2 Samuel 8:11 - An Bibel Kernewek 20234 (Kernewek Kemmyn)

¹¹ ha'n re ma ynwedh myghtern Davydh a sakras dhe'n Arloedh, war-barth gans an arghans hag owr a sakras dhiworth oll an kenedhlow re fethsa,

2 Samuel 8:11 ပူးပေါင်းရင်းမြစ်များ

2 Samuel 8:10

Toi a dhannvonas y vab Yoram dhe Davydh, dh'y salusi ha'y venniga, drefenn ev dhe omladh erbynn Hadadezer ha'y fetha; rag Hadadezer re werrsa gans Toi. Yoram a dhros ganso lestri a arghans, ha lestri a owr, ha lestri a vrons;

1 Myghternedh 7:51

Yndellma oll an ober a wrug myghtern Solomon rag chi an Arloedh o gorfennys. Solomon a dhros an taklow re bia sakrys gans y das Davydh, an arghans, an owr, ha'n lestri, ha'ga gwitha yn tresorvaow chi an Arloedh.

1 Kroniklys 18:11

An re ma ynwedh myghtern Davydh a sakras dhe'n Arloedh, war-barth gans an arghans ha'n owr re dhegsa dhiworth oll an kenedhlow ma: dhiworth Edom, Moab, an Ammonysi, an Filistysi hag Amalek.

1 Kroniklys 29:2

Ytho gans oll ow nerth my re brovias rag chi ow Duw, owr rag an ober a owr, arghans rag an ober a arghans, brons rag an ober a vrons, horn rag an ober a horn, ha prenn rag an ober a brenn, hag ynwedh meyn onyks rag an settyansow, antimoni, meyn liesliw, pub eghenn meyn drudh, ha meur a alabaster.

2 Kroniklys 5:1

Pan veu gorfennys oll an ober a wrug Solomon rag chi an Arloedh, Solomon a dhug a-ji oll an taklow sakrys gans y das Davydh, hag ev a worras an arghans, an owr, hag oll an lestri yn tresorvaow chi Duw.

Mika 4:13

Sav ha drushya, A vyrgh Sion, rag my a vynn gwruthyl dha gorn a horn ha'th karnow a vrons; ty a wra brewi lies pobel, ha sakra aga freydh dhe'n Arloedh, aga rychys dhe Arloedh an norvys oll.