2 Samuel 7:13 - An Bibel Kernewek 20234 (Kernewek Kemmyn)

¹³ Ev a dhrehav chi rag ow hanow vy, ha my a fast tron y vyghterneth bys vykken.

2 Samuel 7:13 ပူးပေါင်းရင်းမြစ်များ

Jenesis 49:10

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

2 Samuel 22:51

Ev a re selwyans meur dh'y vyghtern, ha gul tregeredh dh'y Untys ev, dhe Davydh ha dh'y has bys vykken.

2 Samuel 7:16

Dha ji ha'th vyghterneth a vydh fastys bys vykken a-dheragov; dha dron a vydh fastys bys vykken.

2 Samuel 7:27

‘Rag ty, A Arloedh an luyow, Duw Ysrael, re dhiskwedhsys hemma dhe'th was, ow leverel, “My a dhrehav chi ragos”; rakhenna dha was re gavas kolonnekter dhe bysi dhis an pysadow ma.

1 Myghternedh 2:24

Lemmyn ytho, dell vew an Arloedh, neb a'm fastyas ha'm settya war dron ow thas, ha neb a wrug chi ragov dell ambosas, Adoniya a vydh gorrys dhe'n mernans hedhyw.’

1 Myghternedh 2:4

may kewerro an Arloedh y er a veu kewsys ganso y'm kever, ow leverel, “Mar kwra dha fleghes gwitha aga fordh, ow kerdhes a-ragov yn gwiryonedh gans oll aga holonn ha gans oll aga enev, ny fyll dhis gour war dron Ysrael.”

1 Myghternedh 2:45

Mes myghtern Solomon a vydh benniges, ha tron Davydh a vydh fastys a-rag an Arloedh bys vykken.’

1 Myghternedh 5:5

Ytho my a vynn drehevel chi rag hanow an Arloedh ow Duw, dell leveris an Arloedh dhe'm tas Davydh, “Dha vab neb a worrav war dha dron y'th le a dhrehav chi rag ow hanow.”

1 Myghternedh 6:12

‘A-dro dhe'n chi ma a dhrehevydh, mar kerdhydh yn ow ordenansow, ha bos gostydh dhe'm breusow ha gwitha oll ow gorhemmynnow ha kerdhes ynna, ena my a fast ow ambos genes, a wrug vy dhe'th tas Davydh.

1 Myghternedh 8:13

Devri my re dhrehevis dhis chi ughel, tyller rag ty dhe driga ynno bys vykken.’

1 Myghternedh 8:15

Ev a leveris, ‘Benniges re bo an Arloedh, Duw Ysrael, neb gans y leuv re gollenwis an pyth a ambosas a'y anow dhe'm tas Davydh, ow leverel,

1 Myghternedh 8:19

byttegyns ty ny dhrehevydh an chi, mes dha vab a vydh genys dhis a dhrehav an chi rag ow hanow.”

2 Myghternedh 21:4

Ev a dhrehevis alteryow yn chi an Arloedh, may lavarsa an Arloedh anedha, ‘Yn Yerusalem y hworrav ow hanow.’

2 Myghternedh 21:7

Ev a settyas an imaj gravys a Ashera re wrussa y'n chi may leveris an Arloedh anodho dhe Davydh ha dh'y vab Solomon, ‘Y'n chi ma hag yn Yerusalem, re dhewisis mes a oll kordhow Ysrael, my a worr ow hanow bys vykken.

2 Myghternedh 8:19

Byttegyns ny vynnas an Arloedh distrui Yuda a-barth Davydh y was, drefenn ev dhe ambosa dhodho ri lugarn dhodho ha dh'y dhiyskynnysi bys vykken.

1 Kroniklys 28:10

Kemmer with lemmyn, rag an Arloedh re'th tewisas dhe dhrehevel chi rag an sentri; bydh krev, ha'n gwra.’

2 Kroniklys 33:4

Ev a dhrehevis alteryow yn chi an Arloedh, may lavarsa an Arloedh anodho, ‘Yn Yerusalem ow hanow a vydh bys vykken.’

2 Kroniklys 6:16

Ha lemmyn, A Arloedh, Duw Ysrael, gwith an ambos dhe'm tas Davydh, pan leversys, “Ny fyll dhis gour a-dhiworthiv dhe esedha war dron Ysrael, unnweyth mar kwittha dha vebyon aga fordh, dhe gerdhes yn ow lagha par dell re gerdhsys a-ragov.”

Job 36:7

Ny gemmer y dhewlagas dhiworth an den gwiryon, mes kepar ha myghternedh ev a's sett war dronyow ha'ga ughelhe bys vykken.

Salmow 72:17

Re dhurryo y hanow bys vykken; re bo y hanow fastys hedre vo an howl. Ena tus a omvennik dredho; an kenedhlow oll a'n gelow gwynnvys.

Salmow 89:21

Ow leuv a'n menten, ha'm bregh ynwedh a'n krevha.

Salmow 89:29

My a wra dh'y has durya bys vykken, ha'y se avel dydhyow nev.

Salmow 89:4

“Dha has a fastyav bynitha, ha'th se a dhrehavav a unn henedh dhe'n nessa.” ’ Sela.

Ysay 49:8

Yndellma y lever an Arloedh: Y'n prys plegadow re worthybis dhis, yn dydh selwyans re'th weresis; my re'th withas, ha'th ri avel kevambos dhe'n bobel, rag fastya an tir, rag kevrenna an ertajys ynyal,

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Ysay 9:7

Dhe ynkressyans an arloettys ha dhe gres ny vydh finweth, rag tron Davydh ha rag y vyghterneth, dh'y fastya ha dh'y skoedhya gans gwirvreus hag ewnder alemma rag ha bys vykken. Gwres Arloedh an luyow a wra hemma.

Yeremia 33:17

Rag yndellma y lever an Arloedh: Ny vydh Davydh nevra heb gour dhe esedha war dron chi Ysrael,

Ezekiel 37:25

I a drig y'n tir a res vy dhe'm gwas Yakob, mayth esa agas tasow trigys ynno. I ha'ga mebyon, ha mebyon aga mebyon a drig ynno bys vykken, ha Davydh ow gwas a vydh pennsevik dhedha bys vynitha.

Daniel 2:44

Hag yn dydhyow an vyghternedh ma, y hwra Duw an nevow drehevel gwlaskor na vydh nevra diswrys, ha ny vydh hy myghternsys gesys dhe gen bobel. Hi a wra terri dhe demmyn ha distrui oll an ruvanethow ma, ha pesya bys vykken.

Zekaria 6:12

Lavar dhodho, Yndellma y lever Arloedh an luyow: Awotta'n gour, Skorrenn y hanow, hag ev a dyv a-dhiworth y le ha drehevel tempel an Arloedh.

Zekaria 6:13

Ev a wra drehevel tempel an Arloedh, hag ev a dheg an meuredh hag esedha ha governa war y se. Ev a vydh oferyas war y se, hag y fydh kusul kres ynter an dhew.

Matthew 16:18

Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.

Ebrowyon 3:3

Mes Yesu re beu akontys gwiw dhe gemmys moy a glori ages Moyses, par dell yw neb a dhrehevis chi moy enorys ages an chi y honan.

1 Peder 2:5

Ha hwi ynwedh, kepar ha meyn bew, omdhrehevewgh hwi dhe vos chi spyrysel, oferyaseth sans, dhe offrynna sakrifisow spyrysel kemmeradow dhe Dhuw dre Yesu Krist.