2 Samuel 13:28 - An Bibel Kernewek 20234 (Kernewek Kemmyn)

²⁸ Ena Absalom a erghis dh'y wesyon, ha leverel, ‘Merkyewgh pan yw y golonn meri gans gwin, ha pan lavarav dhywgh, “Gweskewgh Amnon”, ena ledhewgh ev. Na berthewgh own; a ny erghis dhywgh? Bedhewgh krev ha bedhewgh kolonnek.’

2 Samuel 13:28 ပူးပေါင်းရင်းမြစ်များ

Jenesis 9:21

Pan evas rann a'n gwin, ev a veu medhow ha heb kudhlenn a-ji dh'y dylda.

2 Samuel 11:13

Ena Davydh a'n gelwis dhe dhybri hag eva dheragdho, hag ev a'n gwrug medhow; ha gorthugherweyth ev eth yn-mes dhe wrowedha war y weli gans gwesyon y arloedh, mes ny wrug ev mones yn-nans dh'y ji.

2 Samuel 11:15

Y'n lyther ev a skrifas, ‘Sett Uria y'n voward, y'n kalessa omladh. Ena omdenn a-dhiworto, may fydh ev gweskys, ha merwel.’

2 Samuel 12:10

Rakhenna ny dreyl an kledha nevra dhiworth dha ji, rag ty re'm dispresyas, ha kemmeres gwreg Uria an Hittyas dhe vos dha wreg.

2 Samuel 13:27

Mes Absalom a ynnias warnodho yn fras, may tannvonas Amnon hag oll mebyon an myghtern ganso. Hag Absalom a wrug fest par dell ve rag myghtern.

2 Samuel 14:6

Yth esa dhe'th vaghteth dew vab, hag i a omladhas an eyl erbynn y gila y'n gwel, ha nyns esa denvyth dh'aga diberth, ha'n eyl a weskis y gila ha'y ladha.

1 Myghternedh 20:16

I eth yn-mes y'n hanter-dydh, ha Ben-hadad owth eva yn fedhow y'n tyldow, ev ha'n dewdhek warn ugens myghtern y geffrysysi.

Ester 1:10

An seythves dydh, ha kolonn an myghtern heudh gans gwin, erghi a wrug ev dhe Mehuman, Biztha, Harbona, Bigtha, hag Abagtha, Zethar, ha Karkas, an seyth spadhesik a venystra yn golok myghtern Ahasuerus,

Salmow 104:15

ha gwin a heudhha kolonn den, hag olew dhe wul dh'y fas dewynnya, ha bara a grevha kolonn den.

Eksodus 1:18

ha myghtern Ejyp a elwis war an gwelivedhesow, ha leverel dhedha, ‘Prag y hwrussowgh an dra ma, ha gwitha an vebyon yn few?’

Ekklesiastes 10:19

Rag hwarth y hwrer fest, ha gwin a wra dhe vewnans bos lowen, mes arghans yw an gorthyp dhe bup-tra.

Ekklesiastes 9:7

Ke, deber gans plesour dha vara, ha gans kolonn lowen yv dha win rag bos dha oberennow plegadow dhe Dhuw.

Daniel 5:30

An keth nos na y feu ledhys Belshassar, myghtern an Kaldeanys,

Nahum 1:10

Rag kepar ha spern kesplethennys, ha kepar ha diwes pennow medhow, devorys vydhons, kepar ha sowl fest sygh.

Luk 21:34

‘Bedhewgh war, ma na vo agas kolonn nevra beghys gans diwessa, na medhwynsi na fienasow bewnans, ha na wrello an jydh dos warnowgh yn tromm

Oberow 5:29

Mes Peder ha'n abesteli a worthybis ha leverel, ‘Y koedh dhyn obaya dhe Dhuw, a-der dhe dus.

Yoshua 1:9

A ny erghis dhis? Bydh krev ha bydh kolonnek; na borth own ha na vydh dyegrys, rag bos an Arloedh dha Dhuw genes plepynag yth edh.’

Breusysi 19:22

Pan esens ow lowenhe, gwer an sita, tebelwesyon, a gylghyas an chi hag a dhallathas frappya war an daras. I a leveris dhe'n kothwas, mester an chi, ‘Dro yn-mes an gour a dheuth y'th chi rag may hyllyn kesya ganso.’

Breusysi 19:6

Yndella an dhew dhen a esedhas hag a evas war-barth; ha tas an vowes a leveris dhe'n gour, ‘Spen an nos omma mar pleg ha lowenhe?’

Breusysi 19:9

Pan sevis an gour ha'y iswreg ha'y was dhe vos, y hwegron, tas an vowes, a leveris dhodho, ‘Mir, galsa, an jydh yn-rag bys pan yw hi gorthugher ogasti. Spenewgh an nos. Mir, deuva an jydh dh'y dhiwedh. Spen an nos omma ha lowenha. A-vorow hwi a yll sevel myttin a-varr rag agas vyaj, ha mos tre.’

Ruth 3:7

Pan worfennsa Boaz dybri hag eva, ha lowen y golonn, ev eth dhe wrowedha dhe benn an bern greun. Ena Ruth a gramyas yn kosel ha diskudha y dreys ha growedha rybdho.

1 Samuel 18:22

Ha Sowl a erghis dh'y wesyon, ha leverel, ‘Kewsewgh gans Davydh yn privedh ha leverel, “Otta, an myghtern a'n jeves delit ynnos, hag oll y wesyon a'th kar; lemmyn rakhenna, bydh deuv an myghtern.” ’

1 Samuel 28:10

Mes Sowl a dos dhedhi re an Arloedh, ha leverel, ‘Dell vew an Arloedh, ny dheu kessydhyans vyth warnas rag an dra ma.’

1 Samuel 28:13

Yn-medh an myghtern dhedhi, ‘Na borth own; pandr'a welsys?’ Yn-medh an venyn dhe Sowl, ‘My re welas duw ow tos yn-bann mes a'n dor.’