2 Samuel 18:24 - An Bibel Kernewek 20234 (Kernewek Kemmyn)

²⁴ Yth esa Davydh owth esedha ynter an dhiw yet; ha'n goelyador eth yn-bann dhe do an yet ryb an fos, ha drehevel y dhewlagas, ha mires, hag otta yth esa gour ow poenya y honan.

2 Samuel 18:24 ပူးပေါင်းရင်းမြစ်များ

2 Samuel 13:34

Mes Absalom a fias. Ha'n gour yowynk neb esa ow koelyas a dhrehevis y dhewlagas, ha mires, hag awotta, yth esa tus pals ow tos dhiworth fordh Horonaym war denewen an menydh.

2 Samuel 18:23

‘Pypynag oll a hwarvo’, yn-medh ev, ‘My a vynn poenya.’ Hag ev a leveris dhodho, ‘Poen!’ Ena Ahimaas a boenyas dre fordh an plen, ha tremena dres an Kushyas.

2 Samuel 18:25

An goelyador a armas ha derivas orth an myghtern. Ha'n myghtern a leveris, ‘Mar pydh ev y honan, yma nowodhow yn y anow.’ Hag ev a besyas dos nes.

2 Samuel 18:4

Yn-medh an myghtern dhedha, ‘Pypynag a hevel da dhywgh, my a'n gwra.’ Ytho an myghtern a sevis ryb tenewen an yet, hag oll an bobel a dheuth yn-mes yn kansow hag yn milyow.

2 Samuel 19:8

Ytho an myghtern a sevis hag esedha y'n yet. Hag y feu derivys orth oll an bobel, ‘Awotta, yma an myghtern owth esedha y'n yet.’ Hag oll an bobel a dheuth dherag an myghtern. Mes oll Ysrael re fisa pub gour dh'y dylda.

1 Samuel 4:13

Ha pan dheuth, yth esa Eli owth esedha war gador ryb an fordh ow mires, rag y golonn a grenas rag argh Duw. Ha pan dheuth an gour a-bervedh y'n sita, ha ri an derivas, oll an sita a armas.