2 Peder 1:21 - An Bibel Kernewek 20234 (Kernewek Kemmyn)

²¹ Rag ny dheuth profoesans bythkweth dre volonjedh mab-den, mes tus movyes gans an Spyrys Sans a gewsis a-dhiworth Duw.

2 Peder 1:21 ပူးပေါင်းရင်းမြစ်များ

2 Samuel 23:2

Spyrys an Arloedh a gews dredhov, yma y lavar war ow thaves.

1 Myghternedh 13:1

Dre er an Arloedh gour Duw a dheuth yn-mes a Yuda dhe Bethel, ha Yeroboam a'y sav ryb an alter rag leski offrynn.

1 Myghternedh 17:18

Hi a leveris dhe Elias, ‘Pyth eus yntredhon ni, A wour Duw? Ty re dheuth dhymm rag dri ow hammweyth dhe gov, ha ladha ow mab!’

1 Myghternedh 17:24

Ytho an venyn a leveris dhe Elias, ‘Lemmyn my a woer dha vos gour Duw, ha bos gwiryonedh ger an ARLOEDH y'th hanow.’

2 Myghternedh 4:22

Ha hi a elwis orth hy gour ha leverel, ‘Dannvon dhymm, my a'th pys, onan a'n wesyon hag onan a'n asenes, may hylliv poenya dhe wour Duw ha dehweles.’

2 Myghternedh 4:7

Hi a dheuth ha leverel dhe wour Duw, hag ev a leveris, ‘Ke, gwerth an oyl ha tyli an gendon, ha ty ha dha mebyon a yll bewa orth an remenant.’

2 Myghternedh 4:9

Yn-medh hi dh'y gour, ‘My a woer an den usi prest ow tremena omma bos gour sans a Dhuw.

2 Myghternedh 6:10

Myghtern Ysrael a dhannvonas messaj dhe'n tyller a gewsis gour Duw a-dro dhodho. Moy ages unn po diwweyth ev a'n gwarnyas; yth ev a veu hewoel ena.

2 Myghternedh 6:15

Pan sevis gwas gour Duw myttin a-varr, ha mos yn-mes, otta, yth esa lu ow kyrghynna an sita, gans mergh ha charettow. Y was a leveris dhodho, ‘Ellas, ow mester! Pandr'a wren?’

1 Kroniklys 23:14

Mes mebyon Moyses, gour Duw, a veu henwys yn mysk loeth Levi.

2 Kroniklys 8:14

Herwydh gorhemmynn Davydh y das, ev a ordenas rannow an oferysi rag aga servis, ha'n Levysi rag aga soedhow a wormola hag a venystra ryb an oferysi avel dever pub-dydhyek dell ve res, ha gwithysi an yetys yn aga rannow rag pub yet; rag yndella y hworhemmynnsa Davydh, gour Duw.

Yeremia 23:26

Pes termyn y fydh hemma yn kolonn an brofoesi a brofoes gowyow, hag a brofoes toell aga holonn aga honan?

Ezekiel 1:3

ger an Arloedh a dheuth dhe'n oferyas Ezekiel mab Buzi yn pow an Kaldeanys, ryb an avon Kebar; hag ena y feu leuv an Arloedh warnodho.

Mika 1:1

Hemm yw ger an Arloedh a dheuth dhe Mika a Moresheth yn dydhyow Yotham, Ahaz ha Hezekia, myghternedh Yuda, an pyth a welas a-dro dhe Samaria ha Yerusalem.

Mika 3:7

an dhargenysi a vydh diskrassyes, ha'n goelyogyon shamys; i oll a wra kudha aga diwweus, rag nyns eus gorthyp a Dhuw.

Niverow 16:28

Ha Moyses a leveris, ‘Gans hemma hwi a wra godhvos an Arloedh dhe'm dannvon dhe wul oll an oberow ma, ha nyns o a'm govis vy.

Mark 12:36

Davydh y honan a gewsis der an Spyrys Sans, “An Arloedh a leveris dhe'm Arloedh, ‘Ty esedh a'n barth dhyghow dhymm, erna worriv dha eskerens yn-dann dha dreys.’ ”

Luk 1:70

kepar dell gewsis seuladhydh dre anow y brofoesi sans,

Oberow 1:16

‘Breder, res o an skryptor dhe vos kollenwys, a dharganas an Spyrys Sans dre anow Davydh a-dro dhe Yudas, neb a dheuth ha bos gidyer dhe'n re a dhalghennas Yesu,

Oberow 28:25

Hag ow tisputya an eyl orth y gila, i a dhallathas omdenna, heb bos yn akord an eyl gans y gila, wosa Powl dhe leverel unn ger diwettha, ‘Yn ewn y kewsis an Spyrys Sans der an profoes Ysay orth agas tasow, ow leverel,

Oberow 3:18

mes yndella Duw a gollenwis an taklow a dharganas ev dre anow an brofoesi oll, y Grist dhe wodhevel.

Dewteronomi 33:1

Homm yw an vennath may hwrug Moyses, den Duw, benniga mebyon Ysrael gensi kyns y vernans.

Ebrowyon 10:15

Ha'n Spyrys Sans a dheg dustuni dhyn: rag wosa leverel,

Ebrowyon 3:7

Ytho, dell lever an Spyrys Sans, ‘Hedhyw, mar klewowgh y lev,

Ebrowyon 9:8

Yndellma an Spyrys Sans a dhiskwa nag yw igerys hwath fordh dhe'n sentri, hedre vo an kynsa tabernakel hwath ow sevel

Yoshua 14:6

Ena mebyon Yuda a dheuth dhe Yoshua yn Gilgal; ha Kaleb mab Yefunne an Kenizzyas a leveris dhodho, ‘Ty a woer an pyth a leveris an Arloedh dhe Moyses gour Duw yn Kadesh-barnea y'm kever hag y'th kever.

1 Peder 1:11

ow hwithra pyth po py termyn a dhiskwedhas Spyrys Krist ynna, pan ragdhustunias tormentys Krist ha'n splannder a wre y siwya.

Diskwedhyans 19:10

Ha my a goedhas orth y dreys rag y wordhya. Hag ev a leveris dhymm, ‘Na wra henna. My yw dha geskethwas, ha keskethwas dha vreder a's teves dustuni Yesu. Gwra gordhya Duw, rag dustuni Yesu yw an spyrys a brofoesans.’