2 Peder 1:8 - An Bibel Kernewek 20234 (Kernewek Kemmyn)

⁸ Mars usi an taklow ma ynnowgh hag ow palshe, i a'gas gwith rag bos euver na heb frut yn aswonnvos agan Arloedh Yesu Krist.

2 Peder 1:8 ပူးပေါင်းရင်းမြစ်များ

Lavarow Koth 19:15

Sygerneth a dewl yn kosk down, ha'n enev diek a berth nown.

Matthew 13:22

Ha'n dra hesys yn mysk spern, ev yw neb a glew an ger, mes fienasow an bys ha dynyans rychys a dag an ger hag ev ny dheg frut.

Matthew 20:3

Hag ow mos yn-mes a-dro dhe'n tressa eur, ev a welas re erell esa ow sevel diweyth y'n marghasla,

Matthew 20:6

Ha pan eth yn-mes a-dro dhe'n unnegves eur, ev a gavas re erell ow sevel diweyth hag ev a leveris dhedha, “Prag y hwrussowgh sevel omma oll an jydh diweyth?”

Matthew 25:26

Y vester a worthybis ow leverel dhodho, “Ty gethwas drog ha diek, a wodhesta my dhe vysi le na wrussen gonis has, ha dhe guntell le na wrussen tewlel has?

Yowann 15:2

Pub skorrenn ynnov ha na dheg frut, ev a's kemmer dhe-ves, ha pubonan hag a dheg frut, ev a's skether, may tokko frut moy.

Yowann 17:3

Ha hemm yw bewnans heb diwedh: ma'th aswonnons ty, an unn gwir Dhuw, ha Yesu Krist neb re dhannvensys.

Yowann 5:42

mes my a'gas aswonn, nag usi kerensa Duw ynnowgh agas honan.

Romanyon 12:11

yn diwysykter heb sygerneth, yn spyrys owth enowi, ow servya an Arloedh,

1 Korinthianys 15:58

Rakhenna, ow breder meurgerys, bedhewgh len, fyrv, pup-prys ow palshe yn gonis an Arloedh, ow kodhvos nag yw euver agas lavur y'n Arloedh.

2 Korinthianys 13:5

Omhwithrewgh mars esowgh hwi y'n fydh, prevewgh agas honan; a ny wodhowgh hwi bos Yesu Krist ynnowgh – marnas hwi a fyll an prov?

2 Korinthianys 8:2

Yn prov sevurra a alar, leunder aga joy ha'ga boghosogneth dhown a balshas yn rychedh a'ga sempledh hel,

2 Korinthianys 8:7

Mes, yn pup-tra dell balshowgh, yn fydh hag yn kows hag yn godhvos hag yn pub diwysygneth hag yn agas kerensa dhyn ni, gwaytyewgh may palshahowgh y'n gras ma ynwedh.

2 Korinthianys 9:14

hag i ow pysi ragowgh hwi hag ow yeuni war agas lergh drefenn an gras dres musur re ros Duw dhywgh hwi.

Filippianys 1:9

Ha hemma my a bys, may hwrello agas kerensa palshe moy ha moy yn godhvos ha pub konvedhes,

Filippianys 2:5

Kemmerewgh yn agas mysk an tybyans ma esa ynwedh yn Krist Yesu;

Filippianys 3:8

Moy es henna, my a syns bos pup-tra koll rag an pris dres eghenn a aswonnvos Krist Yesu ow Arloedh, rag neb my a gollas pup-tra, ha my a syns y vos skoellyon may kyffiv Krist,

Kolossianys 1:10

dhe gerdhes gwiw dhe'n Arloedh, ow plegya yn tien, ow toen frut yn pub ober da hag ow tevi yn aswonnvos Duw,

Kolossianys 2:7

gwreydhys ha drehevys ynno, ha kennerthys y'n fydh dell dhys'sowgh, ow palshe yn grasyans.

Kolossianys 3:16

Triges ger Krist ynnowgh yn rych, ow tyski ha keski an eyl y gila yn pub furneth, ow kana salmow, hymnys ha kanow spyrysel gans gras yn agas kolonn dhe Dhuw.

1 Thessalonianys 3:12

ha'n Arloedh re wrello dhywgh ynkressya ha palshe yn kerensa an eyl dh'y gila, ha dhe bub den kepar dell wren ni ynwedh dhywgh hwi,

1 Thessalonianys 4:1

Wor'tiwedh ytho, a vreder, ni a'gas pys ha keski y'n Arloedh Yesu, kepar dell dhegemmersowgh dhiworthyn ni fatell goedh dhywgh kerdhes ha plegya dhe Dhuw, kepar dell gerdhowgh dhe wir, may palshahowgh dhe voy.

2 Thessalonianys 1:3

Y koedh dhyn grassa dhe Dhuw pup-prys yn agas kever, a vreder, dell yw gwiw, rag agas fydh a wra tevi yn fras ha'gas kerensa pubonan dh'y gila a wra palshe,

1 Timothi 5:13

Dhe'n keth prys ynwedh y tyskons bos diek, ow kerdhes a jy dhe jy. Nyns yns i diek yn unnsel mes ynwedh hwedhloresow ha mellyoresow, ow leverel taklow nag yw gwiw aga leverel.

Titus 3:14

Ha dyskens agan tus ynwedh omri dhe oberow da rag kollenwel edhommow a res, ma na vons i heb frut vyth.

Filemon 1:6

ha my a bys may fo kowethyans dha fydh mayn nerthek der aswonnvos oll an dader a'gan beus yn Krist.

Ebrowyon 6:12

ma na vowgh syger mes holyoryon an re a erit, dre fydh ha perthyans, an ambosow.

2 Peder 1:2

Gras dhywgh hwi ha kres re bo palshes yn aswonnvos Duw ha'gan Arloedh Yesu.

2 Peder 1:3

Galloes Duw re ros dhyn pup-tra kevrennys gans bewnans ha sansoleth, der aswonnvos a neb a'gan gelwis dh'y splannder ev ha'y vertu.

2 Peder 2:20

Rag wosa diank mostedhes an bys der aswonnvos an Arloedh ha Selwyas Yesu Krist, mars yns i maglennys arta ynna ha fethys, gweth gallas an studh diwettha anedha es an kynsa.

2 Peder 3:18

Mes tevewgh yn gras ha godhvos agan Arloedh ha Selwyas Yesu Krist. Dhodho ev re bo gordhyans hag y'n eur ma, ha bys y'n jydh heb worfenn. Amen.