2 Samuel 20:1 - An Bibel Kernewek 20234 (Kernewek Kemmyn)

¹ Y hwarva bos gour Belial ena, ha'y hanow Sheba mab Bikri, Benyaminyas. Ev a hwythas an hirgorn ha garma, ‘Nyns eus dhyn rann vyth yn Davydh, na eretons yn mab Yesse. Pub gour dh'y dylda, A Ysrael!’

2 Samuel 20:1 ပူးပေါင်းရင်းမြစ်များ

Jenesis 46:21

Mebyon Benyamin: Bela, Beker, hag Ashbel; Gera ha Naaman; Ehi ha Rosh; Muppim, Huppim hag Ard.

2 Samuel 15:10

Mes Absalom a dhannvonas aspioryon der oll loethow Ysrael, ha leverel, ‘Kettell glewowgh son an hirgorn, ena germewgh, “Absalom a reyn yn Hebron.” ’

2 Samuel 16:11

Ena Davydh a leveris dhe Abishay, ha dhe oll y wesyon, ‘Awotta, ow mab, neb a dheuth yn-mes a'm kolodhyon vy, a hwila ow bewnans; pygemmys moy lemmyn y hyll an Benyaminyas ma y wul! Gesewgh ev dhodho y honan, ha gesewgh ev dhe vollethi; rag an Arloedh re worhemmynnis dhodho.

2 Samuel 16:7

Yndella y leveri Shimei pan vollethis, ‘Deus yn-mes, deus yn-mes, ty wour goesek, ha ty wour Belial!

2 Samuel 18:17

I a gemmeras Absalom ha'y dewlel yn pytt bras y'n goeswik, ha drehevel a-ughto kals bras a veyn. Hag oll Ysrael a fias, pubonan dh'y dylda.

2 Samuel 20:2

Ytho pub gour a Ysrael a asas Davydh ha holya Sheba mab Bikri; mes gwer Yuda a holyas aga myghtern yn fyrv dhiworth an Yordan bys Yerusalem.

2 Samuel 20:22

Ena an venyn eth dhe oll an bobel gans hy husul fur, hag i a droghas dhe-ves penn Sheba mab Bikri ha'y dewlel dhe Yoab. Ytho ev a hwythas an hirgorn, hag i eth dhiworth an sita, pub gour dh'y dylda. Ha Yoab a dhehwelis dhe Yerusalem dhe'n myghtern.

2 Samuel 23:6

Mes an vilens a vydh oll avel dreyn yw tewlys dhe-ves, rag ny yllir aga hemmeres y'n leuv;

1 Myghternedh 12:16

Pan welas oll Ysrael oll na vynna an myghtern goslowes orta, an bobel a worthybis dhe'n myghtern, ‘Pana rann a'gan beus yn Davydh? Nyns eus eretons yn mab Yesse. Dh'agas tyldow, Ysrael! Mirewgh dhe'th chi dha honan, Davydh.’ Ytho Ysrael eth dhe-ves dh'aga thyldow.

1 Myghternedh 21:10

settyewgh dew vilen a-dal dhodho dhe dhustunia er y bynn, ow leverel, “Ty re vollethis Duw ha'n myghtern.” Ena degewgh e yn-mes, ha'y labydha bys y'n mernans.’

2 Kroniklys 10:16

Pan gonvedhas oll Ysrael na vynna an myghtern goslowes orta, an bobel a worthybis dhe'n myghtern, ‘Pana rann a'gan beus yn Davydh? Ny'gan beus eretons yn mab Yesse. Dh'agas tyldow, A Ysrael! Mir lemmyn dhe'th chi dha honan, Davydh.’ Yndella oll Ysrael eth dhe-ves dh'aga thyldow.

2 Kroniklys 10:6

Ena myghtern Rehoboam a omgusulyas gans an henavogyon a sevi a-rag y das Solomon hag ev hwath yn few, ow leverel, ‘Fatell y'm kusulyowgh a worthybi dhe'n bobel ma?’

Salmow 17:13

Sav, A Arloedh, deus er y bynn, doro e dhe'n dor! Delirv ow enev dhiworth an tebelwas, dre dha gledha;

Salmow 34:19

Meur yw ankenyow an den gwiryon, mes an Arloedh a'n delirv dhiworta oll.

Lavarow Koth 25:8

na's dro yn fysk dhe'n vreuslys, rag pandr'a wredh y'n diwedh pan y'th sham dha gentrevek?

Lavarow Koth 26:21

Avel glowbrenn dhe regydh, ha prenn dhe dan, yndella yw gour kavyllek dhe enowi strif.

Mark 3:24

Ha mar pydh gwlaskor rynnys er hy fynn hy honan, an wlaskor na ny yll sevel.

Luk 19:14

Mes y sojets a wre y gasa hag i a dhannvonas kannasow war y lergh ow leverel, “Ny vynnyn an den ma dhe vos myghtern warnan.”

Luk 19:27

Mes ow eskerens na, neb na vynnsons my dhe vos myghtern warnedha: gwrewgh aga dri omma ha'ga ladha a-dheragov.” ’

Yowann 13:8

Yn-medh Peder dhodho, ‘Nevra ny wolghydh ow threys evy’ Yesu a worthybis dhodho, ‘Mar ny wrav vy dha wolghi, nyns eus dhis rann genev vy.’

Dewteronomi 13:13

bos gwer bilyek sevys yntredhowgh, hag i re dhynyas trigoryon aga thre, ow leverel, ‘Deun ha servyn duwow erell’, na's aswonnsys,

Breusysi 19:22

Pan esens ow lowenhe, gwer an sita, tebelwesyon, a gylghyas an chi hag a dhallathas frappya war an daras. I a leveris dhe'n kothwas, mester an chi, ‘Dro yn-mes an gour a dheuth y'th chi rag may hyllyn kesya ganso.’

Breusysi 3:27

Pan dheuth di, ev a hwythas an hirgorn yn bro venydhyek Efraym, ha mebyon Ysrael eth yn-nans ganso dhiworth an vro venydhyek, hag ev a-ragdha.

Ruth 2:3

Hag yth eth ha kuntell gesigow y'n gwel war-lergh an vysoryon, ha par happ perghennek an rann na a'n gwel o Boaz, a deylu Elimelek.

1 Samuel 13:2

Sowl a dhewisas ragdho y honan tri mil dhen a Ysrael; yth esa dew vil gans Sowl yn Mikmash hag yn menydh Bethel, hag yth esa mil gans Yonathan yn Gibea a Benyamin; hag ev a dhannvonas remenant an bobel dhe-ves dh'aga thyldow.

1 Samuel 2:12

Lemmyn mebyon Eli o mebyon Belial; ny aswonnens an Arloedh.

1 Samuel 30:22

Ena oll an debeles, ha gwer Belial yn mysk an wer neb eth gans Davydh a leveris, ‘Drefenn na wrussons mones genen, ny wren ni ri dhedha travyth a'n preydh daskevys genen, saw pub gour a yll kemmeres y wreg ha'y fleghes hag omdenna.’