2 Samuel 20:9 - An Bibel Kernewek 20234 (Kernewek Kemmyn)

⁹ Yn-medh Yoab dhe Amasa, ‘Osta yn yeghes, ow broder?’ Ha Yoab a settyas dalghenn yn barv Amasa gans y dhorn dhyghow dhe amma dhodho.

2 Samuel 20:9 ပူးပေါင်းရင်းမြစ်များ

2 Samuel 15:5

Hag yndella yth o, peskweyth may to nebonan nes dhodho dhe omblegya a-ragdho, ev a ystynna y leuv, ha kavoes dalghenn ynno hag amma dhodho.

2 Samuel 17:25

Lemmyn Absalom re settsa Amasa yn le Yoab war an lu. Amasa o mab gour henwys Yether an Yshmaelyas neb a alsa a-ji dhe Abigayl, myrgh Nahash myrgh Seruya mamm Yoab.

2 Samuel 18:29

Ha'n myghtern a wovynnas, ‘Yw an gour yowynk Absalom saw?’ Hag Ahimaas a worthybis, ‘Pan dhannvonas Yoab gwas an myghtern, my dha was, my a welas tervans meur, mes ny wonn pyth o.’

2 Samuel 3:27

Pan dhehwelis Abner dhe Hebron, Yoab a'n kemmeras a-denewen yn kres an yet dhe gewsel ganso yn kosel, hag ev a'n gweskis ena yn y dorr. Ytho ev a verwis rag goes Asahel y vroder.

1 Myghternedh 2:32

Ha'n Arloedh a wra dh'y woes dehweles war y benn ev y honan, rag heb godhvos ow thas Davydh, ev a goedhas war dhew wour moy gwiryon ha gwell agesso ev, ha'ga ladha gans an kledha: Abner mab Ner, kapten lu Ysrael, hag Amasa mab Yether, kapten lu Yuda.

Salmow 55:21

Aga ganow o levenna es amanynn, mes yth esa bresel yn aga holonn; aga lavarow o medhella ages olew, mes yth ens i kledhedhyow noeth.

Lavarow Koth 26:23

Avel gwedrans ow kenna seth a bri yw gweusyow ter ha tebel golonn.

Lavarow Koth 27:6

Lel yw goliow kar, mes pals yw ammow eskar.

Yeremia 41:2

Yshmael mab Nethania, ha'n deg gwer esa ganso, a sevis ha gweskel Gedalia mab Ahikam mab Shefan gans an kledha ha'y ladha, ev neb a veu gwrys governour an tir gans myghtern Babylon.

Mika 7:2

Gallas an den duwek a'n bys, ha nyns eus onan ewnhynsek yn mysk tus; i oll a skolk yn kontrewaytyans rag skoellya goes ha peub a helgh y vroder gans roes.

Breusysi 3:15

Mes pan grias mebyon Ysrael dhe'n Arloedh, an ARLOEDH a dhrehevis ragdha delivrer, Ehud mab Gera, Benyaminyas, gour kledhek. Mebyon Ysrael a dhannvonas trubyt dhodho der Eglon myghtern Moab.