2 Peder 2:14 - An Bibel Kernewek 20234 (Kernewek Kemmyn)

¹⁴ Lenwys yw aga dewlagas a hwans dhe neb avoutres, ow hwilas pegha heb hedhi. I a dhyn enevow gwann, dyskys aga holonn yn krefni, fleghes emskemunys!

2 Peder 2:14 ပူးပေါင်းရင်းမြစ်များ

Job 31:7

mar treylis ow hamm a-denewen dhiworth an fordh, mars eth ow holonn war-lergh ow dewlagas, po mar lenas namm dhe'm diwleuv;

Job 31:9

‘Mar pe ow holonn dynys gans benyn, po mar skolkyen ryb daras ow hentrevek,

Lavarow Koth 5:6

Ny hwither hi an hyns a vewnans; hy fordhow a wander, ha dibreder yw hi.

Lavarow Koth 6:25

Na yeun war-lergh hy thekter y'th kolonn, ha na as hi dhe'th synsi gans blewennow hy dewlagas;

Ysay 1:16

Omwolghewgh, omlanhewgh; kemmerewgh agas drog wriansow yn-mes a'm gwel; hedhewgh a gammwul,

Ysay 34:5

Rag ow kledha re evas y walgh yn nev; otta, ev a dhiyskynn war Edom, ha war bobel a wrugavy aga sakra rag breus.

Ysay 65:20

Ny vydh ena na fella baban a vew nebes dhydhyow, na ny vydh den koth na vew oll y dydhyow; rag neb a verow kans penn-bloedh a vydh synsys avel maw, ha neb na dhrehedh dhe gans a vydh synsys avel milliges.

Yeremia 13:23

A yll an Ethiopyas chanjya y groghen, po an lewpard y vryghi? Ytho a yllowgh hwi ynwedh gul da, yw usys dhe wul drog?

Ezekiel 13:18

ha lavar, Yndellma y lever an Arloedh Duw: Go-i an benynes usi ow kwrias bondow war bub konna-bregh ha gul kudhlennow rag pennow a bub ughelder, ow helghya enevow. A helghyowgh enevow ow fobel ha gwitha agas enevow agas honan yn few?

Matthew 12:34

Hwi askorr nadres, fatell yllowgh leverel taklow da ha hwi ow pos drog? Rag yn-mes a lanwes an golonn y lever an ganow.

Matthew 23:14

‘Go-hwi, skribys ha Fariseow, falswesyon, rag hwi a lenk chiow gwedhwesow, hag yn fayntys hwi a wrewgh pysadow hir; rakhenna y kevowgh breus dhe voy tynn.

Matthew 25:41

‘Ena y hwra ev leverel ynwedh dhe'n re a'n barth kledh, “Kewgh a-dhiworthiv, hwi dus villiges, dhe'n tan heb diwedh yw darbarys dhe'n jowl ha'y eledh.

Matthew 5:28

Mes my a lever dhywgh, Neb a vir orth benyn gans drokhwans re wrug avoutri seulabrys gensi yn y golonn.

Mark 13:22

Rag fals Kristow ha fals profoesi a sev, hag a dhiskwa toknys ha marthusyon, rag toella, mara kyllir, an re dhewisys.

Yowann 5:44

Fatell yllowgh hwi krysi, neb a dhegemmer enor an eyl dhiworth y gila, mes ny hwilowgh an enor na dheu marnas a Dhuw?

Romanyon 16:18

Rag tus a'n par na, ny servyons agan Arloedh Krist mes aga thorr aga honan, ha dre gows teg ha dre gows ow flattra, y toellons kolonn an re wiryon.

1 Korinthianys 11:19

Rag y telledh bos eresys yntredhowgh may fons aswonnys an re yntredhowgh yw gwiryon.

Efesianys 2:3

hag yn aga mysk, ni oll ynwedh a wre omdhegi kyns yn yeunadow agan kig, ow kul hwansow an kig ha'n prederow, hag yth en ni dre natur fleghes sorr kepar ha'n re erell ynwedh.

Efesianys 4:14

ma na ven namoy fleghes, tewlys gans mordonnow ha degys a-dro gans pub gwyns a dhyskas, dre sotelneth tus, yn sleyghneth bys y'n felder a doell.

Kolossianys 2:18

Na wres denvyth kemmeres dhiworthowgh agas gober, ow kovynn uvelder ha gordhyans eledh, ow teskrifa an manylyon a daklow na welas, omhwythys yn euver dre vrys y gig,

Jamys 1:8

Gour dewblek y vrys yw brottel yn oll y fordhow.

2 Peder 2:18

Rag ow kewsel gans bostyans euver, i a dhyn gans drokhwansow direwl an kig an re na dhiank skant dhiworth an dus a vew yn maner bodrek.

2 Peder 2:3

Ha dre grefni gans fals lavarow hwi a vydh gwrys marchondis gansa. Ragdha i seulabrys nyns yw lent an vreus, ha ny gosk an diswrians.

2 Peder 3:16

kepar dell skrif ynwedh yn oll y lytherow, ow kewsel ynna a-dro dhe'n taklow ma. Ynna yma taklow yw kales dhe gonvedhes, may ma an re dhidhysk ha'n re heb faster orth aga stumma, ha'n skryptors erell ynwedh, dh'aga diswrians aga honan.

1 Yowann 2:16

Rag pup-tra eus y'n bys, lust an kig ha lust an lagasow ha goeth bewnans, nyns esons a'n Tas mes a'n bys.

Lyther Yud 1:11

Go-i rag kerdhes war fordh Kayn hag omri aga honan rag gober dhe gammweyth Balaam, hag yn rebellyans Koragh mos dhe goll.

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.