2 Samuel 18:8 - An Bibel Kernewek 20234 (Kernewek Kemmyn)

⁸ An vatel ena a veu lesys war enep oll an pow, ha'n goeswik a dhevoryas moy pobel y'n jydh na es dell dhevoryas an kledha.

2 Samuel 18:8 ပူးပေါင်းရင်းမြစ်များ

2 Samuel 18:7

Pobel Ysrael a veu gweskys ena a-rag gwesyon Davydh, hag yth esa ladhva veur y'n jydh na, ugens mil wour.

2 Samuel 18:9

Lemmyn Absalom a dhyerbynnas gwesyon Davydh. Hag yth esa Absalom ow marghogeth war asen, ha'n asen eth yn-dann skorr tew terebinthenn vras, ha'y benn a veu synsis fast y'n derebinthenn, may feu gesys ow kregi ynter an ebron ha'n dor; ha'n asen re bia yn-danno eth dhe-ves.

1 Myghternedh 20:30

An remenant a fias dhe Afek, dhe'n tour; ha'n fos a goedhas war an seyth mil warn ugens o gesys. Ben-hadad a fias ynwedh, ha dos a-berth y'n tour hag omgudha a stevell dhe stevell.

Salmow 3:7

Sav, A Arloedh; salw vy, ow Duw! Rag ty re weskis oll ow eskerens war an challa; ty re dorras dyns an debeles.

Salmow 43:1

Breus vy, A Dhuw, ha pled ow hen erbynn kenedhel ansans; gwra ow delivra dhiworth an falswas ha'n sherewa.

Eksodus 15:10

Ty a hwythas gans dha wyns, an mor a's kudhas; i a sedhis avel plomm y'n dowrow bras.

Lavarow Koth 24:21

Ow mab, porth own a'n Arloedh ha'n myghtern, ha na omvysk gans an eyl na'y gila.

Lavarow Koth 24:22

Rag aga therroes a dheu a-dhistowgh, ha piw a woer an anfeusi a dheu dhiworta aga dew?

Yoshua 10:11

Pan esens ow fia a-rag Ysrael war an fordh yn-nans dhe Beth-horon, an Arloedh a dewlis keserennow bras warnedha dhiworth nev bys Azeka, hag i a verwis; moy anedha a verwis drefenn an keserennow es dell veu ledhys gans kledhedhyow an Ysraelysi.