2 Peder 3:11 - An Bibel Kernewek 20234 (Kernewek Kemmyn)

¹¹ Ha'n taklow ma oll diswrys yndella, py par tus y koedh dhywgh hwi bos yn bewedh sans ha duwek,

2 Peder 3:11 ပူးပေါင်းရင်းမြစ်များ

Salmow 37:14

An debeles re dennas an kledha ha plegya aga gwarak, dhe dhisevel an den truan ha'n boghosek, dhe ladha an re ewn aga fordh.

Salmow 50:23

Neb a offrynn an sakrifis a rasyans a wra ow gordhya; ha dhe neb a wra y fordh yn ewn my a dhiskwa selwyans Duw.’

Salmow 75:3

An nor a deudh ha myns eus trigys ynno; my yw neb a fast y golovenyow.’ Sela.

Ysay 14:31

Oul a yet, kri a sita; teudh yn own, Filistia, ty oll. Mog a dheu dhiworth an gogledh, ha nyns eus termynek yn y renkow.

Ysay 24:19

An norvys yw dralys glan, an norvys yw folsys kwit, an norvys yw shakys yn harow.

Ysay 34:4

Oll lu nev a wra pedri, ha'n ebron a vydh rolys avel rol-skrifa; oll aga lu a wedher dell wedher delenn dhiworth gwinbrenn, dell wedher figys dhiworth figbrenn.

Matthew 8:27

Marth a gemmeras an dus, hag yn-medhons, ‘Py par den yw hemma, mayth yw gostydh dhodho keffrys an gwynsow ha'n mor?’

Romanyon 13:11

Gans henna ow kodhvos an termyn, an eur yw hwi dhe dhifuna a gosk. Rag yma selwyans nes dhyn lemmyn es dell o pan gryssyn ni wostalleth.

Romanyon 13:12

Gyllys pell yw an nos ha devedhys nes yw an jydh. Tewlyn dhe-ves ytho oberow an tewlder ha gwiskyn arvow an golow.

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

Filippianys 1:27

Saw bedhes agas bewedh gwiw dhe'n aweyl a Grist, mar tov dh'agas gweles po gortos a-ves, may klewviv ahanowgh, hwi dhe sevel yn unn spyrys gans unn enev, ow strivya war-barth rag fydh an aweyl,

Filippianys 3:20

Rag yma agan sita y'n nevow, ha ni a wayt gans mall Selwador dhiworti, an Arloedh Yesu Krist,

1 Thessalonianys 1:5

rag ny dheuth agan aweyl dhywgh hwi yn lavar yn unnsel, mes ynwedh yn nerth hag y'n Spyrys Sans, ha gans meur a surheans, dell wodhowgh py par tus en ni yn agas mysk, rag agas les.

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.

1 Timothi 4:12

Na dhispresys denvyth dha yowynkneth, mes deus ha bos patron dhe'n gryjygyon yn lavar, yn bewedh, yn kerensa, yn fydh, yn glander.

1 Timothi 6:11

Mes ty, a dhen Duw, fi dhiworth an taklow ma ha ke war-lergh ewnder, sansoleth, fydh, kerensa, perthyans, klorder.

1 Timothi 6:3

Piwpynag a dhysko ken, ha na assent dhe lavarow yagh agan Arloedh Yesu Krist ha'n dyskas yw yn akord gans sansoleth,

1 Timothi 6:6

Mes gwayn meur yw sansoleth war-barth gans bos kontentys.

Ebrowyon 13:5

Bedhes agas bewnans rydh a gerensa arghans, ha bedhewgh kontentys gans an pyth a'gas beus; rag ev re leveris, ‘Nevra ny wrav dha fyllel na dha forsakya.’

Jamys 1:24

Ev a wel y honan ha mos dhe-ves hag ankevi a-dhesempis py par den yw.

Jamys 3:13

Piw yntredhowgh yw fur ha skentel? Der y gonversashyon da, diskwedhes ev y wriansow yn uvelder furneth.

1 Peder 1:15

mes kepar dell yw sans neb a'gas gelwis, bedhewgh hwi sans ynwedh yn agas fara oll;

1 Peder 2:12

Bedhes da agas bewedh yn mysk an Jentilys; ena kyn kewsons er agas pynn avel drogoberoryon, y hyllons gordhya Duw yn dydh y dhevedhyans, pan welons agas gwriansow da.

2 Peder 1:3

Galloes Duw re ros dhyn pup-tra kevrennys gans bewnans ha sansoleth, der aswonnvos a neb a'gan gelwis dh'y splannder ev ha'y vertu.

2 Peder 1:6

hag yn godhvos omrewl, hag yn omrewl perthyans, hag yn perthyans sansoleth,

2 Peder 3:10

Mes dydh an Arloedh a dheu kepar ha lader, hag ynno an nevow a wra tremena gans tros ughel hwyflyn, ha'n elvennow ow leski a vydh teudhys, ha'n norvys ha'n gwriansow usi ynno a vydh diskudhys.

2 Peder 3:12

ow kortos ha spedya devedhyans dydh Duw, dredho may fydh nevow diswrys gans tan, ha'n elvennow ow leski a wra teudhi?