2 Peder 3:16 - An Bibel Kernewek 20234 (Kernewek Kemmyn)

¹⁶ kepar dell skrif ynwedh yn oll y lytherow, ow kewsel ynna a-dro dhe'n taklow ma. Ynna yma taklow yw kales dhe gonvedhes, may ma an re dhidhysk ha'n re heb faster orth aga stumma, ha'n skryptors erell ynwedh, dh'aga diswrians aga honan.

2 Peder 3:16 ပူးပေါင်းရင်းမြစ်များ

Jenesis 49:4

Ewynek avel dowr, ny vydh dhis ragwir, rag ty eth yn-bann dhe weli dha das. Ena ty a'n defolas; ty eth yn-bann dhe'm growedhva.

1 Myghternedh 10:1

Pan glewas myghternes Sheba a vri Solomon (bri drefenn hanow an Arloedh), hi a dheuth dh'y brevi gans govynnow kales.

Salmow 56:5

Oll an jydh i a gammgemmer ow geryow; yma oll aga frederow er ow fynn rag drog.

Eksodus 23:2

Ny wredh holya lu dhe wul drokoleth; na ny wredh dustuni yn ken, ow treylya a-denewen war-lergh lu, rag kammdreylya gwirvreus;

Eksodus 23:6

Ny wredh kammdreylya gwirvreus rag dha dhen boghosek yn y gen.

Yeremia 23:36

Mes ny venegowgh ‘Begh an Arloedh’ namoy; rag ger pub den a vydh y vegh y honan; rag hwi re gammdreylyas geryow an Duw bew, Arloedh an luyow, agan Duw.

Habakkuk 1:4

Rakhenna dinerth yw an lagha, ha ny a gwirvreus nevra yn-rag. Rag an tebelwas a omsett a-dro dhe'n den gwiryon; ytho kammvreus a yn-rag.

Matthew 15:3

Ev a worthybis ow leverel dhedha, ‘Ha hwi ynwedh, prag y hwrewgh kammdremena erbynn gorhemmynn Duw der agas hengov hwi?

Matthew 15:6

nyns yw ev synsys dhe enora y das na'y vamm; ha hwi a dhile ger Duw der agas hengov.

Matthew 22:29

Yesu a worthybis ha leverel dhedha, ‘Kammdybi a wrewgh, drefenn na wodhowgh naneyl an skryptors na galloes Duw.

Dewteronomi 16:19

Na gammdreyl breus, na bleg dhe fas neb den, na gemmer falswober, rag falswober a dhall dewlagas an re fur ha treylya geryow an re wiryon.

Filippianys 3:19

Aga diwedh yw diswrians, aga duw yw an dorr, hag yma aga glori yn aga meth, gorrys aga brys war daklow an dor.

Ebrowyon 5:11

A-dro dhe hemma, ni a'gan beus meur dhe leverel yw kales dhe styrya, rag hwi dhe vos lent agas diwskovarn.

Jamys 1:8

Gour dewblek y vrys yw brottel yn oll y fordhow.

1 Peder 1:1

Peder, abostol Yesu Krist dhe'n bobel dhewisys, godrigoryon skattrys yn Pontus, Galatia, Kappadokia, Asia, ha Bithynia,

1 Peder 2:8

ha, ‘Men a wra dhe dhen trebuchya, ha karrek a offens.’ I a goedh rag nyns yns i gostydh dhe'n ger. Henna a veu aga thenkys.

2 Peder 2:1

Mes yth esa fals profoesi yn mysk an bobel kepar dell vydh fals dhyskadoryon yn agas mysk ynwedh, a vynn dri tebelgryjyansow fell, ow nagha hwath an Mester a wrug aga frena, hag ow tri diswrians uskis warnedha i.

2 Peder 2:14

Lenwys yw aga dewlagas a hwans dhe neb avoutres, ow hwilas pegha heb hedhi. I a dhyn enevow gwann, dyskys aga holonn yn krefni, fleghes emskemunys!

2 Peder 3:14

Ytho, karadowyon, a-ban esowgh ow kortos an taklow ma, bedhewgh diwysyk, dhe vos kevys ganso dinamm ha divlam, yn kres.

2 Peder 3:2

dhe remembra an lavarow a veu kewsys kyns gans an brofoesi sans, hag a worhemmynn agas Arloedh ha Selwyas der agas abesteli.

Lyther Yud 1:4

Rag entra yn unn slynkya yn-dann gel re wrug sertan re a veu seuladhydh apoyntys dhe'n dampnasyon ma, tus dhidhuw a dreyl gras agan Duw bys yn drokhwans ha nagha agan unn mester hag Arloedh, Yesu Krist.