2 Samuel 24:1 - An Bibel Kernewek 20234 (Kernewek Kemmyn)

¹ Arta sorr an Arloedh a dhewis erbynn Ysrael, hag ev a vovyas Davydh er aga fynn ha leverel, ‘Ke ha nivera Ysrael ha Yuda.’

2 Samuel 24:1 ပူးပေါင်းရင်းမြစ်များ

Jenesis 45:5

Ha lemmyn, na vedhewgh yn ahwer, na vedhes sorr yn agas lagasow hwi dhe'm gwertha omma; rag Duw re'm dannvonas dheragowgh dhe witha bewnans.

Jenesis 50:20

Ha hwi, hwi a dewlis droktra er ow fynn; Duw a'n tewlis dhe vos dader, may teffa an dra dell yw y'n jydh hedhyw: dhe witha tus pals yn few.

2 Samuel 12:11

Yndellma y lever an Arloedh: Awotta, my a dhrehav drog warnas yn-mes a'th chi; ha my a gemmer dha wragedh dherag dha dhewlagas, ha'ga ri dhe'th kentrevek, hag ev a wrowedh gans dha wragedh yn golok an howl ma.

2 Samuel 16:10

Mes yn-medh an myghtern, ‘Pyth eus yntra my ha hwi, hwi vebyon Seruya? Mar kwra ev mollethi rag an Arloedh dhe leverel dhodho, “Molleth Davydh”, piw a lever ena, “Prag y hwruss'ta yndella?” ’

2 Myghternedh 3:6

Ytho myghtern Yehoram eth yn-mes a Samaria y'n termyn na ha kuntell war-barth oll Ysrael.

1 Kroniklys 21:1

Satnas a sevis erbynn Ysrael hag ynnia war Davydh nivera pobel Ysrael.

1 Kroniklys 7:2

Mebyon Tola: Uzzi, Refaya, Yeriel, Yaghmay, Ybsam, ha Shemuel, pubonan anedha o pennow chi aga thasow, diyskynnysi Tola, kasoryon alloesek war-lergh aga henedhow; aga niver yn dydhyow Davydh o dew warn ugens a vilyow, hwegh kans.

1 Kroniklys 7:40

Oll an re ma o mebyon Asher, pennow chi aga thasow, kasoryon alloesek, pennternedh boesek. Aga niver omrolys der aghskrifow, rag servis yn bresel, o hwegh mil wour warn ugens.

2 Kroniklys 32:25

Mes ny worthybis Hezekia yn grasyans a'n dader gwrys dhodho, rag bos y golonn goethus. Ytho konnar a dheuth warnodho ha war Yuda ha war Yerusalem.

Eksodus 7:3

Ha my a wra kaleshe kolonn Faro, ha liesplekhe ow thoknys hag anethow yn pow Ejyp,

Ezekiel 14:9

Mars yw an profoes dynys dhe gewsel ger, yth yw my, an Arloedh, neb re dhynyas an profoes na, ha my a ystynn ow leuv er y bynn ha'y dhistrui a-dhiworth ow fobel Ysrael.

Ezekiel 20:25

Ynwedh my a ros dhedha ordenansow nag ens da, ha breusow na yllens bewa ynna.

Levitikus 10:6

Hag yn-medh Moyses dhe Aron ha dhe Eleazar ha dhe Ithamar y vebyon, ‘Na esewgh gols agas pennow dhe gregi lows, na skwardya agas dillas, ma na wryllowgh hwi merwel, ha na dheffo sorr war oll an kuntelles, mes gesewgh agas breder, chi dien Ysrael, dhe oela drefenn an loskvann re wrug an Arloedh.

Niverow 1:19

dell worhemmynnis an Arloedh dhe Moyses. Yndella ev a's niveras yn gwylvos Sinay.

Oberow 4:28

rag gul an pyth a ragdhestnas dha leuv ha'th towl may fe gwrys.

2 Thessalonianys 2:11

Ha rakhenna Duw a dhannvon dhedha kammdybyans krev, may kryssons an gow,

Breusysi 2:14

Ytho sorr an Arloedh a loskas erbynn Ysrael, hag ev a's daskorras dhe ladron, neb a's pyllas; hag ev a's gwerthas yn diwla aga eskerens a-dro dhedha, ma na yllens sevel pella erbynn aga eskerens.

Breusysi 2:20

Ytho sorr an Arloedh a loskas erbynn Ysrael; hag ev a leveris, ‘Rag an bobel ma dhe derri ow hevambos a worhemmynnis vy dh'aga thasow, ha ny woslowsons orth ow lev,

1 Samuel 26:19

Lemmyn ytho, my a'th pys, klewes ow arloedh an myghtern geryow y was. Mars yw an Arloedh neb re ynnias warnas er ow fynn, re vlasso offrynn; mes mars yw mebyon den, bedhens milliges dherag an Arloedh, rag i re'm chasyas yn-mes y'n jydh hedhyw ma na gaffen ow rann yn eretons an Arloedh, ow leverel, “Ke, serv duwow erell.”