2 Samuel 14:33 - An Bibel Kernewek 20234 (Kernewek Kemmyn)

³³ Ytho Yoab a dheuth dhe'n myghtern ha derivas orto; hag ev a elwis Absalom. Hag ev a dheuth dhe'n myghtern hag omblegya war y fas dhe'n dor a-rag an myghtern; ha'n myghtern a ammas dhe Absalom.

2 Samuel 14:33 ပူးပေါင်းရင်းမြစ်များ

Jenesis 27:26

Ena Ysak y das a leveris dhodho, ‘Deus nes, my a'th pys, hag amma dhymm, ow mab.’

Jenesis 33:4

Mes Esaw a boenyas er y bynn ha'y vyrla ha koedha war y gonna hag amma dhodho; hag i a oelas.

Jenesis 45:15

Hag ev a ammas dhe oll y vreder hag oela warnedha, ha wosa henna yth esa y vreder ow kewsel ganso.

2 Samuel 15:5

Hag yndella yth o, peskweyth may to nebonan nes dhodho dhe omblegya a-ragdho, ev a ystynna y leuv, ha kavoes dalghenn ynno hag amma dhodho.

2 Samuel 19:39

Ytho oll an bobel a dreusis dres an Yordan, ha'n myghtern a dreusis; an myghtern a ammas dhe Barzillay ha'y venniga, hag ev a dhehwelis dh'y ji.

1 Myghternedh 1:53

Ena myghtern Solomon a dhannvonas, hag i a'n gemmeras yn-nans dhiworth an alter. Hag ev a dheuth hag omblegya dhe vyghtern Solomon; ha Solomon a leveris dhodho, ‘Ke dhe'th chi.’

Luk 15:20

Ytho ev a sevis yn-bann ha mos dh'y das. Hag ev hwath y'n pellder, y das a'n gwelas, ha piteth a'n jeva, hag ev a boenyas hag a goedhas war y gonna hag amma dhodho.