2 Peder 3:15 - An Bibel Kernewek 20234 (Kernewek Kemmyn)

¹⁵ Ha synsewgh hirwodhevyans agan Arloedh dhe vos selwyans, kepar dell skrifas dhywgh agan broder karadow Powl, war-lergh an furneth a veu res dhodho,

2 Peder 3:15 ပူးပေါင်းရင်းမြစ်များ

1 Myghternedh 3:12

my a wra lemmyn herwydh dha er. Yn tevri, my a re dhis kolonn fur ha meur hy honvedhes; nyns esa denvyth avellos a-ragos ha ny sev denvyth avellos war dha lergh.

1 Myghternedh 3:28

Ysrael oll a glewas a'n vreus re rosa an myghtern; hag i a ownas an myghtern, drefenn i dhe weles bos furneth Duw ynno, dhe wul barn.

1 Myghternedh 4:29

Duw a ros dhe Solomon furneth veur, konvedhes ha helder kolonn, kepar ha'n tewes war an vorlann,

Ezra 7:25

Ha ty, Ezra, herwydh furneth dha Dhuw, usi yn dha leuv, orden justisyow ha breusysi, a yll breusi oll an dus usi y'n rannvro Dres-an-Avon, oll an re a aswonn laghys dha Dhuw; ha dyskewgh neb na's aswonn.

Eksodus 31:3

ha my re'n lenwis gans spyrys Duw, gans furneth ha konvedhes, gans skians hag oll kreftweyth,

Eksodus 31:6

Hag otta, my re'n untyas ganso Oholiab mab Ahisamak, a loeth Dan; ha my re ros sleyghneth dhe bub krefter konnyk may hwrellons pup-tra re erghis dhis:

Eksodus 35:31

hag ev re'n lenwis gans Spyrys Duw, gans furneth ha konvedhes, gans skians ha gans kreftweyth a bub eghenn,

Eksodus 35:35

Ev re's lenwis gans galloes dhe wul pub eghenn a ober gwrys gans krefter po gweythor kweth po brosyer yn pann glas ha purpur ha kogh ha sendal, po gans gwiader; oberoryon yn kreftweyth a bub eghenn, ha gweythoryon kweth a dhevisyow konnyk.

Ekklesiastes 2:26

Rag dhe neb yw plegadow dhodho, Duw a re furneth ha godhvos ha plesour, mes dhe'n peghador ev a re an oberenn a guntell ha bernya rychys hag ena dhe ri an keth henna dhe biwpynag a vo plegadow dhe Dhuw. Hemma ynwedh yw euveredh ha chasya war-lergh an gwyns.

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Oberow 15:25

yth hevelis da dhyn, ha ni unnver, dannvon gwer dhewisys dhywgh gans Barnabas ha Powl, meurgerys genen ni,

Oberow 7:10

hag ev a'n sawyas mes a'y boenvos oll, ha ri dhodho favour ha furneth dherag Faro myghtern Ejyp, neb a'n ordenas governour dres Ejyp ha dres y goskordh oll.

Oberow 9:17

Hag Ananias eth dhe-ves hag entra y'n chi, hag ow korra y dhiwla warnodho ev a leveris, ‘Broder Sowl, an Arloedh re'm dannvonas, Yesu neb a omdhiskwedhas dhis y'n fordh may teuthys, may hwylli arta, ha bos lenwys a'n Spyrys Sans.’

Romanyon 2:4

Po dispresya a wredh jy rychys y guvder ha'y wodhevyans ha'y berthyans? A ny wodhes jy kuvder Duw dhe'th hembronk dhe edrek?

1 Korinthianys 12:8

Rag dhe onan yw res der an Spyrys lavar a skentoleth, dhe onan arall lavar a wodhvos herwydh an keth Spyrys,

1 Korinthianys 2:13

A-dro dhe'n re ma, ytho, ni a gews yn lavarow nag yw dyskys dre skentoleth mab-den, mes dyskys gans an Spyrys, ow styrya traow spyrysel dhe'n re yw spyrysel.

1 Korinthianys 3:10

Herwydh gras Duw res dhymm, avel pennser sleygh my a worras sel, hag yma nebonan arall ow trehevel warnedhi. Mes y koedh dhe gettep onan bos war fatell dhrehav ev warnedhi,

Efesianys 3:3

fatell veu notys dhymm an mysteri dre dhiskwedhyans, kepar dell skrifis dhywgh kyns war verr lavarow.

1 Timothi 1:16

Mes rakhenna my a gavas tregeredh, may tiskwettho kyns Yesu Krist pub godhevyans ynnov vy rag ensampel dhe'n re a dheu dhe grysi ynno rag bewnans heb diwedh.

Jamys 1:5

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.

Jamys 3:17

Mes an furneth a-wartha yw kyns oll glan, ena ow kara kres, klor, es y berswadya, leun a versi ha frut da, heb faverans, heb falsuri.

1 Peder 3:20

a veu diwostydh kyns, pan esa hirwodhevyans Duw ow kortos yn dydhyow Noy, ha'n gorhel ow pos pareusys, may feu sawys niver byghan, henn yw eth enev, dre dhowr.

2 Peder 3:2

dhe remembra an lavarow a veu kewsys kyns gans an brofoesi sans, hag a worhemmynn agas Arloedh ha Selwyas der agas abesteli.

2 Peder 3:9

Nyns yw syger an Arloedh a-dro dh'y ambos, dell syns nebes tus sygerneth dhe vos, mes yma ganso hirwodhevyans yn agas kever, heb mynnes denvyth dhe vos diswrys, mes pub den dhe dhos dhe edrek.