2 Myghternedh 9:33 - An Bibel Kernewek 20234 (Kernewek Kemmyn)

³³ Ev a leveris, ‘Tewlewgh hi yn-nans.’ Ytho i a's tewlis yn-nans; nebes a'y goes a lagennas war an fos, ha war an vergh, hag i a stankyas warnedhi.

2 Myghternedh 9:33 ပူးပေါင်းရင်းမြစ်များ

1 Myghternedh 21:11

Gwer y sita, an henavogyon ha'n ugheloryon esa trigys yn y sita, a wrug dell dhannvonsa Yezebel ger dhedha.

2 Myghternedh 7:20

Hag yndella y hwarva dhodho; an bobel a stankyas warnodho y'n yet hag ev a verwis.

2 Myghternedh 9:26

“Yn sur, my a welas goes Naboth, ha goes y vebyon de, a lever an Arloedh; ha my a attal dhis war an splatt ma.” Ytho lemmyn kemmer e yn-mes ha tewl e y'n splatt a dir, herwydh ger an Arloedh.’

2 Myghternedh 9:32

Ev a dhrehevis y fas dhe'n fenester ha leverel, ‘Piw eus a-barth dhymm? Piw?’ Ha dew po tri spadhesik a viras yn-nans orto.

2 Myghternedh 9:34

Pan dheuth ev a-ji ev a dhybris hag eva, ha leverel, ‘Kewgh, dyghtyewgh an venyn vollothek ma hag ynkleudhyewgh hi; drefenn hy bos myrgh myghtern.’

Ysay 25:10

Rag leuv an Arloedh a bowes war an menydh ma. Moab a vydh trettys yn-dann dreys yn dyller dell yw kala trettys yn teylek.

Ysay 26:6

An troes a's trett, treys an den truan, pasys an voghosogyon.

Kynvannow 1:15

An Arloedh re dewlis diwdhorn dhe-ves oll ow thus krev y'm mysk; ev a guntellas lu er ow fynn rag brewi flour ow gwer yowynk; an Arloedh re drettyas kepar hag yn gwinwask war an wyrghes, myrgh Yuda.

Mika 7:10

Ena y'n gwel ow eskares, ha meth a's kudh; yn-medh hi dhymm, ‘Ple'ma an Arloedh, dha Dhuw?’ Ow dewlagas a lowenha orth hy gweles. Lemmyn hi a vydh trettys dhe'n dor haval dhe leys an stretow.

Zekaria 10:5

I a vydh avel kasoryon alloesek ow stankya yn leys an stretow yn batel. I a omladh, drefenn bos an Arloedh gansa, hag i a wra bismer dhe varghogyon an vergh.

Malaki 4:3

Ena hwi a drett an debeles; i a vydh lusu yn-dann wodhnow agas treys y'n jydh may hwrav an taklow ma, yn-medh Arloedh an luyow.

Matthew 5:13

‘Hwi yw hoelan an bys; mes mar kollas an hoelan y vlas, py ganso y fydh ev sellys? Nyns yw 'vas na fella dhe dravyth marnas dhe vos tewlys dhe-ves ha trettys gans tus.

Ebrowyon 10:29

Pygemmys gweth an kessydhyans, tybi a wrewgh, a vydh breusys gwiw dhe neb a stank war Vab Duw ha synsi dhe vos avlan goes an kevambos dredho may feu sanshes, hag arvedh an Spyrys a ras?