2 Samuel 14:6 - An Bibel Kernewek 20234 (Kernewek Kemmyn)

⁶ Yth esa dhe'th vaghteth dew vab, hag i a omladhas an eyl erbynn y gila y'n gwel, ha nyns esa denvyth dh'aga diberth, ha'n eyl a weskis y gila ha'y ladha.

2 Samuel 14:6 ပူးပေါင်းရင်းမြစ်များ

Jenesis 4:8

Yn-medh Kayn dhe Abel y vroder, ‘Deun ni yn-mes dhe'n gwel.’ Ha pan esens y'n gwel, Kayn a sevis erbynn Abel y vroder ha'y ladha.

2 Samuel 13:28

Ena Absalom a erghis dh'y wesyon, ha leverel, ‘Merkyewgh pan yw y golonn meri gans gwin, ha pan lavarav dhywgh, “Gweskewgh Amnon”, ena ledhewgh ev. Na berthewgh own; a ny erghis dhywgh? Bedhewgh krev ha bedhewgh kolonnek.’

2 Samuel 13:29

Ha gwesyon Absalom a wrug dhe Amnon kepar dell arghsa Absalom dhedha. Ena oll mebyon an myghtern a sevis yn-bann, ha pub gour eth war geyn y asen ha fia.

2 Samuel 14:5

An myghtern a wovynnas orti, ‘Pandr'yw dhis?’ Hi a worthybis, ‘Ellas, gwedhwes ov; ow gour yw marow.

2 Samuel 14:7

Hag, otta, an teylu oll re dhrehevis erbynn dha vaghteth, hag i re leveris, “Delirv yn-bann ev neb a weskis y vroder, may hyllyn y worra dhe'n mernans rag bewnans y vroder a ladhas; ha ni a dhistru an her ynwedh.” Yndella y tifeudhons ow holenn vew yw gesys, ha ny as dhe'm gour naneyl hanow na remenant war enep an norvys.’

Eksodus 2:13

Hag yth eth ternos, hag otta, dew Ebrow owth omladh. Hag y leveris dhe'n drogoberer, ‘Prag y hweskydh dha gentrevek?’