedh a'y vab neb a'n serv.

Niverow 23:23

Rag nyns eus dewinieth erbynn Yakob, na koel erbynn Ysrael. Lemmyn y fydh leverys a Yakob, hag a Ysrael, “Pandr'a wrug Duw!”

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Matthew 16:28

Yn hwir y lavarav dhywgh, yma re ow sevel omma na wra tastya mernans kyns i dhe weles Mab an den ow tos yn y wlaskor.’

Matthew 24:36

‘Mes a-dro dhe'n jydh na ha'n eur, ny woer denvyth, naneyl eledh an nevow, na'n Mab, saw unnsel an Tas.

Matthew 25:31

‘Ha Mab an den pan dheu yn y wolewder, hag oll an eledh ganso, ena yth esedh war dron y wolewder.

Matthew 7:22

Lies huni a lever dhymm y'n jydh na, “Arloedh, Arloedh, a ny wrussyn profoesa yn dha hanow jy, hag yn dha hanow tewlel yn-mes dywolow, hag yn dha hanow gul meur a oberow galloesek?”

Luk 10:12

My a lever dhywgh, perthi a vydh esya rag Sodom y'n jydh na es dell vydh rag an sita na.

Yowann 11:4

Pan glewas Yesu henna, yn-medh ev, ‘Nyns yw an kleves ma bys yn mernans, mes rag gordhyans Duw, may fo Mab Duw glorifiys dredho.’

Yowann 17:10

ha dhiso jy yw pup-tra a'm beus, ha glorifiys ov ynna i.

1 Korinthianys 1:6

kepar dell veu dustuni Krist krevhes ynnowgh –

1 Korinthianys 3:13

ober kettep penn a wra dos ha bos apert, rag an jydh a wra y dhiskwedhes, rag y fydh diskwedhys gans tan, ha'n tan a wra previ py par ober re beu gwrys gans kettep penn.

Galatianys 1:24

hag i a wordhyas Duw ynnov.

Efesianys 1:12

may fewen ni rag gormel y splannder, ni neb o an kynsa a'n jevo govenek yn Krist;

Efesianys 1:14

neb yw ragdal agan eretons bys pan vo dasprenys an perghennogeth, dhe wormel y splannder.

Efesianys 1:18

golowys dewlagas agas kolonn, may hwodhvewgh pyth yw govenek y alow, pyth yw rychys splannder y eretons y'n syns,

Efesianys 1:6

dhe wormel splannder y ras a wrontyas dhyn y'n Karadow;

Efesianys 2:7

may tiskwettha y'n oesow ow tos, rychys dres eghenn y ras yn kuvder troha ni yn Krist Yesu.

Efesianys 3:10

may fe deklarys lemmyn dhe'n prynsipatys ha'n potestatys y'n tylleryow nevek, der an eglos, furneth Duw, meur hy diverseth,

Efesianys 3:16

may rollo dhywgh hwi, war-lergh rychys y splannder, dhe vos krevhes gans galloes der y Spyrys y'n den pervedhel,

1 Thessalonianys 1:5

rag ny dheuth agan aweyl dhywgh hwi yn lavar yn unnsel, mes ynwedh yn nerth hag y'n Spyrys Sans, ha gans meur a surheans, dell wodhowgh py par tus en ni yn agas mysk, rag agas les.

1 Thessalonianys 2:1

Hwi a woer, a vreder, nag o agan devedhyans dhywgh yn euver,

1 Thessalonianys 2:12

orth agas ynnia ha'gas kennertha, ha'gas konjorya may hwrellewgh kerdhes gwiw dhe Dhuw usi orth agas gelwel dh'y wlaskor ha'y splannder.

1 Thessalonianys 2:13

Ha rakhemma ni ynwedh a ras dhe Dhuw heb hedhi, pan dhegemmersowgh ger Duw a glewsowgh ahanan, na wrussowgh y dhegemmeres avel ger mab-den, mes avel ger Duw, dell yw yn hwir, a wra oberi ynwedh ynnowgh hwi neb a grys.

2 Thessalonianys 1:12

may fo gordhys hanow agan Arloedh Yesu ynnowgh hwi, ha hwi ynno ev, war-lergh gras agan Duw ha'n Arloedh Yesu Krist.

2 Thessalonianys 2:13

Mes y koedh dhyn grassa dhe Dhuw pup-prys yn agas kever, a vreder meurgerys gans an Arloedh, rag Duw a'gas dewisas y'n dalleth rag selwyans dre sansheans an spyrys ha kryjyans y'n gwir.

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

2 Timothi 1:12

Rakhenna y hwodhavav an taklow ma; mes ny borthav meth, rag my a woer neb re grysis ynno ha sur ov vy ev dhe alloes gwitha an pyth re beu gorrys y'm charj, bys y'n jydh na.

2 Timothi 1:18

Re wrontyo an Arloedh dhodho may kaffo tregeredh dhiworth an Arloedh y'n jydh na. Ty a woer yn ta an gonis a wrug yn Efesus.

2 Timothi 4:8

Alemma rag, ragov vy parys yw an gurun a ewnder a re an Arloedh, an breusydh ewn, dhymmo vy y'n jydh na, ha nyns yw ragov vy yn unnsel, mes rag pubonan re garas y omdhiskwedhyans.

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.