2 Samuel 19:24 - An Bibel Kernewek 20234 (Kernewek Kemmyn)

²⁴ Mefibosheth mab-wynn Sowl a dheuth yn-nans dhe vetya an myghtern. Ny wrussa kemmeres gwith a'y dreys, na treghi y varv, na golghi y dhillas, a-dhia'n jydh may tibarthas an myghtern bys y'n jydh may teuth arta yn kres.

2 Samuel 19:24 ပူးပေါင်းရင်းမြစ်များ

2 Samuel 12:20

Ena Davydh a sevis a'n dor, hag omwolghi, hag ura y honan, ha chanjya y dhillas. Ev eth a-ji dhe ji an Arloedh, ha gordhya; ena ev eth dh'y ji y honan; ha pan wovynnas, i a settyas boes dheragdho hag ev a dhybris.

2 Samuel 15:30

Mes Davydh eth yn-bann dre leder menydh Oliv, hag ev a oelas hag ev ow mos yn-bann, gans y benn kudhys, hag ev eth dieskis; hag oll an bobel esa ganso a gudhas aga fenn ynwedh, hag i a oelas hag i ow mos yn-bann.

2 Samuel 16:3

Yn-medh an myghtern, ‘Ple'ma mab dha vester?’ Siba a leveris dhe'n myghtern, ‘Yma trigys yn Yerusalem; rag yn-medh ev, “Hedhyw chi Ysrael a dhaskorr dhymm gwlaskor ow thas.” ’

2 Samuel 9:11

Ena Siba a leveris dhe'n myghtern, ‘War-lergh pup-tra a wra ow arloedh an myghtern y erghi dh'y was, yndella y hwra dha was.’ Ha Mefibosheth a dhybri orth moes Davydh, avel onan a vebyon an myghtern.

1 Myghternedh 2:8

Hag yma genes ynwedh Shimei mab Gera, Benyaminyas a Bahurim, neb a'm mollethis gans molleth ankensi y'n jydh mayth yth vy dhe Mahanaym: mes ev a dheuth dhe'm metya orth an Yordan, ha my a dos dhodho re'n Arloedh, ow leverel, “Ny wrav vy dha ladha gans an kledha.”

Eksodus 19:10

Ha'n Arloedh a leveris dhe Moyses, ‘Ke dhe'n bobel ha'ga sakra hedhyw hag a-vorow, ha gas dhedha golghi aga dillas,

Ysay 15:2

Dibon re yskynnas dhe'n tempel, dhe'n tylleryow ughel dhe oela; war Nebo ha war Medeba Moab a oul. War bub penn yma bloghter, ha treghys yw pub barv.

Yeremia 41:5

gwer a dheuth a-dhiworth Shekem ha Shilo ha Samaria, ha'ga barvow treghys ha'ga dillas fregys, ha'ga horf treghys, gans offrynnow greun ha frankynkys yn aga leuv, dh'aga dri dhe ji an Arloedh.

Matthew 6:16

‘Ha pan wryllowgh penys heb dybri, na vedhewgh avel an falswesyon, trist aga semlans, rag i a dhifas aga bejeth may hallons bos gwelys gans tus, i dhe wul penys; yn hwir y lavarav dhywgh, i re's teva aga gober.

Romanyon 12:15

Lowenhewgh gans an re a lowenha, oelewgh gans an re a oel;

Ebrowyon 13:3

Perthewgh kov a'n brisnoryon par dell vewgh prisonys war-barth gansa; ha'n re yw kammdhyghtys, a-ban esowgh hwi ynwedh y'n korf.